بسم الله الرحمن الرحيم
********************************
توترت وهي تشوفه يمشي في المنصه ويتقدم لها
وكل العيون عليه ماكان يشوفها من بعيد زين سرع في مشيته عشان يوصل لها بسرعه؛؛؛
توترت اكثر وهي تشوفه قبالها ويناظرها كان مفهي بجمالها كل شي فيها كان حلو مكياجها فستانها الناعم تسريحة شعرها كلها على بعضها كانت عذاب...!!
فارس(وهو مفهي فيها):مبروك لنا
عهود بهمس(قالتها بدون نفس):الله يبارك فيك
ساعدوها خواته تجلسه وبعدها طلعت امه الكوشه ومدت له الشبكة عشان يلبس عهود ونزلت بسرعه
اخذ الخاتم ولبسه لها وهو يبوس يدها
قرب اكثر واخذ العقد حست بقشعريرة واصابعه الباردة تلامس ظهرها لبسها العقد وباقي الشبكة؛؛
ابتسم ابتسامة جذابه:طالعه تجننين ي (زوجتي) قالها بفخر!!
ناظرته وقالت:يكفي نظرات كل الناس تطلعنا
فارس بابتسامه:حلالي مِلكي!
عهود بقهر:تراني موب سيارة من سياراتك
فارس بهدوء:ههههه نتكلم بعدين غمز لها<<
.
.
عند رشا كانت تناظرهم من بعيد وهي مقهوره بس كل ما انقهرت تذكرت كلامها لعهود وتأثير عليها ابتسمت..... ماقدرت تتحمل اكثر وطلعت تكمل قهر لعهود طلعت الكوشه وهي حاطه الطرحه بشكل عشوأئي على رأسها واغلب شعرها باين مشت بدلع ووقفت قبال الكوشه"
رشا بدلع:مبروك فروس!!
فارس بضيق من كلامها وشكلها:الله يبارك فيك تسلمين
رشا وهي تناظر عهود:كان ودي اقول زواجة الدهر بس عاد تدري مايصير
حست عهود بقهر من كلامها بس ماحبت ترد عليها لأنها لو ردت بتصير هوشه مالها آخر!!
اما فارس عقد حواجبه باستغراب وهو مو فاهم شي ظل يناظرها الين نزلت من الكوشه
عهود بقهر:اكلتها بنظراتك روح لها شرايك
فارس:ههههههههه فديت الغيورة
عهود:تخسي اغار عليك
فارس:بخليكي تموتين علي مو بس تغيرين علي!!
خزته بنظرة وسكتت
**************************
بعد ماخلص الملكه وكل المعازيم رجعوا لبيتهم
لبسوا عشان يروحون البيت
(عهود وفارس ومهند بسيارة)
(رند ومنصور بسياراتهم)
(غادة وعبدالله وابو عبدالله وأم عبدالله بسيارة)
.
.
في سيارة مهند
مهند:يعني مُصِر انك تجلس معاها لوحدكم
فارس بإبتسامه:يب يب شوي وبرجع البيت
مهند بضحك:كأنك ماشفتها في القاعه
فارس:ياخي وش دخلك تراها زوجتي
مهند:زوجتي ها!!
اما عهود كانت سرحانه وتناظر الدريشه وتفكر بكلام رشا معقول يكون صح ولا هي تكذب.... لا لا وش مصلحتها تكذب.... طيب معقول هو مايبيني صدق أجل ليش ماخذني؟؟
ناظرها فارس من المرايه شافها تناظر الدريشه وسرحانه
قطع عليها صوت مهند:عهود ترا وصلنا
نزل فارس من السيارة وفتح لها الباب
عهودببرود:ماله داعي
فارس تنهد وقال:اللهم طولك ي روح
مشت بسرعه ودخلت الڤيلة كانت تعبانه بالحيل من أشياء كثيرة من حوسة الملكه ومن كلام رشا......
فصخت عبايتها وجلست على الكنبه لدقايق
.
.
.
في المجلس
كان متحمس مره لشوفتها ولجلستهم لوحدهم
فارس:مهند روح نادي اختك شوي
مهند بضحكة :وش بتعطيني؟
فارس بعصبيه:مهنددد قوم احسن لك
مهند بعناد:منيب قايم
فارس:عادي تراها زوجتي بطلع اناديها انا
وقف فارس
مهند:ههههههههه ي ليل خلاص طيب بخلي الشغاله
تناديها
فارس:سررريع
مهند :ههههههه لا لا جنيت انت اكيد
دخل عبدالله المجلس وشافهم يضحكون
عبدالله:خيران شاء الله ضحككم للشارع
فارس:قول لمهند ينادي زوجتي بجلس معها شوي
عبدالله:من عيوني الحين اناديها لك
فارس:ي زينك بس
ابتسم عبدالله وطلع لجناح عهود دق باب الجناح
عهود وهي تعدل جلستها:تفضل
عبدالله:هلا
عهود :هلا عبدالله بغيت شي؟
عبدالله:ايه فارس يبيكي شوي تحت في المجلس انزلي له
عهود بضيق:لا عبدالله مالي خلق
عبدالله:شفيكي حبيبتي
عهود:ولا شي بس راسي يعورني من حوسه العرس
عبدالله:اهااا... طيب ي قلبي دقايق بس اجلسي معاه وعقبها ارتاحي الرجال جا لهنا عشان يتكلم معك عيب نخليه يرجع بدون ماشوفك
عهود:بس.....
