************************
عند عهود وفارس
صحت من نومها وناظرت فارس جمبها ابتسمت وهي تشوفه متعمق في النوم تذكرت خوفه عليها امس وشعورها بالامان جمبه مسكت خصله من شعرها وصارت تلعب فيها وتفكر ليش تحس بالامان قربه وليش تمل اذا راح وليش وليش قطع سرحانها صوته
فارس:من متى وانت صاحيه؟!
عهود بابتسامه:من شوي
فارس:ليش ماصحيتيني؟
عهود:اممم مدري واصلا شفتك مستغرق في النوم قلت مافي داعي ازعجك
فارس:وش رايك نطلع نفطر وافرفرك في اسطنبول
عهود بفرحه:جددد!
فارس بإبتسامه:اي تجهزي
عهود بفرحه:اوك
قامت من جمبه وهي حدها مستانسه اما فارس جلس يناظرها ومستانس لحماسها وحركاتها الطفوليه""
*******************************
عند رشا وراشد
دقت عليه وتكلمت بعد مارد
رشا:راشد دام الخطه الاولى مانجحت ابيك تنفذ الخطه هذي...
قاطعها بعصبيه:انتي وش فيكِ مين قالك اني مجبور انفذ لك خططك مالي شغل فيكِ تفهمين
رشا:راشد تكفى بس اخر مره
مارد عليها وسكر الجوال في وجهها
رشا بحلطمه:الله يلعنك ياراشد الله لايوفقكم كلكم
.
.
عند هنوف دخلت الغرفه وسمعت جملة اختها الاخيرة عقدت حواجبها
هنوف:رشا فيكِ شي
رشا:اي فيني مرض نفسي وخرري عني بس
دفت اختها وطلعت للحديقه تشم هوا تحس نفسها مخنوقه""
******************************
عند عهود وفارس
شيكت على نفسها في المرايه بعد مالبست بنطلون جينز ماسك على جسمها وبلوزه بيضا مكممه ولبست فوقهم جاكت اسود انيق يوصل للركبه وحطت ميكب خفيف مرطب ومسكارا وكحل ازرق وروج لحمي وبلاشر خوخي
تعطرت ولبست بوتها الاسود ولبست حجابها
ناظرها فارس قرب منها ودخل الخصلات اللي طالعه من شعرها وهمس لها:صحيح احنا مو في السعوديه وسمحت لك ماتلبسين عبايه دام لبسك ساتر بس ذا مايعني تطلعين شعرك!
عهود باندفاع:بس انا ماطلعته بالعاني ماركزت
رفع حاجبه وتكلم:وليش ماتكوني طلعتيه بالعاني صرت اتوقع منك اي شي
عهود بقهر:اهاا اجل دامي كذا مانيب رايحه معك
فارس ببرود:براحتك بطلع انا
انقهرت وهي تشوفه يسفهها ويروح يم الباب خافت تجلس لوحدها وتأخر زي امس ودها تقوله ياخذها معه بس كبرياءها مايسمح لها
طلع وغلق باب الجناح عليها ابتسم وهمس:خلي العناد ينفعك
اما عهود فصخت الجاكيت والحجاب بقهر ورجعتهم الدولاب
وجلست تطقطق في جوالها بقهر عقدت حواجبها من الرسايل اللي وصلتها في الوتس وكان محتواها(عهود ي قلبي وينك لايكون تزوجتي ونسيتي راشد حبيبك ترا حتى لونسيتيني انا مابنساكِ وبنتظر جيتك للسعوديه عشان التقي معك)
ورساله ثانيه محتواها(عهودي اشتقت لحضنك وطعم شفايفك العسل متى تجين ماعد فيني اصبر)
طاح الجوال من يدها ونزلت دمعتها وقالت:ياربي موناقصه انا مو ناقصه وش يبي مني ذا فزت وهي تسمع صوت الجناح يتسكر وفارس يدخل ما امداها تمسح الرسايل حتى ناظرها جالسه في السرير ودموعها في خدها فسر بكاها لانه تركها جا بيتكلم بس شاف الجوال طايح جمبها ومفتوح على محادثه وتس قرب يمها واخذ الجوال وقرا المحادثات ومع كل حرف كان دمه يفور اكثر قرب لها وهمس وانفاسه الحاره تلفح وجهها:وش هذا؟! (بنبره عاليه) وش هذا تكللللمي
ما امداها تنطق حرف من الكف اللي جا في وجهها تعالت شهقاتها وصارت تبكي خوف وقهر والم
مسك شعرها وشده
:صدقيني ي عهود اني ناوي عليكي بنيه سيئه توك ماشفتي شي ي بنت العم
صفعها كف ثاني يبرد حرته فيها
طلع من الجناح وصع الباب بقوه وتركها تبكي وتشاهق لين غفت في مكانها ونامت
**********************
عند فارس
طلع من الفندق وهو حده معصب مر أسبوعين وهم في تركيا وكل هالاسبوعين كانت نكد في نكد باقي اسبوع ويرجعون السعوديه ضغط على راسه مايبي يفكر في شي وده ينعزل عن الكل كره كل شي بسببها دخل كوفي وطلب له كوفي وجلس يشرب دق على صديق عمره راكان
فارس:سلام
راكان:وعليكم السلام ي هلا
فارس بتنهيده:كيفك
راكان:انا بخير ماعليك مني بس انت باين انك مو بخير عسى ماشر
فارس:أكذب عليك ي خويي لو قلت اني بخير بدأ يسردله كل ماصار معاهم من لما كانوا في السعودية
راكان بصدمه:معقووول يطلع منها كل ذا
فارس:تخيل بس وربي انصدمت عرفت ليه كنت رافض فكره الزواج؟! وجع راس بس والمشكله اني احبها وقلبي يعورني لما اشوف دموعها والمشكله الثانيه انها بنت عمي مجبور اني ما اطلقها الحين تعبت ي راكان تعبت
راكان:مدري ليه مو قادر اقتنع احس في شي خطأ مو معقول تكون بنت عمك كذا وانت واثق في تربية عمك
فارس:صحيح اني واثق في تربية عمي بس انا سمعت كلامه وشفت بعيوني المحادثات
راكان:حاول تعطيها فرصه وتسمع لهالاتحكم عليها بمجرد كلام حد غريب ي فارس ادري انك تحبها لاتظلم البنت
فارس:بحاول اسمعها بس كذا ولا كذا انا مجبور اصبر عليها زي ماقلتلك مايصير اطلقها الحين
راكان:بالضبط ذا الصح
فارس:طيب مع السلامه
راكان:مع السلامة
***************************
عند عهود
صحت من النوم وجسمها مكسر جرت خطواتها للحمام وانتم بكرامه غسلت وجهها بصعوبه ناظرت اثر الكف على خدها تحسسته وقالت:عسى يدك للكسر ي رب كلعت من الحمام لبست بجامه لونها رمادي صوف مامشطت شعرها مالها خلق لشي تسدحت على الكنبه بعد ماحست بالم في بطنها واسفل ظهرها غمضت عيونها بالم من بطنهاوقالت:اووف مو وقتك والله مو وقتك
سمعت صوت الباب ينفتح مشت للحمام عشان لا تشوفه قدامها تسدحت على السرير بتعب تسوي نفسها نايمه غطت كامل جسمها بالحاف
.
