روان :- شئ غريب خالتو نجوي عايزة تقابلني
اللهم اجعله خير. (ي ربي عشان موضوع انفصالنا انا ومجاهد)
و زادت حيرتها لمن أمها قالت ليها إنو مجاهد جاي الليله يزورهم عشان يعرف يعتـزر
قامت تجهز و لقتها فرصة إنها تتأخر هناك
جهزت و إستأذنت من أمها إنو في مشوار مهم لازم تمشيه
اماني : يا بتي الله يهديك
روان : ما فرقت يا أمي لـؤي موجود وبكلمو قالتها و هي حاسة بالقوة و حمدت ربنا إنو لــؤي وابـي واقفين معاها
اماني : طيب ما تتأخري
روان : سمح ودعتها
.....🌸🌸🌸🌸🌸🌸....
وصلت لبيت ناس نجوي رنت الجرس و جات الحبشيه فتحت ليها و ساقتها لغرفة نجوي .. و ما كان في زول لإنو الفترة صباحية و كلهم بكونوا ف الشغل
روان إتفاجأت من أناقة الغرفة و ترتيبها و نظافتها
قطع تفكيرها صوت نجوي : ايمن الله يخليهو هو البهتم بي
ما بخلي الشغالة تخش هنا أبداا
روان إلتفتت بخلعة : خالتوو نجوي إنتي بقيتي تتكلمي
نجوي و هي بتحضنها : الحمدلله ي روان
روان : يا سلاام دا أحلييي خببر و الله .. ماف زول ورانا لكن
نجـوي : ايمن بس العارف .. أنا حابة أعملها مفاجأة .
روان : حــلو ياخ فرحت فرح
نجوي: أكيد حتكوني متحيرة أنا دايراك في شنو
روان : و الله أنا الخجلانة من نفسي إني ما أجيك إلا لمن إنتي تطلبي مني
بس إنتي عارفة الظروف
نجوي : عارفة و ما لايماك
و أشارت ليها للبلكونة : تعالي نقعد هنا .. الجو سمح و برتاح في المكان دا أنا
ايمن كان وراني إنك و مجاهد إنفصلتوا
روان : أيوا ماف نصيب .. و بتمني ما تزعلي مني
نجوي إبتسمت : لا ما حزعل بالعكس فرحته .. و إتداركت كلامتها بسرعة و أعقبت : طيب ما حاول يصلح الوضع
روان : و الله يا خالتي حيجي الليله عندنا في أخر محاولة
نجوي : و أهاااا. وردك شنو
روان : طبعا لسه رافضة و فوق دا لــؤي وامي وابـي كمان رافضين
نجوي ختت يدها علي قلبها
و مسكت يد روان و عاينت ليها بجدية : أسمعي كلامي دا كوويس و فكري فيهو !
روان ضحكت : وترتيني يا خالتو في شنو
.
.
.
بالجانب التاني
نغم حكت لأبوها الحاصل .. و حدد ليها ميعاد عشان يقابلوا و يتعرف علي لــؤي (عاد ي سالم راجيك صدمة توديك ود الاحد طوالي)
و طلب منها يجئ البيت
نغم من شدة فرحها جهزت كل شئ براها وابت تخلي لا امها لا سمر يساعدوها ولبست اشيك فستان عندها
نغم : متووترة يا سمر .. يا رب يعدي اليوم علي خير
سمـر : أهدي يا بت مش قلتي الولد ما فيه عيب !
نغم : هو الشخص مثالي
نغم : و الله يا مستر لــؤي و عرفته لنغم لكن
نغم : إنتي ما عارفة الحب دا بغير كل شئ .. بغير ليك كل مبادئك و بخليك تتنازلي ..
أنا طاايرة يا سمر و لو دا حلم ما دايرة أصحي منو
(يا سيدي. 💜
أنا اقوى بگ.. فكل لحظة ضعف تأتي إلي اذكر أنني لم أصبح وحدي بل لدي جيش عظيم قادر علي تحرير فلسطين من خارطة قلبي.. 💜
أنا بگ.. جميلة حد اللاحدود كما تقول
أنا بگ.. طفلة صغيرة عنيدة تحتاج ذبذبات صوتك لـ تهزني لـ أنام
أنا بگ.. عاقلة ومجنونه ، مشتته ومرتبه ، مثقفه وجاهلة..
