أحببتك حد الجُنون 🌺

البارت السادس عشر

آسفه بنات ع القطعه بس اختبارات ونكد
/////////////////////////////////////////////
.
.
نزلت من الدرج معصبه
عبدالله:بسم الله شفيكي!
عهود بعصبيه:يبه صدق اللي قاله فارس
ابو عبدالله بهدوء:وش قال..؟؟
عهود:صدق حددتوا موعد الملكه
ابو عبدالله ببرود:ايه!
عهود بقهر:يبه وشهالبرود وانا اخر من يعلم
ام عبدالله:اهدي ماصار شي ملكه وحددوها ليش زعلانه
عهود ببكى:ما ابييييه ماابي اتزوجه
مهند:موب صاحيه
عهود:لا صاحيه صااااحيه وربي بس خلاص مابي اتزوج
ناظروا بعضهم باستغراب وكل واحد كان في باله انها معصه لأنهم حددوا موعد ملكتها بدون علمها بس ولا واحد فيهم كان يدري عن اللي في قلبها وكرهها لفارس!
***********************************
في البحر
راكان:هههههه حرام عليك صدمتها
فارس:شهرين وتصير حلالي واقدر اشوفها وقت مابغيت
راكان:هههههه خبيث وربي
فارس:ههههه يب والله كان نفسي اشوف تعابير وجهها وانا اكلمها
راكان:الحين انت لو تبي تكسب البنت تضايقها بهالشكل
فارس:بكسبها بس عقب ما اكسر غرورها واجيب راسها
راكان:الله وهديك
فارس:تعال نروح عند فهد<<صديقهم
راكان:اي والله من زمان عنه
**********************************
بيت ابو رشا
تكلم بنتها
ام رشا:لو تبين تطلعين اطلعي اليوم ابوك موبالبيت
رشا:طيب يمه شكرا
الهنوف:طالعه؟؟
رشا:يس
الهنوف:بس ابوي موبالبيت
رشا:عادي ماما تدري
هنوف:وين بتروحين
رشا:بيت منى
هنوف وهي تناظر الميكب اللي في وجه اختها وريحة العطر اللي تخللت انفها:رشا حرام تتزينين بهالشكل وانتي خارجه تدري انه لو رجال شم ريحة عطرك بتاخذين اثمه وو.....
رشا:انطممممي جايه تسويلي محاظرة دينيه وفري نصايحك لنفسك يالعربجيه(قالتها باستهزاء) ما ألومك لأنك متفهمين في الموضه
اخذت شنطتها وعبايتها وطلعت من الغرفه بعد ماقهرت اختها..!!
**********************************
في جناح عهود
جالسه في الكنبه وجوالها في يدها معصبه ومو مود بني آدم
دق الباب ولا ردت........
دق مره ثانيه وقالت بصوت عالي:نعممم
مهند:آفا جاي اسولف معك تستقبلني كذا
عهود:مهند واللي يخليك اطلع
مهند :لا منيب طالع اسمعيني اول
عدلت جلستها وقالت:خير
جلس جمبها وقال:سولفي قولي ليش زعلانه
:لا ي شيخ على اساس ماتدري
:اممم... ادري بس السبب مو مقنع فارس دق على ابوي امس وقاله انهم بيمرونا ويحددون موعد الملكه وقال مانكلمك عهود ترى الموضوع عادي كان يبي يسويلك سبرايز بس
:ما ابي سبرايز منه تراها ملكتي انا اللي احددها مو غيري وتكلمني كأني من المعازيم
:خلاص سامحينا كلنا مره ثانيه مابنفاجئك
:سسسخيف
: ههههه خلاص... اقول شرأيك نطلع
:جدددد... بس وين
:المكان اللي تبيه
:امممم ابي.......
:طيب شرأيك تكلمين صديقتك
:ليش
مهند بربكه:ها... لا ابد بس لأنك تحبيها ومنها تغيرون جو
مالاحظت ش وقالت:صح بدق عليها
ابتسم:يلا ولا تتأخرون
دقت على دينا ووافقت بدأت تجهز نفسها وتناست فارس!!
********************************
.
.
.
عهود وهي تصك ازرار عباتها:يلا مهند
مهند:يلا روحي السياره
ام عبدالله:وين رايحين
عهود:بنطلع........
ام عبدالله:اهاا طيب انتبهوا لنفسكم
مهند:ان شاء الله
بعد ماطلعوا من البيت
عبدالله:ماشاء الله عليه مهند يعرف يغير نفسيتها
غادة:اي صح احسها استانست
ام عبدالله:كنت حاسه انها بتزعل بس الله يهديه فارس
عبدالله:هههههه وعهود زعوله
غادة:هههههه يحق لها قهرتوها
*****************************
عند عهود ومهند
وقف قدام بيت دينا عشان ياخذونها رنت عهود ودقايق وطلعت لهم
دينا بصوت واطي:سلام
عهود ومهند:وعليكم السلام
كانت منحرجه منه وتناظر الدريشه وماقدرت تسولف مع عهود براحتها
اما هو فكان مفهي بجمالها ويحاول قدر الإمكان مايناظرها لأجل مايجيب العيد!!
دقايق وهم واصلين
كانوا يتمشون وياكلون آيس كريم لمحت عهود بنت موب غريبه عليها عقدت حواجبها وقالت بهمس:رشااااا
.
.
كانت تتمشى هي وراشد وماسكين يد بعض
عهود:هيييييئ والله انها رشا
دينا:عهود مين رشا؟؟
عهود:بنت خال فارس
دينا باستغراب:هذا زوجها
عهود:وشو زوجها هي مو متزوجة ولا مخطوبه حتى
دينا:الله يهديها
