أنا متأكد ختيتو هنا .. طلع كل محتويات الخزنة و بقي يقلب في الورق زي المجنون !
كااان هنااا و ماف زول بخش مكتبي أو بفتح الخزنة !
كدي أهدأ و بروواق حتتذكر ختيتو ووين !
أهدأ شنووو هو في بال فضل عشان أهدأ .. إنت ماحاسي بس حجم المصيبه دي
سالم : ياخ بس لازم نهدأ عشان نقدر نفكر بهدوء
عزام : الورق دا كان مصدر قوتي .. كنت حلوي يدو
كدااا نحنا حنضيع وكل التعبنا عشانو حيروح هباء منثور
سااالم: ما ضعنا و خلااص الفيديو المعاه دا حيودينا ود الاحد
عـزام: كيييف حصل دا ؟؟
سالم: وواضح إنو خاتي كاميرات مراقبة في الشركة
عـزام :- لكن اسامه عمرو ما إتكلم لي عنها
سالم : دا ما مهم وريني حنعمل شنو ؟؟
عـزام : نهررب ؟؟
سامح : أكييد جنيت كدا حنثير الشبهات و لـؤي حيحس بالقوة أكتر و بعدين عرس بتي اهرب كيف
عـزام : العرس ؟؟ هو ما لغاه يعني ؟
سالم : لا و هددني إني ما ألغيه كمان .. عشان كدا أنا شايف إننا ما نتسرع يمكن هو عاوز يرجع حقهم و خلاص
عـزام : ما ظنيت حيسكت علي موت أبوه و يخلينا في حالنا
سالم: أنا حمشئ البيت مليان و العرس قرب خلاص .. فتش الورق بهدوء و خلينا نخطط للحنعملو نحنا ماف شئ بصعب علينا و ممكن نقلب الطاوله لي صالحنا
عزام بتوتر : طيب طيب إنتظر مكالمتي
سالم مرق و خلي عـزام غرقان في أفكاره و كل عمايلو مرت من قدام عيونه زي الفيلم ~
🌸🌸🌸🌸
نرجع لي كم سنه ورا :
يلا يا اسامة عشان ما نتأخر !
أررح يا حاج أنا جااهز ^^
ناجي : طيب أسبقني للعربية .. حجيب شوية ورق و أجئ
عـزام : و أنا يا أبوي ما عايز تسوقني معاك ؟؟
ناجي : إنت خلي بالك من دراستك وأمور البيت و أمك يا ولدي
عـزام : إنت كل مرة تسوقو معاك للشغل و تخليني .. هو ذاته ما عندو قراية ؟
ناجي : هو قرايتو في مجال شغلي و بساعدني أكتر و وجودو مهم معاي هو كبير و فاهم
عـزام بحقد : يعني أنا ما بفهم .. و لا هو
ناجي : إنتو الإتنين واحد عندي و ما تقول كدا تاني .. لمن تكبر حتفهم !
عـزام : أنا بكرهو عشان هو ماخد كل الإهتمام و أحسن مني في كل شئ !
ناجي بنبرة غاضبة : لو قلته كدا تاني أنا حتصرف معاك تصرف ما حيعجبك !
عـزام : لو إنت كنت بتهتم لي .. كنت حتخليني أقرأ زيو بس دخلتني مجال مختلف عشان تبعدني منك !
عـزام: أنا خليتك تقرأ هندسة عشان تبقي مهندس و تبني نفسك قبل تبني أي شئ !
عـزام بغضب : أنا ما محتاج لشغلك و حيجئ يوم و تشوفني ناجح براي بدون نصايحك دي و حنجح في مجال البيزنس كمان !
ناجي: إذا إنت قلبك مليان حقد ناحية أخوك عمرك ما حتنجح .. خليي نيتك طيبة عشان تتقدم و إتعلم منو !
عـزام إكتفي بالصمت و جواه غل تجاه اخوه كلل يوم بزيد ~
.........
في صباح يوم سعيد للكل :
يا سلاام يا زوومي أخيييرا حتخرج و أبدأ بعد دا أفتش شغل
عـزام : هه ما إنت حتمسك شهادتك بهنا و حتشتغل بهنا
اسامة : إنت فاكر إنو أبوي حيشغلني معاه ؟؟
أبوي كان بيسوقني عشان يفهمني الشغل بس .. أبوي راافض فكرة إنو يدينا كل شئ في يدنا
عايزنا نكاافح برانا زي ما هو كافح و نصنع مستقبلنا بيدنا !
عزام : غشني كدا و خلي البينكم بينكم كأنو أنا ما أخوك و لا ولدو !
اسامة : ي عزام الله يرضي عليك الليله يوم تخرجي .. ممكن ما تبدأ في إسطوانتك دي ؟؟
عـزام بغيظ : مبروك ما قلنا شئ ..
اسامة حضنو : إنت أخوي الصغير و خليك عاارف إني دايما حكون وراك و ساندك يلاا أمشئ أجهز
عـزام بلا مبالاة : طيب
تم التخررج ~
أنت تقرأ
اسم الروايه :- تحت مسمي الحب // بقــلم :- تسنيم الامين
Bí ẩn / Giật gânTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
