و قاطع كلامو قدووم. مجاهد
مجاهد: خالتي ألف مبرووك ل لؤي ربنا يهنيه و عقبال الباقين
اماني بطيب خاطر : و يهنييك يا ولدي و يخليك لشبابك و نفرح بيك قريب
مجاهد: أمييييييين
و إلتفت لـؤي: اووو عريسنا مبروووك ياا أخووي بيت مال و عيال إن شاء الله
لـؤي رغم إختلاط مشاعرو إلا إنو قرر يسامح خلاص حاول يتناسي كل شئ بذكرو بعمايل عمو ود عمو
إبتسم بنقاء وعانقو : او ابن العم و يبارك فيك .. أنا أسف علي ال.. و قبل يتم جملتو ملامح وشو إتغييرت و عيونو حمرت و بقي يعاين للحضور في صمت , عيونو ثبتت علي نغم و حس إنو كل شئ في جوفو بحرقو حس بنار في جسمو و الهمس بتاع مجاهد كان بعييد و إختلطت الأصوات عليه
و بمجرد ما زح مجاهد منو .. لــؤي ووقع في الأرض و الدم ملا بدلتوو
كانت أول الصرخات من اماني إلتفت عليها الكل .. ابي و ايمن جو جارين علي لــؤي و شالوه بسرعة
نغم أغمي عليها و كل زول بقي جاري لحته
روان و نسيم لحقو لـؤي و خلو سمر مع نغم
عـزام ما قدر يتحرك و بس عينو كان مثبته ع مجاهد المرق من الصالة بسرعة
نجوي قعدت مع صبا بطلب من اماني و ساقو نغم للمستشفي
في المستشفي :
دخلو لــؤي بسرعة لغرفة العمليات ... و في نفس المستشفي كانت نغم في الغرف المجاورة ليهو مركبين ليها الأوكسجين و الدربات
ابي الحصصل شنووووو ؟؟
قالها و هو منفعلل و ما قادر يتمالك نفسوو
اماني سكتت ما قدرت تتكلم
ابي : أنا بتكلم معاك يا أمييي .. الطعنو منووو ؟؟
ايمن قلبو إتملأ خووف و ما خاب ظنو لمن سمع اماني بتقول بصوت متقطع : م مج مجاهد
قعد بإنهيار و ما قددر يعاين لملامح روان و لا قدر يواسئ ابي
حسس إنو محتااج يختفي من قداامهم , إنو حيعاقبوه ع فعلت أخوه دي
ابي لسانو ألجم من الصدمة : معقووووولة ؟؟ مجاهد يعمل كدا ؟؟ و عشان شنوو ياخ ملعوون أبو القروش يااخ البتوصل للمرحلة دي لي متيين الحقد و الكراهية دي ؟؟ ما كفاية أبونا مات بسببهم عايزين ياخدو اخونا كمان
ما كفاية العاناهو لـؤي بسببهم و الهمووم الشالها
أصلااا العرس دا من البدااية ما كان لاازم يتم
كان بتكلم بدون حساب للوجوه الحولو المليانة تساؤلات و مصدومة من كلامو
روان بصعووبة : قصدك شنوو بكلاامك دا ؟؟
في شنوو و نحنا ما عارفينو ؟
إتكلم يا ود .. العرس و مجاهد و كراهية و أبوي في شنوو ؟؟
ابي عاين ل ايمن نظرة كلها أسئ وبتقول لازم أتكلم سامحني
ايمن أشار ليهو بالصمت و قال : أنا حوريك في شنو
و حكي ليها كل البعرفو و كل العملوه أبوه و مجاهد و سالم!
اماني رجعت بذاكرتها لوراء و إتذكرت أحاديثها مع راجلها عن عـزام و إنو بحاول جاهداا يصلحو و ما يخلي الجواه ينمو أكتر
ابي : بس بعد دا كلو لـؤي حب نغم بجد , عشان كدا صمم إنو العرس يتم
روان بإنفعال : و إنت عندك عين تعاين لي أو تتكلم معاي بعد عمايل ابوك وخوك دي
يا بجاحتك ياااخ و كمان فاتح نفسك و إتقدمت لي
و قلعت دبلتها و رمتها ليهو في وشو
أنا ما بشررفني أكون مع ناس زيكم كدا
اماني إنتبهت لوجود نجوي خلفهم :نجوي وايمن ما تاخدوا علي خاطركم منها هي بس منفعلة و مجروحة بس إنت عارف هي بتحبك كيف صح ؟؟ و إنتي يا ينجوي عارفه بتحترمك !
