أحببتك حد الجُنون 🌺

(البارت التاسع)

استغفر الله العظيم واتوب اليه
استغفر الله العظيم واتوب اليه
*********************************
رجعت من المدرسه وهي تعبانه ومو طايقه نفسها
عهود :سلام
غادة:وعليكم السلام عهود عندي لك خبر حلو
ام عبدالله بابتسامه:باقي ماكلمتي ها؟
غادة:اي نسيت والله
عهود:وش في خلصيني
غادة:اممم انا حامل
عهود بفرحه:احلللللفي
غادة:والله
عهود بفرحه اكبر:بصير عمممممه
غادة:ههههههه عقبال ماتصير ام
عهود عصبت:وججع ان شاء الله
ام عبدالله:ها بدأنا الهواش صح
عهود:يمه شوفيها هي السبب
غادة:ههههههههه وش سويت انا
مهند وهو ينزل من الدرج:جات عهود وجا ازعاجها
عهود:ماااالت عليكم
مهند:لو تجلسي في المدرسه كل اليوم احسن صح غادة
غادة:اي والله بنرتاح
عهود بقهر:طييييب ي نذل
يمه لاحد يقوني للغدا اذا قمت تغديت
ام عبدالله:على راحتك يمه
وطلعت غرفتها"
اخذت شور وتوضت دهنت جسمها بكريم ولبست بجامتها وجففت شعرها  وانسدحت في السرير بتعب وشوي ونامت
******************************
عند فارس
كان جالس في سريره ويطالع السقف ويبتسم ياربي معقول اشوفها بكره معقول اشوف اللي سحرتني بجمالها ياالله كيف كانت مغريه بلبسها وانوثتها كل شي فيها يجذبني قريبا ي عهود بتصيرين مِلكي!
*******************************
عند غادة وعبدالله
قربت منه وباست شفايفه بخفه
غادة:خبيبي
عبدالله :عيونه وروحه وقلبه انتي
ابتسمت وبدلع:ممكن طلب
عبدالله:اكيد ي ام.....
غادة:ههههههه
عبدالله:فديت الضحكه وراعيتها
غادة:حبي انا اشتقت لأهلي وابي اروح لهم واكلمهم بحملي
عبدالله:ليش للحين مايدرون
غادة:لا بفاجئهم
عبدالله:اها اجل ولا يهمك اول ما افضى بوديكي مكه 
غادة:شكرا حياتي
عبدالله:والله لو لا اني خايف على ابني كان تهورت
غادة:ههههههههه خلاص آسفيين
****************************
في بيت رند
رند:الو
ام عبدالله:هلا رند كيفك؟؟
رند:الحمدلله يمه وانتو كيفكم
ام عبدالله:بخير ي بنتي كيف نواف
رند:ذبحني يبي عهود
ام عبدالله:فديته وينه الحين
رند:نام من شوي
ام عبدالله:طيب يابنتي لاتنسين موضوع العزيمه في بيت عمك بكره
رند:لايمه بجي ان شاء الله
ام عبدالله:طيب ما اطول عليكي
رند:مع السلامه
ام عبدالله:سلمي على نواف وزوجك
رند:يوصل يمه
****************************
في جناح عهود
اليوم خميس يعني ماتفتح كتاب 'الويكند' عندها افلام مسلسلات ونت
وسوالف مع صديقتها
انفتح الباب
ام عبدالله:شجالسه تسوين انتي من لما جيتي من المدرسه نمتي 4 ساعات وجالسه على هالنت اللي يصلحك بس سوي شي ينفعك ي بنت ووو.... <<محاظرات أمهات)
عهود:شدعوه يمه احب ارفه عن نفسي يوم الخميس
ام عبدالله:لايكثر بس روحي جهزي نفسك العزيمه بكره
عهود في نفسها:صحح كيف نسيت بكره العزيمه اففف مابي اروح"
عهود:احم يمه ضروري نروح
ام عبدالله:ايه كلنا رايحين مايصير تجلسين في الفله بروحك بعدين ليش ماتبين تروحين
عهود:بس كذا يمه عندي مذاكره وتعبانه وو..
ام عبدالله:لوتهمين مذاكرتك كان ذاكرتي اليوم بعدين السبت مافي دوام تقدرين تذاكرين
ماقدرت ترد عليها واستسلمت للأمر الواقع
عهود تكلم نفسها:افففف وانا شعليا منه والله لاروح وانبسط مع بنات عمي احسن لي
ووقفت قدام دولابها واختارت لها فستان وكعب وشنطه صغيرة واكسسوار الفستان
**************************
في بيت طلال
رشا:يمه شرايك في فستاني
ام رشا بابتسامه:وااااو يجنن
(كان فستانها دانتيل ازرق يوصل للفخذ وضيق مره دايم تلبس كذا وعليه حزام ماسك من تحت الصدر)
هنوف:مو كأنه مره فاصخ
رشا بعصبيه:لا ياعمري انا متعوده البس كذا
ام رشا:هذي الموضه
تنهدت الهنوف وفي نفسها:مستحيييل يتغيروا؟!'
