بعد مرور أسبوع :
كان قاعد قصادها و قلبه بنزف وجع من دمووعها المتساقطة بغذارة
قالت بصوت مبحوح و هي بتتحاشئ النظر لعيونه : لييييه ؟! كل الكنت بتمناه بيت يحتويني معاك و أكون غطاك و وسندك
لــؤي بحرقة : أرجووك حاولي أفهمي و الله كنت حسامحو و الله كنت حنسي كل شئ , كنت حتقبل كل الحصل عشانك عشان حبيتك عشان ما أخسرك كنت مستعد أضحي بكل شئ و أخسر
نغم : جرحتني شديد انت , و الجرحني أكتر إني كنت مجرد وسيلة كنت بتلعب بيها كيف قدرته تخدعني و تعيشني في الكذبة دي
لــؤي مسك يدها : أرجوك عايني لي و إتجااهلي كل شئ لدقيقه و حسئ بي , خلي إحساسك يقوودك
نغم بقلة حيله : أرجوك إنت ما تضغط علي كدا , دا أبوي يا لــؤي و هو في السجن عارف يعني شنو
يعني تاني ما ححس بالدفء في البيت و بالأمان لأنو حولي , و لا حقدر أنوم و لا أعيش حياتي عادئ و لا حقدر لمن أزعل أجئ عليهو و أفضفض و يطمني
لــؤي بوجع : و أنا ؟ عمرك ما فكرتي شعوري ششنو و أنا عايش بدون أبوي ؟ و لا فكرتي إنو أبوك هو القتلو و المفروض تفهمي لي العملت كدا
ليييه مصرة تخسريني و إنتي متأكدة إنك بتحبيني و من جوااك عارفة إنو الحصل دا الصح و إنو أبوك بستحقو واكتر كمان
نغم: لأنو بعد خسارتي لي بابا كل خسارة تانية بقت هينة
لــؤي يعني قاادرة تسامحيه علي القتل و كل جرايمو , و ما قادرة تسامحيني علي إني كنت بحاول أحقق العدالة
نغم ما قدرت ترد
لــؤي: نغم ما تجنئ علي نفسك و علي بالبعاد و نحنا ما قدروا
نغم قامت و شالت شنطتها و هي بتحاول تقاوم دموعها : أنا أسفه , بس يا ريت ورقتي تصلني نحنا ما حنقدر نعيش مع بعض ي لـؤي
لـؤي : مستحيييل إنتي عارفة المووت أهوون لي من اني اطلقك
نغم غمضت عيونها كانت في أضعف حالتها و كان في صررراع بين عقلها و قلبها كاان في شعور بالحب و الككره
فتحت شنطتها و مدت ليهو الدفتر
قالتها بصوت باكي : كنت عايزة أديهو ليك بعد العرس , كاتبة فيهو كل شئ شعرته بيه بس
لــؤي برضو مد ليهو دفترو : غرييبة أنا برضو عامل ليك دفتر
يمككن بعد تقريهو تغيري رايك
نغم شالتو : صدقني ما حيأثر فيني قلبي الصدمات قستو
لــؤي: طيب خليني أوصلك ,
خليني معاك اللحظه دي
نغم بصوت ثابت : خلي بالك من نفسك و مشت بسرعة قبل تنهار. وتضعف
لــؤي بهمس و عيونو بتلمع من الدموع : إنتي نفسي فخلي بالك منها
و لمحها قاعدة جمب زهورها و بتسقي فيهم
و الحزن ساكنها
جاء عليها محاولا إنو يغير ليها مودها
لسه في عادتك دي يا يمة ما خليتيها
أنا قلته بعد ترحلي من هناك حتنسي كل شئ كنتي بتعمليه
نجوي : أنا بعشق الزهور و مستحيل أتخلي عن العادة دي , صح بتذكرني بمأسئ كتيرة بس برضو بتحسسني بالحياة والامل
ايمن : دي هي البتحيا لمن تجئ جمبها
نجوي ضحكت : يا بكااش ما أهو إنت لسه في حركاتك برضو!
ايمن : البيت دا عاجبك !
نجوي : أيووا حبيتو , دمو خفيف و كويس إنو بعيد من الجوطة و الناس !
قعد جمبها : عارفة البيت واحشني , رغم كل الكان متخبئ بين جدرانو من ألم إلا إنو عندئ ذكريات كتيرة فيهو و شهد ع لحظات حلوة
نجوي زفرت بضيق : أحياانا عشان تأمن مستقبل كويس لاازم تنسئ ماضئ سئ و تعيش الحاضر جديد
عــزام راجلي و لسه رغم التعب الأصاب علاقتنا إلا حافظة عشرتو بس بقي ما يفرق معاي و قلبي قسئ عشان كدا ما مشيت شفتو و لا حمشئ اصلا
مجاهد ولدي و قطعة من حشائ مستحيييل أكرهو أو أتمني ليه الشر , بس ياااما حذرتوو و ياما إتكلمته معاه لمن ريقي نشف بس هو كان ضاايع و إختار يواصل في الضياع دا لحدي ما دمر نفسو بنفسو صحي قبضو علييهوو
ايمن أيووا و طبعا عارفة الحكم
أبوي و عم سالم كمان محكمتهم قربت
نجوي : بقيت لي إنت بس ربنا يبارك فيك و يخليك لي
ابمن باسها في رأسها : و أنا معااك و ضهرك و أوعدك حتنسئ كل شئ و تبقي مبسوطة تاني
نجوي : حبقي مبسوطة لمن روان تبقي مرتك
ايمن بضييق : مش قلنا ننسي الموضوع دا. ي يمه
نجوي: أنساهو كييف و أنا شايفة حالتك دي ؟؟ و عارفة إنك مفتقدها
ايمن : هي إختاارت كدا , و أنا ما بيدي حيلة و مليت من صدها المتكرر لي
نجوي : خليها علي أنا حرجع الموية لمجراها
ايمن : لا أوعديني إنك ما حتتدخلي ! أنا عايزها هي براها الترضي و ترجع من دون أي تأثير
نجوي: زي ما عاوز يا ولدي , ربنا يجبر بخاطرك و يلم شملك بيها !
ايمن: أميييين
نغـــم :
نتلاقا مع كل الحب والريد
أنت تقرأ
اسم الروايه :- تحت مسمي الحب // بقــلم :- تسنيم الامين
Mystery / ThrillerTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
