سلام بنات💛
طبعا زي ماقولتلكم التنزيل في الويكند الا اذا تفاعلتوا معي بنزل كل يومين،،
*********************************
في جناح عهود
كانت جالسة تناظر الفراغ وكل شوي تطيح دمعه من عينها
سمعت الباب ينفتح ورفعت راسها شافت امها..
ام عبدالله:عهووود شفيكِ ليش تبكين؟؟
عهود بصوت مبحوح:يمه... يمه مابي اتزوج تكفين
ام عبدالله:نعممم!! الحين جالسه تبكين عشان موضوع الزواج؟
عهود:ايه.. ااهئ مابيه مابيه يمه....
ام عبدالله:ووجع ان شاء الله وليش ماتبين جنيتي انتي
عهود:مابي وبس!
ام عبدالله:لا حبيبتي مو كل شي بكيفك
عهود بصوت عالي:يممممه ماااابي مو شغلك مارح اتزوج تفهموووون
مدت يدها وضربتها كف بكل قوه
عهود بصدمه:يمه تمدين يدك علي ليش ليش يمه حررام عليكي
ام عبدالله بعصبيه:واذبحك بعد أن رفعتي صوتك علي مره ثانيه زواج وبتتزوجين غصباً عنك كله من دلع ابوكِ الزايد مخلي كل شي على كيفك بس ولايهمك ياعهود انا اربيكي'
"طلعت من الجناح وتركت عهود تبكي بألم بقهر بحقد على فارس
امها وابوها اللي دللوها من صغرها وفي حياتهم مامدوا يدهم عليها يسوون فيها كذا الحين وعشان زواج "
********************************
في المجلس في بيت أبو عبدالله
عبدالله وغادة:السلام وعليكم
الكل:وعليكم السلام
ام عبدالله:حياكِ يابنتي
غادة:الله يحييكِ
ابو عبدالله:اخبار الاهل عساهم بخير
غادة:بخير ي عمي ويسلمون عليكم
الكل:الله يسلمهم
غادة :وين عهود ما اشوفها
ابو عبدالله:في غرفتها
غادة:اها عن اذنكم!!
طلعت جناحها ترتاح
.
.
عبدالله:يبه تكلمت مع عهود
ابو عبدالله:ايه
مهند:وافقت ولا؟
ابو عبدالله:انا كلمتها عشان تستخير ويكون عندها علم ولا انا اصلا بوافق بوافق
ام عبدالله:تقول ماتبي تتزوج حضرتها
مهند:اهاا عشان كذا متضايقه وماتنزل من غرفتها
تنهد عبدالله:بس يبه مايصير تتزوج بدون رضا
ام عبدالله:ماعليك منها تتدلع بس...
ابو عبدالله:والله ياولدي انا مو ظالمها فارس رجال والنعم فيه وانا متأكد انها بترتاح معه
عبدالله:الله يهديها وانا بحاول أقنعها
ابو عبدالله:زين وانتي يا ام عبدالله ما ابيكِ تضغطين عليها خليها تأخذ وقتها
ام عبدالله :ان شاء الله،،
*********************************
في جناح عهود
كانت زي ماهي تبكي وتشاهق قطع عليها صوت دق الباب
عهود وهي تمسح دموعها:مين
عبدالله:انا عبدالله
عهود:ادخل
دخل الجناح وشاف شكلها واستغرب اخته الدلوعه اللي دايم مبتسمه وممشطه ولابسه احسن لبس متغيره تماماً
كان شعرها معفوس وعيونها مورمه ووجهها وخشمها احمر
جلس على طرف السريرعبدالله: عهود حبيبتي
عهود ببحه:ه.. هلا
عبدالله:شفيها اختي الحلوة
عهود ودموعها تنزل:عبدالله واللي يخليك قول لأبوي اني ما ابي
عبدالله مد يده ومسح دموعها:اممم بس كذا اقوله انها ماتبي
عهود:ايه قوله اني ما ابي
عبدالله:طيب عطيني سبب مقنع لرفضك
اذا على العمر فأنتي مو صغيرة وهذا سن الزواج الطبيعي في مجتمعنا واذا على دراسة الجامعه فابشرك فارس متفهم ومو متخلف وبيسمحلك تدرسين واذا على الشخص فاطمنك فارس رجال والنعم فيه ويحافظ عليكي ومابيزعلك بعدين انتي مابتبعدين عننا نفس مكانك في الرياض وان بغيتي زرتينا اي وقت يعني مافي شي يستدعي كل هذي الدموع الا لو في شي انا ما اعرفه؟
عهود تهز راسها:لا مافي شي بس انا.....