********************************
اليوم الثاني في بيت أبو عبدالله
صحت من النوم مروقه اخذت لها شور ولبست بيجامه وعملت شعرها الطويل ذيل حصان وحطت مرطب وقلوس ومسكارا شفافه ونزلت تفطر
عهود:هااي
ام عبدالله:كم مره اقولك قولي السلام
مهند:هههههههه
غادة:يلا تعالو افطروا
عبدالله:زوجتي مسويه لكم فطور احمدوا ربكم
عهود:واللله فطور من يد غيود
عبدالله:تراها حامل لاتتعبونها
عهود:بدأنا الدلع بنتحمل دلعك 9 شهور
مهند:وانتي ليش محتره اللي يشوفك يقول تشتغلين في البيت
ابو عبدالله :وليش تشتغل بنتي اخر العنقود
عهود وهي تحرك حواجبها:احم شفت ي مهند
ام عبدالله:لايكثر يلا كلوا عشان تتجهزوا للعزيمه
**********************************
خلصت فطورها وطلعت جناحها لبست فستان اسود يوصل للركبه عليه حزام من تحت الصدر ومنفوش شوي ومن تحت مطرز بكرستالات بيضاء وطالع مع جسمها روعه ومن قدام عليه فتحه تبين الصدر شوي
لبست كعب فضي واستشوت شعرها ولفلفت اطرافه حطت ميكب سموكي وكثفت المسكارا وروج احمر مات حطت منكير احمر وابتسمت برضا وهي تشوف شكلها النهائي)
ام عبدالله:يلا عهود تأخرنا
عهود وهي تحط عطرها الديور المميز:خلاص انا جاهزة
ام عبدالله:تحصنتي ي بنتي؟
عهود:ايه يمه
ام عبدالله:الله يحفظ يابنتي واشوفك مرتاحه دائما يارب
عهود:آميييين
لبست عبايتهاواخذت شنطتهاونزلت من ألدرج
*****************************
في سيارة ابو عبدالله
طبعا عهود وامها وابوها ومهند بسياره لوحدهم
عهود:يمه رند بتجي
ام عبدالله:ايه قالت إنها جايه
عهود:وحشششني نواف
ام عبدالله:ههههه شوي وتشوفينه
مهند:احسك مره تحبين الاطفال
عهود:ييب مره احبهم
دقايق ووصلوا بيت عمهم خالد
تنهدت عهود ونزلت من السياره
***********************
في بيت أبو فارس
فتحت لهم الشغالة الباب ودخلت الحريم المجلس والرجال دخلوا مجلس الرجال
ابو فارس:حياكم تو مانور البيت
ابو عبدالله:بنورك ي اخوي
فارس:وين عبدالله ما اشوفه
مهند:الحين بيجي هو وزوجته ماراحوا معنا بنفس السيارة
فارس:اها
شوي ورن الجرس ووصلوا رند&منصور
وبعدها وصلوا غادة&عبدالله
**********************
عند البنات
امل:وااااااو طالعه تجننين
هدى:لو اني ولد وشفتك كان تزوجتك اليوم الثاني
امل:ههههه ماعليك منها مجنونه بس ما شاء الله قمرر
عهود:خلاص عاد احرجتوني بروح اشوف نواف
البنات طيب
طلعت من الغرفه وشافت نواف ركض وضمها
نواف:عهوووود حبيبتي
عهود:ياقلبي وحشششتني
نواف:تعالي العبي معي
عهود:بلعب معاك بس ابي طلب صغير
نواف:ايش
عهود وهي تأشر على خدها ابي بوسه كبييرة
باسها نواف ومشت معاه
(كان في شخص يناظرها من نهايه الممر وهي معطيته ظهرها ماكان باين منها شي الا شعرها الطويل وفستانها القصير انتبه لرجلها وشافها لابسه كعب وخلخال عض على شفته السفليه بهدوء وشم ريحه عطرها اللي وصلت لعنده ريحتها مميزه، شافها كيف تضم ولد اختها وتبوسه تمنى لو كان مكانه كان يطالعها والابتسامه على وجهه لين اختفت من قدامه)
مشى لغرفته وانسدح على السرير
فارس:"لا لا ما اقدر اتحمل أكثر من كذا وش هالجمال ياااارب
لازم تكون ملكي وحلالي"
***************************
عند البنات
هدى:اقول غيود كم باقي وتولدين
غادة:هههههههه ي بنت توي في البدايه
امل:ماعليك منها ذي
عهود:تهقين غادة يطلع يشبهني
غادة:وليش يشبهك امه ولا ابوه
عهود :عاد ي حظه لو طلع يشبهني
هدى:اي والله خصوصا لو بنت
دخلت رند وسولفت معاهم شوي وراحت عند الحريم
سمعوا الباب يندق وراحت الشغاله تفتح ووو...
***************************
وبهنا يكون خلص البارت 🙂
توقعاتكم؟؟
الأحداث الجايه حمااااسيه
التصويت*
احبكم مرره''
حقوق النشر/ميرا💛