هاي حبيباتي💛🎶
قِرآءة مُمتِعَه
****************************
في بيت أبو فارس
عهود بفرحه:جددد يبه انقبلت بالجامعه
ابو عبدالله بابتسامه:اي يابنتي الله يوفقك
ام عبدالله:ابدأي جهزي نفسك ترا الدراسة بعد شهر
عهود:متحمسسسه!!
مهند:في البداية مستمتعه وبعدين بتشوفين التعب
عبدالله:اقول لاتحطمها بس
ام عبدالله:طيب تعالوا تغدوا عبدالله يمه وين زوجتك
عبدالله:تقول تعبانه يمه ماتبي تنزل
ام عبدالله:طيب خلينا نطلع لها الاكل فوق
عبدالله:ايه احسن
ام عبدالله:عهود خذي مع الشغالة الاكل
عهود:طيب
.
.
.
جناح غادة وعبدالله
كانت جالسة في السرير وتحس بألم أسفل بطنها وظهرها وكل شوي يزداد
سمعت صوت طق الباب وقالت بتعب:تفضل
عهود:غيود حبيبتي جبتلك الاكل
غادة بتعب :مو قادرة عهود تعبانه مره
عهود:حبيبتي وش تحسين فيه
غادة:ألم أسفل بطني وظهري
شهقت عهود وهي تشوف الدم اللي ينزل من غادة
ركضت للدرج
عهود:يمممه يببببه عبدالله تعال شوف غادة تعبانه
عبدالله:ايييش..... ركض للجناح وهو مايشوف اللي قدامه
ام عبدالله:شكلها بتولد تعالي عهود
ابو عبدالله:مهند روح جهز السيارة
مهند:حاضر يبه
.
.
في جناح غادة
ساعدوها ام عهود وأم عبدالله تلبس عبايتها
عبدالله بتوتر:خايف يمه خايف
ام عبدالله:ادعيلها يمه
غادة ببكى:عبدالله ألم مو... قادرة
طلعوها السيارة ومشوا للمستشفى
*********************************
في المستشفى
الدكتورة:عندها ولادة ولازم نستعجل وفي احتمال نولدها بعملية مين زوجها؟
عبدالله:انا
الدكتورة:تفضل وقع عشان ندخلها غرفة العمليات
وقع عبدالله وشافهم يدخلوها غرفة العمليات كان خايف عليها مرره
كان الكل متوتر ويدعوا لها،،
بعد فترة طلعت الدكتورة مبتسمه
الدكتورة:مبروووك زوجتك جابت بنت
عبدالله:جددد! الحمدلله طيب وهي كيفها
الدكتورة:بخير بعد شوي تقدرون تشوفوها
عهود:مبروك عبدالله واخيرا صرت عمه
عبدالله :الله يبارك فيكي ي قلبي
ام عبدالله:يتربى بعزكم يارب
.
.
عند غادة
غادة بتعب:الله يبارك فيكم
رند وهي تحط الشوكلت والهديه:الحمدلله على السلامه
غادة:الله يسلمك
عهود:يمه اعطيني بشيلها
ام عبدالله وهي تعطيها البيبي:انتبهي وسمي عليها
عهود:طيب... ي عمررري تدنن
عبدالله:تشبهني صح
عهود:لا تشبهني
مهند:تشبهني انا
ابو عبدالله:الله يهديكم بس توها صغيره
رن جوال عهود وطلعت ترد!!
.
.
في هالحضات كان فارس وصل المستشفى شافها تتكلم في الجوال قرب منها ومسك يدها
شهقت بخفه:وووجع وش تسوي هنا
فارس:ابد جيت ابارك لاخوكي اللي جاه وعقبالنا
حمر وجهها وصدت
فارس:ههههه فديت اللي يستحون ترى ماقلت شي
عهود بهمس:طيب اترك يدي
انتبه انه ماسك يدها تركها
فارس:شفتي الهدايا اللي جبتها لك صح؟؟
عهود:يب مشكور
فارس:مايغلى عليكي شي بس ليه مالبستي النقاب
عهود:اتوقع انك تدري اني مو منقبه وما احب النقاب ليش تطلب مني اتنقب
فارس:لاني ما ابي حد يناظر هالفيس الحلو غيري
عهود باحراج:ترا مكاننا غلط بدخل
فارس:ههههه تصريفه حلوة
خقت على ضحكته
.
.
مهند:هاااااا وانا اقول وين اختفيتي اجل جالسين تتهامسون هنا
عهود باحراج:لا بس كنت ارد على جوالي وفارس جا
فارس:لا تحرج زوجتي
دخلت عهود عند غادة وهي محرجه من كلامه اللي يخليها تشتعل من داخلها فيه شي جذاب ضحكته اسلوبه لبسه كل شي فيه جذاب!!
تنهدت وقالت:خايفه اتعلق فيك ي فارس وانت ماتحبني...
***********************************
عند رشا
رشا:حبيبي الخطه اللي بننفذها قريب
راشد بملل:اوووف متى نخلص ونسوي اللي ابيه
رشا:اممم هذا شرطي من البداية
راشد:طيب طيب بصبر بس عشانك
رشا:حياتي انت
راشد بخبث:بس تعطيني بقدر صبري
رشا بتنهيده:من عيوني
راشد:تسلم لي عيونك
حلوة علاقتهم صح؟! كل واحد يلعب على الثاني عشان يحقق غايته
ياترى من بيكسب؟! بس اللي نعرفه انهم اكيدمابيكسبوا رضاء ربهم باللي يعملوه!!
