أحببتك حد الجُنون 🌺

(البارت الاول)

الساعه 7:35 في بيت كبير  من بيوت الرياض
في غرفه عهود تحديدا

رن منبه جوالها  عالساعه 7 طفته ورجعت نامت رن مرات عديدة وهي تطفيه
تأفأفت ورجعت انسدحت

دخلت امها الغرفه وفتحت الباب بقوه عهووووود قومي يابنت اتأخرتي على المدرسه قومي وخلي الكسل

عهود: يمه تكفين ابي انام حرام عليكِ
ام عبدالله: وجع يوجعك قوووومي والله العظيم ان ماقمتي لتشوفي شي مايسرك
عهود:يمه والله اني تعبانه
ام عبدالله:صدقيني ان ماقمتي ياويلك قومي يلا مافيك شي وانا ادري
عهود:طيب طيب لاتصارخين
ام عبدالله :حسبي الله عليكي من بنت وطلعت برا الغرفه
قامت عهود بسرعه ودخلت الحمام لبست ملابس المدرسه ونزلت تحت تفطر

ام عبدالله: لاوالله بعد تبين تفطرين ماتشوفين الساعه صارت كم
عهود: يمه وش بك اروح من دون فطور يعني؟!
ام عبدالله: ادري انه غلط بس حظرتك صاحيه متأخر يلا وريني عرض كتافك وروحي مدرستك مع السواق وافطري في المدرسه
عهود بملل: ان شاء الله!
اقول يمه وين عبدالله؟!
ام عبدالله: نايم لسه
عهود: اها وابوي؟
ام عبدالله بعصبيه :رمت عليها علبة المناديل اقول روحي وخلي اللقافه

*عهود انحاشت وضحكت وطلعت برا وركبت مع السواق دقايق وهي واصله المدرسه*
.
.
دينا: هااااي عهودوه
عهود بعصبيه: مالت عليكِ قلنا لاتناديني عهودوه
دينا: طيب طيب وش بكِ معصبه
عهود: مدري صباح نكد ماكنت ابي اجي اليوم بس تدرين امي
دينا: اها طيب يلا ندخل الفصل
عهود: اوك يلا
.
.
في بيت ابو عبدالله
عبدالله قرب وباس رأس امه :صباح الخير ي الغلا
ام عبدالله وهي تبتسم :صباح النور
لفت عليه وقالت يلا تعال عشان نفطر
عبدالله:اوك
جلسوا على السفره والخادمه حطت لهم الشاي
عبدالله:الا يمه وين ابوي ما اشوفه؟
ام عبدالله :بالغرفه يلبس والحين نازل
وانت وين زوجتك علامها مانزلت
عبدالله :بالحمام كانت
غادة وهي تنزل من الدرج:هذاني جيت
ام عبدالله:يلا تعالي افطري
غادة بإبتسامه:ان شاء الله يمه
ابو عبدالله:ها اشوفكم مجتمعين وتاكلوا بدوني
عبدالله:لا شدعوه يبه بس انت طولت
ابو عبدالله بإبتسامه:ولايهمك يبه

خلوني اعرفكم على عائله ابو عبدالله
(ابو عبدالله رجل أعمال مشهور في الرياض عمره 60 سنه صارم بس بنفس الوقت يحب يمزح مع عياله الشغل من أولوياته بس بنفس الوقت يعدل بين شغله وحياته الشخصيه يحب زوجته وعياله مره ويخاف عليهم ثاني واحد من إخوانه)

نجي لعبدالله(اكبر واحد من الاخوان عمره 27 سنه وسيم مره وطويل وله هيبه يدير مع ابوه شغله واملاكه يحب أسرته مووت وخصوصا عهود متزوج من سنه وزوجته اسمها غادة يحبها ويحترمها مرره)

(غادة زوجة عبدالله حلوة وطيبه مره عمرها 25 تحب زوجها وشخصيتها حلوة ومرحه تحب عهود وتعتبرها صديقتها)

(رند اخت عهود وعبدالله متزوجه وعمرها 26 زوجها اسمه منصور تزوجته زواج تقليدي بس مع ذلك تحبه وتمووت فيه حلوه زي اخوانها وشخصيتها قويه عندها ولد اسمه ماجد)

(مهند عمره 22 يدرس تمريض هادئ جدا وشخصيته حلوه حبوب ووسيم مره كل بنات الأسرة خاقين عليه 😂 بس اهو ثقيل مممره اللي يشوفه يقول انه مغرور بس هو طيب مره ومتواضع يحب اخته عهود بس يتهاوش معاها دايما)

(اخر العنقود عهود بطلتنا  عمرها 18 سنه اخر سنه لها في المدرسه مواصفاتها عيونها كبار ورموشها كثيفه ولونهم اسود شعرها طويل لآخر ضهرها ولونه اسود طولها متوسط بشرتها قمحيه ملامحها حلوووه وطفوليه مره  شفايفها مليانه وجسمها حلو وعندها غمازه المهم البنت مره حلوة وكل من شافها أعجب بجمالها مرحه وحبوبه تحب اخوانها ودلوعه ابوها صديقتها المفضله دينا تشاركها كل شي بتتعرفوا ع شخصية عهود اكثر في البارتات الجاية)

(شكلنا طولنا بالوصف المهم نرجع لروايتنا)

في بيت ابو عبدالله
ابو عبدالله :اقول عبدالله
عبدالله وهو يشرب شاي:سم يبه
ابو عبدالله :سم الله عدوك بس ابي أسألك اخوك مهند متى يجي من الشرقيه
عبدالله :توي داق عليه يبه يقول بيرجع بكره
ام عبدالله :مدري وش عنده ذا الولد دايم يسافر
عبدالله:عادي يمه تراه موب صغير واهو رايح مع ربعه يغير جو وكذا
ابو عبدالله وهو يعدل شماغه :اي مافيها شي بس المهم لايطول
يلا أستأذنكم رايح الشركه
عبدالله :انتظرني يبه  اخذ جوالي والحقك
ابو عبدالله: يلا احتريك
*طلع عبدالله وابوه وراحوا الشركه كالعاده*

(عند عهود ودينا  في المدرسه)
عهود:اف وش ذا الطفش
دينا:والله عاد الطفش في البيت والمدرسه
عهود:اي وانتي الصادقه
دينا:...........
عهود: اقول دينا
دينا: همممم
عهود بابتسامه: وش رايك تجين بيتي اليوم
دينا: انا؟!
عهود: اجل مين انا؟!
دينا: والله ما ادري حسب الوضع بشوف واقولك
عهود وهي تمسك يد دينا: تكفين تعالي خلينا نستانس
دينا :طيب ليش لا بس بشوف امي وش بتقول تدرين انها ماتخليني اطلع دائما
عهود:لالا ان شاء الله توافق
دينا:ان شاء الله
عهود:يلا باي السواق جا
دينا:اوك باي ومتواصلين

*ابتسمت عهود وقامت وركبت مع السواق وتوجهووا للبيت*

وبهنا يكون خلص البارت😊
توقعاتكم؟!
رأيكم فيه؟!
ادعموني عشان اكمل ولاتنسونا التصوين والكومنتات
احبكم مررره
التنزيل بإذن الله إذا قدرت بيكون يومي
(اقبل النقد البناء)
الكاتبه/myrã