فأنا حقآ بگ وبغيرك لا أعلم من أكون.. 💜)
سمــر : يختي عليها ان شاء الله يعجب خالو سالم بس
نغم : حيعجبوا و حتي لو ما عجبوا أنا ما حتخلي عنو و حقنعو انا
سمر : و الله أنا مبسوطة ليك يا نغوم .. حضنتها
نغم : عقباالك يا رب قرريب
و زاد التوتر لمن سمعت رنين الجرس
نغم : داا هووو و قامت
سمر مسكتها : يا بتي أبررردي شنو الخفة دي .... خليك هنااا لحدي ما أجيك فااهمة
و خلتها و هي علي احر من الجمر عشان تنزل
سمــر :- اتفضــل ي عريسنا ودخلــتو الصاله
صبــا جات ســـلمت عليــو وقعدت معاهو لمن جاء سالم وستاذنتو عشان تجيب الضيافه
ســـالم. لمن شافو اتجمد واتصدم وقال بتوتر :- ل لــؤي ولد اسامي ناجي
لــؤي :- اوووو عم سالم. كيف الحال والاحوال. يعني انت والد نغــم
سالم ::- ايوا انا ابـــوها
لــوي :- ي سلام صدفه جميله دي
قاطعتهم صبا وهي شايله العصير وراها سمر شايله الضيافه
سالم :- ي صبا عارفه دا ولد منو ي صبــا دا ولد المرحوم اسامه
صبا ختت صينيه العصير ورجعت سلمت عليو تاني ي محاسن الصدف ياخ
والله ي ولدي انا جيت العزاء بس مالاقيتك
لــؤي :- تسلمي ي خالتي ما بتقصري والله
صبا :- الحمدلله ما مشينا بعيد زيتنا في بيتنا
سالم :- صدفه غريبه
لــؤي : صدفه غريبه فعـلا ... لكن من اجمل الصدف
اها ي عمــي قلت شنو نقــرا الفاتحه
صبــا طوالي زغردت
نغم لمن سمعت صوت الزغاريد عرفت انو دي موافقه مبدئيه وبقت تنطط من الفـرح
سالم :- موافيقين
:
:
:
:
فتحت عينها بصعوبة و عاينت حولها لقت الدربات المركبة و أمها جمبها بتبكي
إتذكرت الحصل .. و دخلت في نوبة بكاء تاني .. أمها نادت الدكتور و أداها مهدئ و نامت (ي ربي ماله نغمم)
🌸🌸🌸🌸🌸🌸
انــزل الليل ستارتو ,, و كل واحد من أبطالنا غرقان في التفكييير
روان كانت بتتقلب في سريرها بقلق منعها النوم .. قامت و إتوضت عشان تصلي ركعتين عسي بال
ها يهدأ شوية !
قعدت في المصلاية بعد إنتهائها و هي بتسترجع حديثها مع نجــوي
و دعت ربنا ينور بصيرتها و تاخد القرار الصح
(ي رب سلمي قالت ليها شنو)
🌸🌸🌸🌸🌸
علي بعد أمتار منها و في الغرفة المجاورة
لــؤي:- جاي بكل وقااحة كمان و فاتح نفسو إنو روان ترجع ليهو
ابــي :- روق يا لــوي كفاية سجاير دي العلبة التانية لو ما ملاحظ يعني
لــوي : أرووق كيف بس ..
ابــي : أنا زاتي إتمليت منو. مستحيل كنت أأمنوا علي روان أكيييد من البداية كان بستغلها عشان يضمن مكانو في الشركة
لــوي للحظة جات في بالو نغم و لاحت صورتها و إتذكر إنو هي ما عندها ذنب برضو و إنو بستغلها
هز راسو في محاولة ابعادها من تفكيرو : ذكررني لمن نمشي بكرة الشركة ... أول شئ أعملو إني أرفدووا من الشغل
ابـي : إنت عارف إنو كدا عمك ممكن ينفجر
لــوي : عمييي ياتو عم دا ؟ الما سأل عننا من وفاة أبوي و كل البهمو الشغل بس
بس حسابهم قرب و كل شئ في وقتو حلو
ابـي : أنا بقيت بخاف منك .. اطفي النور معاك وانت طالع خليني أنوم
لــؤي و هو بجر منو البطانية : دي غرفتي يا فالح قوووم اتخارج
ابــي : يوووخ خليني أنوم أنا نعسان ما قادر أمشي
لــؤي بغيظ : بقيت نعسان خلاص اتخمد نوم
نتــلاقا مع كل الحب والريد
أنت تقرأ
اسم الروايه :- تحت مسمي الحب // بقــلم :- تسنيم الامين
Mystery / ThrillerTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