.
اول مادخل دارت عيونه الجناح ماشافها دخل الغرفه ابتسم بسخريه وهمس:ماعندها الا النوم قرب من السرير وسحب اللحاف وبملامح قويه
:قومي قامت قيامتك جهزي اغراضنا بنسافر بكره
ردت عليه بفرحه رغم تعبها:جددد
فارس بقهر:لا عم
قامت بتعب تجهز اغراضهم سمع صوت آذان المغرب ناظرها بكره :روحي صلي عسى الله يغفر ذنوبك
نزلت راسها وماردت عليه
فارس يرفع حاجبه:ترا اتكلم انا ي قليلة الأصل
عهود باحراج:ااا....
ناظرها وهو كاتم ضحكته:قولي ماعليكي صلاه من أول«وبجديه» ع أساس تعرفين الحيا طلع من الغرفه وتركها مقهوره منه لمتى هالحال يعني!!
********************************
اليوم الثاني
خلاها تنام على الكنبه قامت وهي تحس جسمها مكسر من الكنبه الضيقه
توجهت للحمام تروشت سريع وبدأت تلبس كارهه كل شي مالها خلق حتى تتكشخ اخذت اقرب بلوزه كان لونها زهري انيقه وناعمه وبنطلون ابيض ضيق ناظرت وجهها في المرآيه مالها خلق تحط مكياج بس حست انها مضطره تحط عشان تخفي اثار التعب اللي بوجهها بدات تحط مرطب وكونسيلر عشان يخفي إرهاق بشرتها كثفت الماسكرا والكحل الاسود وبعدها حطت روج وردي فاتح سوت شعرها الطويل كعكه وتعطرت بعطرها المُعتاد جلست في الكرسي بملل تخاف تصحيه يصارخ عليها بس لازم تصحيه وراهم سفر قربت منهم بتردد وحركته بخفيف:فارس... فارس قوم
تحرك بكسل وناظرها من فوق لتحت حست بالأحراج من نظراته حسسها انها بدون ملابس عض شفته وقال لنفسه:لاتضعف قدامها ي فارس
تحولت ملامحه للحده:من اول ليش ماقومتيني حسبي الله على ابليسك
دفها من جمبه وقام يتجهز طنشته تعودت على حياتهم الكئيبه لبست عبايتها عشان تسلم من كلامه ومايقول لها تأخرتي!!
**************************
في الطيارة
جالسه جمبه بهدوء تناظر الشباك وكلها حماس للوصول لفت عليه
عهود بحماس:كم باقي ونوصل
فرس بملل:وبعدين معك هذي ثالث مره تسأليني حشى متزوج بزر انا
عهود(ماااالت عليك ي المغرور):.........
سرحت في افكارها طول عمرها تتمنى تسافر تركيا وهذي هي سافرت لكن كل الايام اللي قضتها هناك مشاكل ونكد وضرب مع فارس حتى ماطلعت من الجناح غير مره واحده ابتسمت بالم ماتدري اذا سالوها الناس ايش الاماكن اللي زاروها مابتدري وش تجاوب زفرت بضيق وغمضت عيونها وغفت!!
.
.
بعد ساعه ونص
فارس:عهود قومي.... بنت قومي.... اللهم طولك ي روح
اخذ المويه اللي جمبها ورشها شوي
عهود بفزع:وووش هذا
فارس بعصبيه:انتي بزره صح؟! ناقصك انا ابتلش فيكي كل الناس نزلت من الطياره الا حضرتك تبين حد يصحيكي قدااامي اشوف
مسحت وجهها بمنديل ونزلوا وصارت تمشي جمبه بهدوء
ابتسم وهو يشوف ابوه يستقبلهم
ابو فارس:الحمدلله على سلامتكم
فارس وعهود:الله يسلمك
ابو فارس:اخباركم كيف الرحله
عهود(هههه امحق رحله) :الحمدلله ي عمي
ابوفارس:يلا امشو معي للسيارة نتكلم في البيت
توجهووا للسيارة وعهود تحس بتعب من السفر سندت راسها ع الكرسي وغمضت عيونها"
**********************
نهاية البارت™
الكاتبة/myrã
لاتنسون الدعم ي حلووين💞💞
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