عبدالله بإبتسامه:لا مابي أعذار يلا
عهود وهي تتحلطم:طيب
عدلت نفسها ونزلت معاه
.
.
في المجلس
عبدالله:احم... مهند تعال
قام مهند مع عبدالله وتركوهم لوحدهم
جلست في كنبه مزدوجه وجلست تناظر اظافرها
قام وجلس جمبها
ناظرها فارس:جيتي عشان تسكتين؟!
عهود وهي تناظر الدبلة:مو انا اللي قلت ابي اشوفك اعتقد
فارس بعصبية خفيفه:انتي اشفيكي ي بنت الحلال اجيكي يمين تجين يسار
عهود بنبرة عالية:كيفي ارتحت
فارس:صوتك لايعلى تفهمين
عهود بقهر :ما ابيك ولا انت تبيني صح؟! أجل ليش ماخذني ابفهم؟!
فارس بحدة:نعممم.... مو مهم انك تبيني اهم شي انا ابيكي والعناد هذا بشيله
من راسك تفهمين
عهود:انا مافي حد يتحكم فيني تفهم (قالتها بثقه) وطلعت من المجلس بسرعه لجناحها
تركته يفكر فيها وفي تعاملها السيئ معاه نسته كل شي بكلامها حتى الهدايا اللي جابهم لها ناظر الاكياس وطلع للصاله شاف عبدالله اعطاه الأكياس وطلب منه يوصلهم لعهود.... طلع من ڤيلتهم وركب سيارته وهو ضايق حرك ومشى مايدري حتى لوين بيروح!!
.
.
في جناح عهود
انسدحت اخيرا في سريرها بعد مااخذت شور يهدأ اعصابها ومشطت شعرها جلست تتصفح جوالها شوي اللي مافضت له اليوم ابتسمت وهي تقرأ تهنئات صديقتها
الهنوف:(الف الف مبروووك ي أحلى عهود سامحيني ماقدرت اجي)
دينا:(مبروووك ي صديقة طفولتي احبببك مرره)
شوي ودق باب جناحها
الخدامه:ماما هذا هدايا مال انتا
عهود:طيب حطيهم هنا
حطتهم الخدامه وطلعت
ابتسمت لا إراديا وهي تشوف هدية دينا وخوات فارس وصديقاتها الباقيات
شافت صنودق اكسسوار كبير فتحته وشافت طقم كريستال أنيق وفخم عجبها حيييل
وآآآو ذوق من ذا !!
اخذت الكرت وقرته عرفت انه من فارس!!
شافت كيس ثاني فيه عطر شانيل كان عطرها المفضل
اخذت الكيس الثاني وفتحته عقدت حواجبها وقالت نقاب!! خير يجيب لي نقاب شافت كرت في الكيس اخذته وقرته وكان مكتوب فيه(بيطلع حلو عليكي يالفاتنه)
شهقت بخفه وهي توها تستوعب انه يبيها تتنقب عصبت و
اخذت كل الهدايا ومن بينهم النقاب ورمتهم في الكنبه ونامت،،
*********************************
في مكان اول مره نزوره
كان جالس يسكر ويضحك على اخت صاحبه اللي ضيع عذريتها
وكأنه مايدري ان الدور بيرجع عليه وعلى اخته
👤:معقووول سويت فيها كذا؟!
👤:تخيل بس وربي استمتعت !!
👤:حرام عليك ضيعت مستقبلها بعدين هي اخت خويك مستوعب اللي سويته يمكن اخوها ذبحها الحين
سامي ببرود:مايهمني بعدين هي جات عندي الشقة بكامل ارادتها ماجبرتها على شي
احمد(صديق سامي):بس والله اني مقهور خربت علاقتك مع راشد ودمرت البنت
سامي وهو يشرب:خلاااص احمد جيت استانس
احمد:ههههه اي استانس استانس
***********************************
عند رشا
كانت نفسيتها تعبانه بمعنى الكلمه اللي حبته وتمنته طول حياتها ماعاد لها
ناظرت جوالها اللي يرن رفعته وشافت الاسم (راشد) حطته صامت ورجعت تناظر الفراغ!!
***********************************
عند راكان وفارس في البحر
تنهد بضيق وقال:مدري عنها ي راكان مارضت تتغير وكل مالها تزيد في عنادها لي ابفهم بس انا وش مسوي لها والله اني احبها واموت فيها اخذت قلبي وعقلي وتفكيري وكل شي فيني في عمري ما انجذبت لبنت غيرها هي الوحيدة اللي عجبتني
راكان:استهدي بالله وانا اخوك
فارس:مقهوور من تصرفاتها الغبيه
راكان:فترة وتعدي حاول تكسبها وبتلين معك ان شاء الله
ضلوا ساكتين ويناظرون البحر مكانهم المفضل اللي كل ماحسوا بضيق زاروه وطلعوا همومهم فيه
*********************************
نهاية البارت
توقعاتكم؟! 🔥🔥
الأحداث الجاية حمااااااسيه
احبكم مرره❤️
حقوق النشر /ميرا
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
