في صباح اليوم التالي في شركة ناجي :
سمع طرقات علي باب مكتبو : إدخل
فتحت الباب ببطء و تردد وقفت مسافة قبل تخش كانت بتحاول تلم شتاتها
طلت و في وشها إبتسامة عذبة و ملامحها كلها رجاء
وقف بذهول : روان انت هنا ليه ؟؟؟
روان : لو مشغول ممكن أمشئ ؟
ايمن : معقوولة بس إتفضلي أقعددئ
قلبو كان بنبض بقوة كان بفكر فيها قبل لحظات وفجاء هي قدامو : لــؤي بقي كيف ؟
روان : كوويس الحمدلله و قالت محاولة تبرر وجودها في الشركة : ابـي نسئ ورق مهم و طلب منئ أجيبو فقلته بالمرة أشوفك
ايمن إبتسم لأنو عارف إنها جات عشانو : أهااا ما بتقصري تشربي حاجة
روان حست بغيظ من برودو : لالا شكرا خالتو نجوي كيف ؟
ايمن : عااافية تب ما فيها عوجة
روان بحرج : أمممم أسفة علي الحصل اليوم داك
ايمن : ولا يهمك عادي مقدر موققفك والعملو عمك ماهين
روان بإنفعال : أنا ما عندي عمم
ايمن : و لا حتي ولد عم ؟؟
روان عرفت قصدو و حاولت تخفي إبتسامتها : امممم ا ا أنا أستأذن عشان ما أعطلك
ايمن و هو بحاول يستفزها : أوووك ورجع لي شغلو تاني
روان بعصبية : علي فكرة إنت ووااحد بارد و دمك تقييل و عامل فيها مهم و كرييه كمااان و عندك نرجسية كدا و أصلا إنت قايل نفسك منو و أه نسيت غيااااااظ كمان و أنا بكرههك اي أنا بكرهك
ايمن و لا كأنو سمع شئ إتجاهلها
روان ضربت الطربيزة بيدها : قلتته ليييك بكررررهك يا ثقيل
ايمن ما قدر يكتم ضحكتو و بقي يضحك بقوة لمن دمع و هي ما قدرت تتمالك نفسها قعدت في الكرسي و بقت تتضحك
ايمن قام و جاء قعد قصادها : أممممم بتكرهيني يا أستاذه
روان : ايوا نعم بكرهك ومدت لي لسانها
ايمن: لييه إتأخرتي كداا حرام عليك ياخ
روان بحزن : سامحني غصبا عني بس كنت محتاجة وقت عشان أرتب نفسي
ايمن : كنت وواثق إنو البينا ما بروح ساي
روان بحب : بكرهك
ايمن ضحك : و أنا كمان بكررهك جدا جدا
روان مسكت الدبلة : أوعدك ما حطلعها تاني مهما حصل
ايمن : لاااه خلاص ما عايزين نلبسها تاني في اليمين , جاء الوقت التتلبس في الشمال و لا شنوو ؟؟
روان بخجل : أممم أنا حمشئ و حوري ماما و لـؤي تقدر تجئ المساء
ايمن بدراما : ما حقدر أنتظر للمساء أنا حجئ معاك هسي دا
روان فتحت الباب فجأة .. و وقع ابـي الكان متكل ع الباب. وميت بضحك
ايمن : إنت هنا من متييين
ابي رقق صوتو : من بكرهك يا ثقيييل
روان ضحكت و ضربتو في كتفو
ايمن : أهاا متفقين علي يعني ,,
ابي : المفرووض تشكرني لانو جات بسببي
روان : انا طالعه يلا سلام
ايمن : إنتظري
ابي مسكو : إنتظر إنت يا عم الولهان ورانا شغل و لا قايل الشركة دي سايبة ؟
ايمن عاين ليهو بغييظ
ابي إبتسم ليهو : لو مش عاجبك طلقني
روان خلتهم بتناقروا و طلعت و قلبها برقص من الفرح , بس جواها كان في شئ شاغلها و قررت إنو لازم يتحسم الليلة
و نقــول
" إﺗﻠﺨﺒﻂ ﺍﻟﺸﻮﻕ ﺑﺎﻟﺰﻋﻞ ﻣﺎﻋﺮﻓﺖ أﺑﺪﺍﻫﻮ ﺍﻟﻜﻼﻡ ﻣﺮﺍﺕ أﻋﺎﺗﺒﻚ ﺑﺎﻟﻐﻠﻂ ﻣﺮﺍﺕ أﺑﺎﻟﻎ ﻓﻲ ﺍﻟﺴﻼﻡ ﻟﻮ ﻧﺎﺳﻲ ﻣﻤﻜﻦ أﺫﻛﺮﻙ ﺟﻤﻌﺘﻨﻲ ﺑﻴﻚ ﻛﻠﻤﺔ ﻏﺮﺍﻡ ﻭ إتعاﻫﺪ ﺍﻟﻘﻠﺐ ﺍﻟﻌﻠﻴﻚ ﺍﻟﺮﻳﺪﻩ ﺗﺼﺒﺢ ﻓﻲ ﺍﻟﺘﻤﺎﺍﻡ "
🌸🌸🌸🌸
دخلت غرفتو لقتو بعاين للصور حقت عرسو
اماني حتفضل زعلان مني كدا كتير ؟؟
لـؤي إبتسم : إنتي عارفة إني ما بقدر أزعل منك ولا بقدر افكر في كدا
اماني : تفتكر أنا غلطته لمن عملته كدا أو إتسرعته ؟
لــؤي : ما غلطتي و أنا كنت حعمل كدا لو كنت مكانك
و عارف إنك حاااسة بتأنيب ضمير !