عهود:تهقين مين ذا
دينا:اكيد حبيبها
عهود:امشي بس..... استغفر الله
وقفها مهند:عهود مين تناظرون
دينا تحاول تلهي نفسها بالجوال
عهود:لا بس شفت وحدة من خوياتنا
مهند:اكيد
عهود:يب
مهند تحبون نرجع
عهود:امممم عن نفسي ايه لاني تعبت
دينا:ايه تأخر الوقت
مهند:طيب اطلعوا السيارة
ناظرها هي واخته يمشون للسياره لين ركبوا كل مايشوفها يحس بمشاعر تتحرك داخله احساس ماقد حسه مع احد وبكل مره يسأل نفسه هالاحساس وهم والا حب في بدايته!!
*****************************
في بيت رشا
رجعت من بيت صديقتها على قولتها وماحد منهم كان يدري وين كانت الا اختها الهنوف اللي كان الشك يتخلل تفكيرها في كل مره دخلت غرفتها اخذت جوالها وصارت تكلمه
رشا: هههههه اكيد بعيدها
راشد:بس هالمره ياقلبي مابي مكان عام ابي نكون لوحدنا
رشا:لا ي قلبي مايصير
راشد:آفاا خايفه مني
رشا:مو كذا بس...
قاطعها لابس ولاشي انتي واثقه فيني صح
رشا:صح
ابتسم بخبث وقال:اوك انتظر لقاءنا الثاني
صك جواله وناظر صديقه والله العظيم لااشوه سمعتك ي سامي انت وأهلك
ابتسم خويه:منت بهين
راشد:أعجبك
*******************************
في بيت أبو عبدالله
في جناحها
كانت جالسة ترتب سريرها عشان تنام ناظرت جوالها يرن رفعته وشافت الاسم وكنسلت:ماااالت عليك بس
رن الجوال مره ثانيه ولاردت كنسلت ورجعت ترتب وهي مبتسمه
رسلها مسج(هيين ي عهود تتحديني نشوف مين بيكسب ترى بامكاني اكلم عمي يخلي العرس والملكه بيوم واحد)
بلعت ريقها وتوترت ماتدري ليه تتوتر اذا جا طاري العرس يمكن لأنها ماتحبه ويمكن لأنها حساسه في هالامور بالذات ويمكن لاشياء ثانيه!!
سكرت جوالها وانسدحت دقايق وغفت...
******************************
في جناحه
يناظر الجوال لعلها ترد عليه حتى لو برساله بس مافي فايده
رما جواله بقهر وقال:مشكلتك عنيده بس بعرف كيف اكسر هالعناد
.
.
مر شهر وباقي شهر لموعد ملكتهم
عهود متضايقه وماجهزت شي للملكه كل شي جهزونه امها واختها وغادة
ماكانت مهتمه بشي اما فارس حجز صاله فخمه من صالات الرياض صحيح انها ملكه بس هو كان يبي كل شي يليق بزوجته وفي هذي الايام كانت الدنيا مو سايعته من الفرحه بينما هي كانت تحمل العكس تماما!
دينا:خلاص ي بنت اعقلي
عهود:مابي مابي خايفه
دينا:كم باقي طيب
عهود:اسبوعين بس واصير زوجته رسمي
دينا:عهود انصحك خلي العناد عنك تراه ابن عمك يعني مو حد غريب اكيد انه بيخاف الله فيكي لا تصيرين غبيه حاولي تكسبيه
عهود:دينا حتى انتي صرتي زي ابوي وعبدالله ومهند الكل ضدي حتى انتي وغادة ورند نفس الشي
دينا:ي عهود ي قلبي مو ضدك ولا شي بس هذي الحقيقه لاتكبرين المواضيع الرجال يبيكي ويحبك ولا ماكان جهز كل هذا عشانك
عهود:ماتهمني الماديات لاني عايشه في وضع مادي حلو الحمدلله
دينا:أياً يكن كبري عقلك وفكري بالكلام اللي قلته
عهود:اوووف
دينا بإبتسامه: اقول روحي غسلي وجهك بس ملكتك بعد اسبوعين وجالسة تبكين وتتعبني وجهك
*********************************
في بيت أبو فارس
فارس حجز القاعه وكان مجهز اغلب الأشياء حتى فستان عهود طلبه لها من موقع في دبي ووصله لها كان يبي ملكتهم تكون شي فخم وجميل
ابو فارس:فارس شخبار التجهيزات
فارس بابتسامه:الحمدلله يبه كل شي جاهز والبنات ماقصروا بعد
امل:اكيد مو ملكت اخوي
هدى:اخونا الوحيد واجبنا نتعب معه
اما ام فارس كانت تناظره والقهر بعيونها صح ملكه ابنها الوحيد اللي تحبه وتموت فيه بس ماتمنت له عهود رغم أنها كامله والكمال لله.....
ناظرها ابو فارس وقال:ام فارس طلبتك مانبي الناس يحسون بأنك متغيرة عليهم بالرغم اني متأكد انهم لاحظوا حاولي تخلي الليله تعدي على خير
ام فارس:وش قصدك بخربها مثلا
ابو فارس:لا انتي تدرين وش قصدي
ام فارس:اوووف منكم انتو لو ابي اخربها كان من زمان مو انا اللي اخرب عرس ولدي وافشل نفسي قبال معازيمي
تأفأفت وقامت عنهم
ابو فارس:معليش حاول تتحملها شوي
فارس بضيق:بحاول يبه لاتحاتي
ابو فارس: ابيك كذا دايما
**********************************

سوووري على السحبه بس والله اختبارات
تفاعلوا عشان انزل بارت اليوم الليل لعيونكم
احبكم ❤️
حقوق النشر/ميرا"