*******************************
في المستشفى
فارس:مبروووك ي ولد العم تتربى بعزكم
عبدالله وهو ياخذ منه الهديه:الله يبارك فيك ليش تعبت نفسك
فارس:مافيها تعب
عبدالله:ترا زوجتك من اول وهي شايله البنت ماتعبت
فارس:ههههه تحب الأطفال هي
عبدالله:مرره
فارس:في حد هناك اروح اشوفها؟
عبدالله:لا مافي عادي روح
فارس:طيب
.
.
كانت شايله بنت اخوها ومبتسمه حست بريحه عطره المميزة لفت وشافته يناظرها
فارس:عسى ماخرعتك
عهود:لا
فارس:اعطيها لي بشيلها
عهود:بس لاتطيحها انتبه
فارس بابتسامه:منيب بزر
قربت منه واخذتها بهدوء وحطتها بين يدينه التقت عيونهم ببعض توها تركز في جمال عيونه كانت جميلة مرره ماكانت تبي تركز بشي غير بعيونه اللي خلت قلبها يدق بسرعه قطع عليهم صوت بكا البيبي
فارس وهو يحاول يسكتها:اسفين بس نسينا نفسنا وسحبنا عليكي
عهود باحراج: خلاص جيبها بوديها لأمها
اخذتها منه بهدوء ومشت عند غادة ابتسم وقال في نفسه:الله يصبرني لين وقت العرس
****************************
اليوم الثاني في بيت أبو فارس
ابو فارس بحده:انا قلت بتروحي
ام فارس:وانا قلت مابروح مهوب غصب
فارس:يمه تكفين اجلسي عندهم 10 دقايق واطلعي اهم شي تروحي تباركي لهم
ام فارس بقلة حيله:طيب
هدى بهمس:آخيييرا
امل:اششش
ام فارس:قوموا انتو تجهزوا
امل وهدى:طيب
قاموا يتجهزون عشان يروحوا بيت ابو عبدالله
***************************
في بيت أبو عبدالله
في جناحها جالسة ترتب شكلها بعد ما لبست بنطلون جينز ضيق وبلوزة بيضا بأكمام قصيره وبوت ابيض سبورت وتركت شعرها مفتوح حطت غلوس وماسكرا وكحل ازرق تسبحت بالعطر وناظرت شكلها برضا ونزلت
.
.
في الصاله
فتحت لهم الشغالة الباب ودخلتهم
سلموا على بعض وكالعادة ام فارس بنفس برودها
تضايقت عهود من الجلسه معاها
عهود:بنات شرايكم نطلع الحوش الجو حلو
البنات :يب يلا
طلعوا الحوش وجلسوا يسولفون
امل:الله وناسه يعني بتكونين معي بنفس الجامعه
عهود:شفتي شلون
هدى بتنهيدة:ياريتني معاكم
عهود:هههههه ترى كلها سنتين وتدخلين جامعه السنين تمشي بسرعه
هدى:يب.. الا وين صديقتك دينا؟
عهود:كلمتها تجي بس تقول عندهم عزيمة
امل:اهااا ياحبني لها ذي البنت تدخل القلب
هدى:اي والله
.
.
في جهة ثانيه من الحوش كان يكلم في جواله جات عينه على خواته ومعاهم بنت زي الملاك عرف انها عهود قرب لهم شم ريحه عطرها ودق قلبه
فارس:ماشاء الله عاجبكم الجو
لفت لمصدر الصوت وشافته كان شكله جنان لابس تيشيرت زيتي وبنطلون جينز اسود والبوت الاسبورت خقت على شكله وسرحت فيه)
أشر فارس لخواته بمعنى يتركوهم لوحدهم قاموا خواته وجلس فارس جمبها
فارس وهو ماسك كفها:وش هالجمال بتذبحيني
عهود:اسم الله عليك
فارس:تخافين علي
عهود:أأأ... لابس ما احب حد يجيب طاري الموت
فارس:اهااا... طيب وش صار على الجامعه
عهود بإبتسامه :انقبلت
فارس:حلو متحمسه
عهود:حيييل
للحظة!! حست انها بدأت تتقبله عاتبت نفسها من داخلها مليون مره كيف تسامحه وكيف تمسح كلام رشا من مخيلتها حست انها لازم ترجع تعامله معاملة سيئه"
عهود وهي تسبح يدها منه:بدخل بردت
فارس:تو الناس
ماردا عليه ودخلت الڤيلة تنهد وهو يشوفها تدخل تضايق حيل وطلب من أمه وأخواته يلبسون عشان يرجعون البيت
****************************
في مكان ثاني
كان يحاول يدق عليه من الصبح بس مايرد يدري انه جبان وماعنده الشجاعه انه يرد قرر انه يكتب له مسج"
(ي كلب والله العظيم لاتندم على اللي سويته بأختي صدقني بتلقاها في أقرب الناس لك)
سكر جواله بقهر كيف صديقة ويخونه بهالطريقه البشعه لا ومع اخته!!
اخته اليتيمه أقرب الناس له ضغط على راسه يحاول يطرد أفكاره،،
***************************
وبهنا يكون خلص بارت اليوم
رأيكمممم 🔥🔥🔥
ي ترى وش العلاقة اللي تربط راشد برشا وسامي؟؟
كيف بيكون انتقام؟؟
كيف بتمر الايام الجاية على عهود وفارس؟؟
احبكممم مرره
حقوق النشر/ميرا
على فكرة مابنزل البارت الجاي الا اذا شفت في تعليقات وتصويت للاستوري
قدروا تعبي والوقت اللي اضيعه من يومي عشان اكتب لكم بارت🖤
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