عبدالله :ادري انك خايفه ومتوتره بس ياقلبي الزواج سنة الحياة ومصيرك تتزوجين الحين ولا بعده مافي بنت تضل في بيت ابوها لين تموت فأحسن لك تتزوجي رجال تعرفيه وتعرفي أخلاقه من ما تتزوجي واحد غريب وماتدرين عنه شي صح؟!
عهودهزت راسها بايه:صح
عبدالله بابتسامه:اجل اختي الحلوة بتستخير وبتاخذ وقتها وبتفكر وبتوصل لقرار مناسب واحنا ماراح نستعجل يعني خذي راحتك وفكري زين طيب
عهود بابتسامه:ان شاء الله
بأس راسها وقال:ما ابي اشوف دموعك هذي روحي غسلي وجهك وعدلي شكلك واهتمي بدراستك وفكري زين
عهود ابتسمت وقالت:حاضر
عبدالله وهو يقوم :تصبحين على خير
عهود:جبت غادة؟
عبدالله:ايه وهي في جناحنا الحين
عهود:اها سلم عليها
هز راسه وطلع من جناحها وسكر الباب
راحت الحمام غسلت وجهها وبدلت ملابسها ارتاحت شوي وشربت بندول ونامت،،
********************************
اليوم الثاني في المدرسه
دينا بصدمه:معقووووول!!
عهود بحزن:اي يادينا وازيدك من الشعر بيت ابوي مصر على الموضوع
دينا:حبيبتي انتي طيب يمكن يطلع شخص طيب وو....
قاطعها عهود:مابي اتزوج احس انهم يبون الفكه مني
دينا:لا مو كذا بس يبونك تتزوجيين وترتاحين
عهود:خايفه يادينا خايفه
دينا:استخيري ويصير خير لاتقلقين
عهود:ان شاء الله
*******************************
رجعت من المدرسه وصعدت غرفتها
صلت الظهر وخلصت وانسدت في سريرها وجلست تطقطق في جوالها
قطع عليها صوت الباب
عهود:ادخل
غادة:هااااي
عهود:هلا والله
غادة:اممم... اخبارك وش تسوين
عهود:ولاشي
غادة:ليش شكلك متغير
نزلت راسها وقالت:عبدالله كلمك عن الموضوع
غادة:ايه كلمني أمس بس مو فاهمه ليه انتي زعلانه
عهود :مابي اتزوج ياغادة
غادة:ليش ي عهود دامه رجال الكل يمدحه وين المشكله
عهود :بس كذا مابي
غادة:طيب تدرين انك لو رفضتي الحين بعد فترة بيتقدم لك حد ثاني وساعتها مابيسمحولك ترفضين وبتوافقين على حد ماتعرفينه
خافت وبدأت تفكر في كلام غادة
غادة:استخيري وان شاء الله بيصير خير
عهود:ان شاء الله
غادة:طيب انتي شفتيه مره؟
عهود بربكه:هااا... ايه شفته بس ما اذكر وين
غادة:كيف كان
تذكرت طوله هيبته عضلاته شعره الناعم وملامح وقالت:مدري عادي يعني
غادة:ههههه الله يوفقك
********************************
مر أسبوع
عهود تستخير وتفكر وتوصلت لحل اخيراً
فارس خايف من انها ترفضه،،
ابو عبدالله وعبدالله مايبون يضغطون عليها
ام عبدالله مسويه نفسها زعلانه من عهود
رشا في بالها فكره شريرة
ام فارس زعلانه من فارس وماتكلمه
هدى وأمل فرحانين ومنتظرين عهود توافق
********************************
وبهنا يكون خلص البارت
توقعاتكم
وش رد عهود؟؟
وش فكرة رشا؟
هل بيتزوجون عهود&فارس
حمااااسكم🔥🔥🔥
الكاتبه/myrã
احبكم مررره"
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
