نزل قزاز العربية قال و هو براقب المكان حولو : جهزته الطلبتوو منك ؟؟
جااهز بس ووين الكااشات ؟؟
فتح درج العربية و طلع ليه ربطت قروش .. هاااك بس أنجز !
إتفضل يا معلم أحلي بضاعة عشانك و أداه كيس و أختفي بسرعة من جمبو !
فتح الكيس بسرعة طلع ليه سجارة ولعها أخد كم نفس بعدها إتنهد بإرتياح !
أزعجو رنين التلفون المتكرر رد بنفاذ صبر : خييير في شنوو ؟
في السماء الأحمر و إنت مالك ؟
حجئ وقت مزاجئ يروق .. يا سيدي حمدلله ع سلامتها بس ما بهمني برضو !
عاين كفاية مواعظ أنا ما فاضئ ليك و قفل و إتناول سجارتو بنهم !
نجوي قررت ترجع بيتها و ايمن جاء يسوقها :
نسيم :-ليه يا خالتو نجوي حتمشي يعني ما مرتاحة هنا معانا ؟
حضنتها و أعقبت : نسيم بتي أنا ما كنت مرتاحة فحياتي زي ما إرتحته معاكم !
و بعدين حجيكم و إنتو تعالو لي طيب !
نسيم وهي بتمسح دموعها : إن شاء الله
روان : عارفة إني إتعودت علي وجودك .. تاني البيت حيكون مسيخ !
نجوي : بكرة تبقي مرت ولدي و أعمل ليك صداع و ضغط
ايمن : يمة ما تخوفي البت ساي تقوم تنط .. و تغير رايها ما صدقنا انها وافقت
روان ضحكت : حتي لو شريرة راضية مش إنت في خلاص الباقي هين
ابـي : يا سلام شوف بالله دا الفضل يا بت تتغزلي قدامنا .. أمشي من قدامي قبل أديك ف وشك
روان ضحكت و مشت أتدست وراء أمها
نجوي بحزن : خلاص ولدي راح مني .. تاني منو الحيفضى لي سرقتي ولدي مني
ايمن ضحك و حضنها : إنتي الكل في الكل إنتي سيدة قلبي الأولى
روان : لولا معاملتو ليك أنا ما كنت حطمئن علي نفسي معاه .. لمن الزول يكون بقدر أمو و بحترمها تاني حيقدر أي بنت في حياتو
نجوي مسكتهم : ربنا يتتم ليكم علي خير يا أولاد .. و الله فرحتي بيكم لا توصف !
ابي : يا سلاام علي المشهد دا .. شايفين الحب دا .. و مسح دمعة وهمية
نسيم : أنا وراي مذاكرة و شكلكم حتطولو ودعت سلمي و طلعت غرفتها
اماني : منو الحيتونس معاي العصريات و نشرب الجبنة سوا .. منو الحيساهر معاي و نحنا بنسترجع الذكريات ؟؟ منو الحفضفض ليه و يخفف عني ؟؟
نجوي : ما تصعبيها أنا ما قلته ليك حسافر .. بيتنا جمبكم يا ستي و لو تحبي كل يوم العصر حجئ أشرب معاك الجبنة
ايمن : و أنا مستعد أوصلها
ابـي : أيوواا يا عم الحبيب .. و عاين لنجوي علي فكرة ما حيوصلك عشانك عشان ناس كدا و غمز لروان
ايمن لكزو : جنك فضاايح .. أصبر بتقع معاي يوم !
ابي طلع لييه لسانو بطريقة طفولية
نجوي : لـوي في الشغل كالعادة .. لمن يرجع سلمو عليه !
ابي : حينفخنااا لمن يرجع لإنو ما مشينا
ايمن بثقة : حينفخك براااك .. أنا واخد إذن لنص يوم و حرجع الشركة بعد أوصل يمة
ابـي : كوويس يا خاين أصلا عادي النفخ للرجالة و قال لنور جهزي لي لبستي عليك الله حمشي الشغل
بقو يضحكو عليه و بتريقوا علي كلامو
نجوي ودعتهم و مشت و هي خالفة وراها أيام حلوة و ذكري طيبة عطرة
بالجانب التاني في بيت نغم :
كانت التجهيزات قائمة و البيت يعج بالناس أصوات الزغاريد و تداخل أصوات الونسة و الجووطة بسبب اللمة
الشابات بتجمعن مع بعض و الشباب مع بعض و النساء كل وحدة مشغولة بشئ و الرجال بمواضيعهم السياسية و الجدل الما بنتهي
في غرفة نغم :
مبرووك يا صحبتي فرحت لييك و الله
سمر: كنت مفتقدة وجودك و الله بس خالتو صبا ما قصرت جات !