بس ما كل الناس طيبين زييك كدا
اماني : عمك بعد ما ضغطوا عليه إعترف إنو ورق التنازل كان بدون علم من أبوك الله يرحمو
لــؤي: كل ما أتذكر إنو هددك بإنو يطلعنا من البيت دمي بفوور .. كيف نطلع من البيت الإتربينا فيهو من البيت الكل ركن فيهو بحمل ذكرياااتنا مع أبوي ؟
اماني : أنا بصراحة خفته لمن قال كدا و ما قدرت أتخيل إننا نطلع منو
لــؤي : ممكن يجئ يوم و تسامحيهم ؟
اماني : المهم إنت مسامحني ؟
لــؤي : أنا أديتك الظرف و عارف الجواه و كنت متأكد إنك حتعملي كدا و حتعملي الأنا خفته و ما عملتو
يمكن أنا كنت راااغب جدا إنهم يتعاقبوا و أشد عقاب كمان بس جبنت في أخر اللحظات و ما قدرته عشان كدا أديتك كل شئ. انت وانا متاكد من الحتسوي
اماني: إنت ما جبنت و لا خفت بس حبيت والبحب بسامح
لــؤي: الواضح إنو الحب ما كافي
اماني : لو بتحبك بجد حتنسئ عشانك وترجعلك
لــؤي : ايمن وراني الحكم ليه ما وريتيني إنتي ؟
اماني : ما كنت عايزة حالتك تسووء أكتر , و علي فكرة انا ونجوي اتصالحنا وعلاقتنا رجعت زي زمان !
لــؤي: و خالتو صبا؟؟
اماني :و هي كمان محتاجة وقت و برضو حيجئ اليوم و ترجع زي زمان و أقوي ,
الفرق بينهم نجوي كانت عارفة عمايل عمك و مغبوونة منو يمكن دا هون عليها !
بس صبا إتخدعت و صدمتها كانت قوية
لــؤي: بفكر أعفي عن مجاهد رايك ايه؟
إيمان : دا قررار و لا سؤال ؟ علي العموم مجاهد قضيتو إنتهت لإنو حتي لو إنت عفيت هو ما حيقدر يتجاوز قضية المخدرات و خصوصا إنو لمن إتقبض كان بحوزتو كمية مخدرات
لــؤي بقلة حيلة : ربنا يرأف بحالو
اماني : أميييين
و قالت بحماس : قووم روووق نفسك كدا عشان المساء في مفاجأة
لــؤي ما حب يكسر بخاطرها معنو ما كان عندو نفس لشئ رد : طييب بس يا رب تكون سمحة عشان شبعنا خيباات
و تذكر. نغم ابتسم ابتسامة باهته كدا
🌸🌸🌸
البيت كان يعج بالفرح :
الجميع كان مبسوط بعودة ايمن وروان و حتي هـــو رغم حزنو إلا إنو ما قدر يخبئ فرحتو
روان كانت متوترة وكل شوية تعاين لتلفونها و دا شئ لاحظو كلهم
ايمن: روان مالك في حاجة ؟؟
روان و عينها ع الباب : هااه لا ماف شئ
ابي أشار ليها عشان تهدأ و إنو كل شئ تمام
روان إتنهد بعمق : الحمدلله
ايمن : قلتي شئ ؟؟
روان ضحكت : إشتقته ليك بس
ايمن صفق بحماس : يا جمااعة ممكن تنتبهو معاي شوية
وجاء علي لـؤي : أنا طالب يد أختك علي سنة الله و رسوله و لو ماف مانع عايز أتم العرس في خلال إسبوعين ؟
نجـوي زغردت : و أخييرا حشوفك عريس
لــؤي حضنو : ما عندك مشكلة يا اخوي, ألففف مبرووك
نسيم : يا سلااام حيكون عندنا عرس تاني
ابـي : دا ع أساس إننا إتفقنا نعرس سسواا ؟؟
ايمن بغيظو : بطرريقتك
روان بهمس : أهاا ووين لسه ما ظهروو ؟
ابي : قاالت قربووو
روان : شووفو بحاول يفرح بس هو ظاهر انو حزين بس خلاص كل شئ حيتصلح الليله
ابي: بس لو أعرف دي فكرتي فيها كيف يا فصعوونة إنتي
روان : إحم إحم لو سمحت نحنا ما بغلبنا شئ
و علي كلامهم رن الجرس
نسيم : أنااا حفتح و قامت بسرعة
اماني : خيير اللهم إجعلوو خير
روان و هي ماسكة لــﯠي : كلووو خيير يا أمي إطمئني
نسيم جات : دييي سمــور يا جماعة و معاااها خالتو سناء " أمها " و معااهم ......
نتلاقا مع كل الحب والريد
أنت تقرأ
اسم الروايه :- تحت مسمي الحب // بقــلم :- تسنيم الامين
Misteri / ThrillerTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
