عاين ليها بإنبهار : لاا ما قادر أصدق .. بقيتي كويسة يا نجوي ؟
نجـوي بحسرة : و يا ريت لو ما بقيت كويسة .. عشان ما أشوف عمايلك دي
إنت ما شايف إنت إتحولته كيف ؟؟
شوف جسمك بقي نحيل كيف واتقلبت كيف زي الزول العمرو ميه سنة
مجـاهد بقهـر: يوووه نحنا ما حنخلص من السيرة دي ؟
نجوي: سيرة شنوو ؟ هو نحنا قادرين نلم فيك عشان نتكلم معاك .. إنت غايب ليك أكتر من إسبوع انت قاعد وين اصلك
مجاهد : قااعد مع واحد صحبي
نجـوي : و لييه تقعد معاو
مجاهد : يا مدام بغيير جو شوية !
نجـوي: إنت بتعذب نفسك كدا
الززفت البتشربو دا حيدمرك .. ما تغلط نفس غلط أبووك و تضيع حياتك يا ولدي إنت لسه في بداية حياتك
مجاهد مشا وخلاها متحسرة علي حالتو
نرجع لي ورا حبتين
ناجي قاعد مع أخوه في الديوان
و الله يا مصطفي الولد دا عذبني و شاغل بالي .. أنا ما عارف هو طلع كدا لمنو !؟
مصطفي: اصلهم شباب كدا يا أخوي بكرة يتعدل
ناجي : طلعتو من المصحة أمس .. قالو لي إتحسن بس أنا ما شايف أي تحسن
مصطفي:و ما تنسي إنو قعد فترة طويلة هناك
ناجي : عـزام فضل ليهو سنة و يتخرج دا لو رجع و إهتم بدراستو
و عاين لي مصطفي : حطلب منك طلب غرريب و عارف إن دا ما وقتو بس يمكن يكون الحل
ناجي : أطلب رقبتي سددادة يا أخوي !
ناجي بصوت كلو ترجي : عاايز نجوي لي عـزام يمكن كدا يتحمل المسؤوولية و يتغير
مصطفي بتوتر : بسس يا ناجي
ناجي قاطعو : من دوون بس نجـوي أخر أملي و ماشاء الله هي بت عاقلة و وواعية أكيد حتعرف لي
مصطفي : ما حرفض ليك طلبك إنت أخوي و خيرك مغرقني بس في النهاية الرأي رأيهاا حسألها و حرد ليك
flash back
في شركة اسامة ناجي:
لــؤي دار بكرسيه الموجود خلف المكتب
بتمني الطلبتوو يكون إتنفذ ؟؟
سالم و هو بحاول يكتم غيظو مد ليه مجموعة أوراق : ززي ما طلبته يا ابني.. ودي الاوراق
لــؤي و هو براجع الورق القدامو : أممم تمام تمام و عمي المصون وينو
عـزام فتح باب المكتب: كأنك كنت جايب سيرتي
لــؤي مع ضحكة مستفزة : بقولوا إبن الحلال ع ذكروا يبان
عـزام ضغط ع أسنانو : بظن سالم أدااك كل الأخدناهو صح
حازم : و إستعدل في كرسيه و أعقب بنبرة كلها غضب : لا في شئ واحد ما رجع
سالم : كل شئ رجع و الورق قدامك
لـؤي ضرب الطربيزة بعصبية : لاااااا ما رجع
عـزام بنبرة كلها خوف : هوو شنوو الما رجعناه وحنرجعوو بس ورينا
لــؤي عاين ليهو بنظرة حاادة : متأكد من كلامك
عـزام : أككيييد
لــؤي : أبووي ؟؟ ما رجع؟ تقدر ترجعو؟
عـزام و سالم بلعو ريقهم بصعوبة
لــؤي : دي كلها أوراق ما بتهمني و رماها في الهواء .. بيها و لا بدونها الشركة دي كانت حتزدهر
القروش الإنتو سرقتوها دي ما بتهمني في النهاية مجرد أرقام
المبني برضو ما مهم بكرة نبني زيو ميه
بس تقدرووو تقولو لي أبوووي يتعووض كييف
أناا بتكلم معاكم اسامة ناجي حيتعووض كيييف
كانوا بعاينوا ليهو بصدمة كان منفعل و عروقو كلها ظهرت و بانت حبيبات العرق علي جبينو و ملامحو كلها غضب
عـزام: لــؤي أهدأ كدي .. نحنا فكرنا إنو لمن نرجع كل شئ كدا حنكون كفرنا عن غلطنا
لــؤي : ههههههاااي لااا يا راجل
الأخدتوه دا ما كان حيرجع لو ما أنا كشفتكم لو ما إنتو خفتوو من عمايلكم لو ما كان عندي دليل انو انتو
قتلتووه ليييه ؟؟ كاان غلط عليكم و لا قصر معاك يا حضرت عمي المصون
سالم : لـؤي صدقنا نحنا ندمانين علي الحصل و الله و كنا عميانين بالطمع و ما قدرنا الأبوك عملو معانا .. سامحنا يا ولدي
لــؤي : البسااامح الله ... أما أنا بنتقممم
و دي يا دووب بداية الإنتقاام إنتظروو الحلقه الجااية و كترووا صلوواتكم معنوو الصلاة يوم الغيامة ما بتنفع
عـزام : لــؤي أرجوك
لــؤي : هش ما داير أسمع و لا كلمة و إتفضلووا
عشان ما أخد خطوة ما تعجبكم
سالم و عزام طوالئ طلعوا خووفا من الجاي و ندما علي ما فات
" ندمووا بجد و لا لسه يا ربئ ؟؟ "
نتـــلاقا مع كل الحب والريد
أنت تقرأ
اسم الروايه :- تحت مسمي الحب // بقــلم :- تسنيم الامين
Mystery / ThrillerTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
