في بيت دينا
عهود:لا ويدق علي بعد
دينا:هههههه ي عمري طيب وش فيها خطيبك
عهود:اوووف نرفزني ي دينا لا اتخيلي فتحت حسابه في تويتر وشفت اغلب متابعينه بنات
دينا:طبيعي لانه وسيم وهيبه وو...
عهود بعصبيه:مليووون مره اقولك لاتتغزلين فيه
دينا رفعت حاجبها:تغارين صح
عهود :هااا... لا لا
دينا:ههههههه باين
قطع عليهم صوت ام دينا
ام دينا:السلام
عهود:وعليكم السلام
ام دينا:شلونك عهود اخبارك
عهود:الحمدلله تمام ي خاله
ام دينا:سمعت انك انخطبتي مبروك ي قلبي
عهود:الله يبارك فيكِ وعقبال دينا
دينا من قلب:آميييين
ام دينا:وجععع بنات آخر زمن
عهود ودينا:ههههههههه
طلعت ام دينا من الغرفه وكملوا البنات سوالف
************************************
في بيت رشا
كانت جالسة تكلم في جوالها
رشا بدلع:هههههه فديتك
راشد:اموووت انا
رشا:بعيد الشر
راشد:طيب ماتخليني اشوفك
رشا:امممم ما اقدر حبيبي
راشد:آفا ليش
رشا:صعبه حبيبي
راشد:طيب على الأقل ارسلي صورة
رشا:اوك ي عمري بسكر الحين باي
سكرت الجوال وتافأفت
اما الهنوف كانت تسمع كلامها وانصدمممت من اللي سمعته اختها الكبيره اللي مفروض تكون قدوة لها تكلم شباب في الجوال!!
********************************
مرت الايام
عهود&دينا خلصوا اختبارات وطلعت نتايجهم وكانت حلوة
فارس اتحمس ان عهود خلصت امتحانات عشان يكلم عمه بموضوع الملكه
رشا مقهوره من عهود وتتوعد انها تخلي حياتها جحيم
الهنوف مستغربه من تصرفات اختها
*********************************
في غرفة رشا
كانت حاطه ميكب اوفر ولابسه عبايتها المطرزة ولابسه كعب عالي ومتسبحه بالعطر
دخلت الهنوف وناظرتها باستغراب
الهنوف:على وين
رشا:بيت صديقتي
الهنوف بشك:اهااا
نزلت تحت وقابلت امها وابوها
رشا:هاي
امها:اهلين
ابوها:وين رايحه انتي
رشا بكذب:عند صديقتي
ابوها:اجلسي مالك طلعه
امها:وليه ان شاء الله خليها تطلع تغير جو
ابوها بحده:طالعي لبسها وشكلها في بنت تطلع كذا اطلعي غرفتك احسن لك
رشا:يببببه بروح
ابوها بعصبيه:اطلعي فوق مابي اشوف وجهك
طلعت بقهر بغرفتها وطلعت جوالها وقالت له انها ماراح تجي
********************************
في بيت أبو عبدالله
ابو عبدالله:حيااكم...... ايه..... إن شاء الله
سكر الجوال وابتسم
عبدالله:مين هذا يبه
ابو عبدالله:بيت عمك بيمرونا بكره عشان يحددون موعد الملكه
مهند:بهالسرعه يبه
ابو عبدالله:لامو سرعه ولاشي صار لهم 4 شهور مخطوبين وخير البر عاجله
مهند:طيب عهود تدري
ابو عبدالله بابتسامه:لا فارس طلب مني ما اكلمها يبيها مفاجأه
عبدالله:هههههه بعد
مهند:بس ما يمدي يجهزون
ابو عبدالله:مو مشكله نخليهم يحددونها بعد شهرين
مهند:ايه احسن
*******************************
في جناح عهود
تسولف مع دينا
عهود براحه:مو مصدقه اني خلصت من شي اسمه مدرسه
دينا:اي بس في شي اسمه جامعه
عهود:الجامعه احسن من المدرسه
دينا:وانتي الصادقه... وش ناوية تدرسين
عهود بتفكير:امممم باقي ماحددت بس عالاغلب إدارة أعمال
دينا:حلو
عهود:وانتي
دينا:مدري بس ودي نكون في نفس الجامعه
عهود:اي وناااسه
دينا:وش اخبار خطيبك
عهود:اوووف مدري عنه مايدق علي
دينا:لأنكم في فتره خطوبه وكذا بس اذا ملكتوا بتطلعين معه وتسولفون ويجي يزورك ووو....
