لا ي رووح امك و جاي بكل وقاحة تقول لي الخطوبة فركشت ؟؟
عاوزني أصفق ليك و لا أديك ميدالية !
شووف يا مجاهد قدامك إسبوع بس تكون رجعته العلاقة زي ما كانت واحسن !
مجاهد : يعني أعمل شنو .. روان راسها قوي و ما حتتنازل عن قرارها
رد : تتصرف ما يخصني ... أنا عايز العرس دا يتم بأي طريقة !
مجاهد : بسسس
قاطعه : ما بس و لا شئ ... أضغط عليها بكل الوسائل و أظهر إهتمامك بيها و إنك ما حتستغني عنها مهما كان !
زواجك منها حيكون ورقتني الرابحة الحنقدر نتحكم بيها في لــؤي زي ما عايزين !
مجاهد و هو بضغط ع أسنانه : أه كل البتمناه أشوف نظرة الذل في عيونو زي ما ذلاني و أهاني لمن طلبته روان !
و لو ما كنت كسبت أبوها لصالحي ما كنت قدرت أخطبها !
رد : ما تنسي إنو هو ما راضي للأن عشان كدا لو عرف بإنكم فركشتوا ممكن عادي ما يرضي ترجعوا لبعض و خصوصا إنو اسامة إتوفي !
مجاهد : ما تخاف هو مسافر الأيامات دي في شغل ع حسب كلام روان.. أنا ححاول أرجع الموية لمجاريها في الوقت دا !
.... : مسافر ؟؟ و شغل ؟؟ يا تري بخطط لشنو ود ناجي !!!
(اكيـــد عـــرفتـــو الفي الجزء الثاني ديك منو صح )
نمشـــي لي بت ناس روان
كانت قاعدة في غرفتها ذات الإضاءة الهاديه و ماسكة صورة أبوها في يدها و حبات دموعها متساقطة ع الصورة زي اللؤلؤ !
مسحت بيدها ع الصورة و كأنها بتمسح بكدا كل الوهن الأصابها و هي بتستشعر وجوده حولها ! وبتقـــول ي رب يطلع كابــوس وافيق منو سريع
همست بوجع : عااارف أنا و مجاهد إنفصلنا .. و لسه ما وريت أمي و لا ابي ..
نرجع خمسه سنه لي ورا
روان : كلو 100 % يا سعادة .. الحمدلله بقيت متألقمة ع الوضع !
اسامة : تماام ي بتي .. بس ما تجهدي نفسك لحد التعب !
روان : إتفضل أقعد .. أنا لسه ما فطرته نفطر سوا !
اسامة : يا سلام جيت في وقتي معناه .. عايز. الفول المظبط زي بتاع المرة الفاتت
روان : اليشوفك مدير شركة و بي عربيتك والفلة العندك ما يقول إنك متواضع كدا. وكمان بتاكل فـول
اسامة ضحك : و هي الشركة دي و المكانة حقتي دي أنا نطيت فيها طوالي كدا !؟؟
أنا لاقتني صعوبات في حياتي كافية لأنها تخليني إنسان فاشل فاقد للعزيمة و الطموح .. بس ما إستسلمته و كنت خاتي أهدافي قدامي و متأكد إني في يوم حصل ليها
روان:- و نحنا كمان إستمدينا قوتنا و إصرارنا ع طموحاتنا منك
اسامة: عارفة .. أنا في نشأتي ما كان في أي وسيلة راحة متوفرة لكن إنتو هسي قمتو و وكبرتو و كل سبل الراحة موفرة ليكم و أنا كنت حريص إنو الحاجة دي ما تغير فيكم و تخليكم متكبرين عشان كدا دخلتكم مدارس حكومية و خليت أي واحد فيكم يخش الجامعة بمجهوده ما عشان ما بقدر أدفع تكاليف تعليمكم !
بس عشان تحسو بطعم نجاحاتكم و تحسو بتعبكم و تقدروا نعمكم !
روان : ربنا يقدرنا و ما نخيب ظنك فينا يا غالي .. كل يوم بتعلم منك درس جديد
اسامة : أيوا غشيني كدا و نسيني الفول و خليني جعان اماني تعالي شوفي يتك دي !
روان و هي قايمة : ثوااااني و حيكون قدامك أحلي فطور !
أنت تقرأ
اسم الروايه :- تحت مسمي الحب // بقــلم :- تسنيم الامين
Gizem / GerilimTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