ايمن ما رد و إنحني و شال الدبلة و مشي قعد في مقعد بعيد منهم وبكا
ابي كان عايز يطيب خاطروو و يوريه إنهم عارفين إنو مختلف و إنو طيب و نقي ,, بس من جوواه كان غضباان و ما قادر يعاين ليو
نسيم : أنا ما عاايزة كتبي يا ابي ما عايزة أي شئ بحبو حتبرع بيهو بس عاشن لــؤي يقووم .. أنا فقدته بابا ما مستعدة أفقدوا هو كمان
ايمن ضماها عليهو و بقوا يبكوا و كأنوا مشهد يوم وفاة أبوهم بيتكرر تاني
اماني : كنتي عارفة ؟؟
نجوي و هي بتعاين للأرض : كنت بظن إنو حيجئ يوم و يقيف , حيجئ يوم و يحن للعيلة و ينقي قلبو
اماني انفعلت :- و ليييييييييه دا كلوو ؟؟ حصل غلطنا عليكم ؟؟ شفتو مننا شئ سئ ؟؟
لييه سكتي يا نجوي ؟؟ و أنا الدخلتك بيتي و إعتبرتك أختي
نجوي قلبها وجعها : ختي نفسك مكاني يا إيمان , صدقيني كنتي حتحاولي تغطي عليه و تصلحيهو مش تفضحي ؟!
اماني : و دا إصلاااحك ؟؟ مجاهد ضاااع خلااص و إنتي عارفة إني ما حسامحو أبدا لو ولدي حصل ليهو شئ , أما بالنسبة لي راجلك المصون فحسابو براه ... المرحوم طول عمرو سكت ع عمايلو عشان أخوه بس أنا ما حسكت لحدي هنا و كفاية ظلم
نجوي سكتت لإنها عارفة إنو النار دي بعد دا مستحييل تخمد و الأمور خلاص طلعت من السيطرة
وبعد عدة ساعات :
نغم فاقت بس ما كانت قادرة تتكلم ... و كانت بتعاين لأمها و أبوها و دموعها نازلة
صبا : حمدلله ع السلامة يا بتي .. عييين و صابتكم !
في يوم فرحك ما إتهنيتي
نغم كانت بتعاين ليها بتساؤل عن لــؤي؟؟
نغم: عملوو ليه عملية بس لسه في العناية حالتو ما إستقرررت الطعنه كانت عميقة !
نغم بقت تبكي أكتتررر
سالم بقي يقرأ ليها قرآن لحدي ما نامت !!
صبا : سمر خليك جمبها نحنا حنمشي نطمئن علي لـؤي و نشوف اماني كيفها
لقوو الكل قاعدين و الخوف متملكهم
اماني لمن شافت سالم بقت تبكي و إتوجهت ليهم : ما عايزة أشووف وشكك ززح من قداامي سريع
صبا بإستغراب : مالك يا اماني ف شنو ؟ نحنا جايين نطمن عليكم
اماني : تتطمنوا ؟؟ إنتو تقتلوا الكتيل و تمشو في جنازتوو يخس عليكم ناس رخاص
صبا :- احترمي نفسك ي اماني
اماني :- لممييي راجل كدا عليك يا صبا و زحووو من هنا !
صبا : انا ما عارفة إنتي بتقصدي شنو بكلامك دا ؟؟
اماني : خليييي راااجلك يفهمك و يوريك حقيقتووو و بعد بتك تبقي كوويس أمشووا من هنا و أطلعوا من حياتنا
ابـي جاء عليها لمن شاف النقاش إحتد: أمي أهدئ ما كدا نحنا في المستشفي
صبا: في شنوو يا سالم ؟؟
سالم مسسكها من يدها و إبتعد : حفهمك كل شئ و عرف إنو ماف مفر من المواجهة
نتلاقا مع كل الحب والريد
أنت تقرأ
اسم الروايه :- تحت مسمي الحب // بقــلم :- تسنيم الامين
Mistério / SuspenseTASNEEM ALAMEEN: تحـــت مسمى الحب بقلمي : TASNEEM ALAMEEN المقدمة:- الى ذلك الذي رحل دون انذار تركنا مكبلين دون احرار لماذا تركتني خلفك ولم تخبـرني اي اعذار هل خانك حزني ام خانك بؤسي ام علي الاظهار تركتني أواجه وحدي تلك الامواج أواجه ذلك الانفجار ...