قاطتها:بس بس اصلا مابنملك الحين
دينا:ليه
عهود:مابي الحين
دينا:هههههههههه مجنونه
كملوا يسولفون
*********************************
في جناح ابو عبدالله وأم عبدالله
ام عبدالله:يعني بيجون بكره
ابو عبدالله:ايه وبعدها نحدد الملكه
ام عبدالله:زين بس عهود تدري
ابو عبدالله:لا فارس يبي يخليها مفاجأه لها يعني بعد مانحدد نكلمها
ام عبدالله:اخاف تزعل
ابو عبدالله:لا ماعليه
ام عبدالله بابتسامه:طيب
******************************
اليوم الثاني في بيت أبو عبدالله
صحت من النوم ونزلت من جناحها ودخلت المطبخ شافتهم يحضرون حلا واكل والشغالات ينظفون ويبخرون
عهود باستغراب:يمه عندنا عزيمه
ام عبدالله:لا بس خطيبك وابوه بيزورونا
عهود:اهااا
غادة:ههههه شوفي شكلك بالله روحي تجهزي
ام عبدالله:وانتي الصادقه مو كأنك مخطوبه
عهود بملل:يمه قلتيها مخطوبه مو متزوجه وش تبيني اسوي
ام عبدالله:قريبا تصيرين متزوجه
طلعت من المطبخ بملل وهي كارهه سوالفهم عن الزواج وراحت جناحها
اخذت شاور واستشورت شعرها وخلته مفتوح ولبست تنوره عليها تكسيرات بلون عنابي توصل للركبه مع بلوزة بيضا نص كم لبست اكسسوار لول ورشت من عطرها المميز حطت مرطب وقلوس احمر وكحل ونزلت)
********************************
تحت في المجلس
ام عبدالله:شهالجمال ماشاء الله
عهود:تسلمين يمه
غادة بهمس لعهود:ياحظه فيكي
عهود باحراج:وجججع
غادة:ههههههه
رند:وش تتهامسون فيه انتو
عهود:ولاشي وين نوافي
رند:في المجلس مع مهند
عهود:اهاا
شوي ووصلوا بيت عم عهود ودخلوا الحريم
ام فارس ببرود:السلام عليكم
الكل:وعليكم السلام
سلموا على بعض وأم فارس سلمت عليهم ببرود
هدى:عهووود واخيرا بتصيرين زوجة اخوي
عهود :ههههه فديتك
ام عبدالله:شخبارك ي ام فارس
ام فارس ببرود:بخير
الكل كان مستغرب من برودها وتغيرها المفاجئ
رند بتضيع السالفه:عهود روحي جيبي الحلى والقهوه
عهود:طيب
غادة:بساعدك
امل:اجلسي غادة انتي حامل انا بروح معها
غادة:تسلمين
******************************
في مجلس الرجال
ابو فارس:والله حنا جايينكم عشان نحدد موعد الملكه ولو انه بسرعه بس تدري ي اخوي خير البر عاجله
ابو عبدالله:وانا هذا رأيي
فارس:متى تحب تكون الملكه ي عمي
ابو عبدالله:بعد شهرين
ابو فارس:على بركة الله اجل
عبدالله:مبروك
فارس بفرحه:يبارك بعمرك
مهند:ترا بخربها واكلم عهود
فارس:لا لا ياويلك
الكل:هههههههههههه
******************************
عند الحريم
كانت السوالف عاديه بينهم وأم فارس ترد ببرود خلى الكل يستغرب
دخلت الشغاله وقالت:بابا يقول يلا انتو يمشي الحين
قامت ام فارس ولبسوا عباياتهم
سلموا على بعض
هدى وهي تضم عهود:بشتاااقلك
عهود:ي لباكي وانا بعد
امل:تعالي عندي تكفين
عهود:ان شاء الله
طلعوا من بيتهم وكان فارس مستانس باللي سواه
.
.
رند:يمه شفيها زوجة عمي
ام عبدالله:والله مدري متغيره بالحيل
غادة:غريبه ماكانت تعاملنا كذا
رند:تهقين في شي
غادة:مدري والله
عهود:بطلع غرفتي تبون شي
الكل:لا
بعد ماطلعت جناحها
ابو عبدالله:حددنا ملكتهم
رند:صدق
ابو عبدالله:ايه بعد شهرين ان شاء الله
ام عبدالله:بس ما يمدي نجهز
عبدالله:يمدي يمه انتي ورند وغادة وعهود ميمديكم تجهزون طول الشهرين
رند:بنحاول
ابو عبدالله:ابدأوا جهزوا من الحين وعهود ماتدري بشي زين
ام عبدالله:لمتى يعني
مهند:يقول فارس اهو بيكلمها
*********************************
بعد يومين
كانت جالسة تتفرج مسلسلها في جناحها وتاكل حلا وفشار ومو لم شي رن جوالها وشافت رقمه واستغربت صارله كثير مايدق عليها
عهود:آلووو
فارس:هلا كيفك
عهود ببرود:بخير
فارس:من الذوق تسألين عن اللي يسأل عن حالك
عهود:لا تعلمني شلون ارد
فارس :لا بعلمك لأنها شهرين وتصيرين حلألي..!
عهود:......
فارس:ههههه ايه اللي سمعتيه ي حلوة ترى حنا حددنا موعد الملكه بعد شهرين بتصيرين لي وساعتها اعلمك مين فارس ي عهود
عهود:كذااب ابوي ماقال
فارس:اسأليه طيب
سكرت في وجهه بقهر وطلعت من جناحها معصبه شلون يحددون موعد ملكتها وهي اخر من يعلم!!
***********************
نهاية البارت
توقعاتكم 🔥🔥🔥
كيف البارت
لاتنسون التصوين
احبكم مرره 💜
حقوق النشر/ميرا
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