نغم : ما كان هاين علي و الله بس في الليله الكبيرة حكون معاك زي ضلك !
سمـز: بإذن الله .. أسمعيني بيتكم بقي جايط تعالي أقعدي معاي
نغم : أنا زاتي كنت بفكر كدا .. و بعدين لسه ما حجزت الفستان ! و عندي حاجات ناقصة
سمـر : كلووو بتعمل ما تشغلي بالك ... أنا حوري خالتو و حسوقك!
نغم : طيب و سرحت لوهلة عارفة يا سمر لـؤي ما إتذمر من طلباتي الكتيرة و لا من تقلبات مزاجي في الفترة الفاتت من التوتر و الضغوطات .. مرات أنا ما كنت بكون طايقة نفسي .. بس هو كان بالو طويل معاي و ما إتضايق كان بحتويني بجد
أنا لو قعدت أشكر ربنا مدي حياتي ما حيكفي إنو رزقني بيو
سمر : ربنا يخليهو ليك .. ربنا عارف نيتك عشان كدا رزقك البشبهك
نغم: و نعم بالله .. أهااا إنتي و ابـي كيف ؟
سمر وخدودها حمرت بس ل ذكر إسمو .. و بدأو في الأحاديث الوردية الما بتخلص
🌸🌸🌸🌸
في شركة سالم :
رد للسكرتيرة : خليه يخش و قام يرحب بيه
أهلين يا ولدي إتفضل منور
لـؤي : بنوورك يا عمييي و شدد علي حروفها
سالم : أكيد في سبب للزيارة
لـوي: اموت في اللي يفهمني بسرعة و مد لي إسطوانة
سالم : دي شنوو ؟
حازم و هو بولع سجارتو و بخلف رجلينه : شوووف براك
سالم دخلها في الكمبيوتر بإستغراب قبل ما ملامحو تنقلب لهلع و تلمع حبيبات العرق ع وشو واثار الصدمة ظاهرة عليه
دا دا شنووو ؟؟ إنت جبته دا من ويين !!
لـؤي :- طفي السجاارة بكل ثقة .. جبتو من وين ما يخصك بس ممكن أعمل بيهو شنوو إنت عارف ؟؟
أنا حوديك في ستين ألف داهية !
يعني إنت كنت عارف من زمان يعني؟
لـوي : علييييك نور .. عارف و ساكت عشان أشوف حتبطلوا قذارتكم دي متين
بس ذيل الكلب عمروو ما يتعدل يا سالم .. أه و لا أقول يا نسيبي إحتراما للنسب البقي بينا
سالم : أنا مستحيل أخلي العرس دا يتمم إنت فاهم ! دااير تلعب معاي ألعب بدون بتي
لـوي ببرود : ما كنا كويسين .. و كنت عامل إنك فرحان بالعرس و إنو حيوطد العلاقات و لا كنت فاكر إنو بالعرس دا .. إنت حتلف يدك علي رقبتي ؟؟
سالم: عاايز شنوو ؟؟
لـوي: أيووا كدا نقدر نتفاهم !
العقوود بتاعت الصفقات الإتسرقت ترجع و معاها كل مليم أخدتوه من وراها !
إتنين كل الشيكات الصرفتوها من ورا أبوي قرووشها ترجع في رقم الحساب دا و مد ليه ورقة !
تلاته الأرض القعد تبنو فيها و فرحانين حتمو البناء عادي بس في النهاية حتكون لي لإنها من الأصل ما حقتكم و ورق مليكتها معاي
أربعة إذا حاولته تلغي العرس عارف الحيحصل شنوو؟؟ أول شئ حتخسر حبيبه قلبك لإنك براك عارف مجرد رفضك المرة الفاتت رقدها مستشفي فما بالك و العرس بعد أيام معدودة و أطلق ضحكة إستفزازية و أعقب وصل كلامي دا لعمي المصون
و بعد ما كلامي دا يتنفذ في كلام تاني و إياك تحاول تتذاكي لإنو حبل مشنقتكم في يدي فاااااااهم !
سالم: إرتعدت أطرافه و قعد في الكرسي بإنكسار و هو في باله شئ واحد بس
نتلاقا مع كل الحب والريد
أنت تقرأ
اسم الروايه :- تحت مسمي الحب // بقــلم :- تسنيم الامين
Детектив / ТриллерTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
