أحببتك حد الجُنون 🌺

(البارت العاشر)

سامحوني على الأخطاء الإملائية
وان شاء الله يعجبكم البارت،،
*****************************
عند البنات
دخلت عندهم رشا واختها هنوف
هدى بهمس:جات السامجه
عهود بصوت واطي:هههههه
رشا بدلع:هاااي قايز
البنات:اهلين
دخلت هنوف واستقبلوها البنات عكس رشا ضموها وسولفوا معاها
رشا بغرور:بنات ابي ابدل وافصخ عبايتي
عهود في نفسها:الحين ذي عبايه ولا فستان بالضبط <<كانت العبايه خفيفه تبين الجسم وكلها الوان وتطريز والعطر واصل للحي الثاني
امل:بخلي الخدامه توديكي غرفتي
رشا بدلع:اوكي
راحت مع الخدامه غرفت امل وفصخت عبايتها وحطت عطر مره ثانيه <<كان فستانها قصير مره يوصل للفخذ ومطرز
وضيق مره مع كعب عالي وفول ميكب وشعرها مفتوح  ************************
كان طالع من غرفته وهو يفكر فيها
شم ريحة عطر ممليه المكان التفت وراه وشاف بنت خاله بلبس فاصخ وميكب اوفر وريحه عطر قويه لف وجهه على الجهه الثانيه وجا بيمشي
قربت منه ومسكت يده
رشا بدلع:فروس كيفك
فارس بدون مايطالعها:بخير
رشا:اخبارك
فارس:تمام ممكن تتركي يدي
رشا:هههههه لايكون عورتك تراني أنثى رقيقه
فارس"اللهم طولك ي روح":طيب ابي امر ممكن
رشا:اممم باقي ماسولفنا
فارس:وليش نسولف ان شاء الله وانتي بذا اللبس
رشابضحكه مستفزة:ههههههه ليش ماعجبك
فارس:لا وياريت تلبسين شي يستر جسمك وانتي ببيوت الناس
سحب يده من يدها بقوه ومشى
انقهرت رشا من عدم اهتمامه وقالت:هيييين والله لاجيب راسك واخليك تتزوجني
************************
في مجلس الرجال
دخل وسلم على خاله
فارس:كيف حالك خالي
طلال:بخير ي ولدي
فارس:ليه ماجا سامي معاكم
طلال:والله ما دري عنه طول الوقت لاهي مع ربعه
ابو فارس:الله يهديه
طلال:شخبارك ي ابو عبدالله
ابو عبدالله:تمام الحمدلله
وجلسوا الشباب يسولفون عبدالله، فارس، مهند، منصور
*************************
عند البنات
عهود وهدى وأمل وهنوف مندمجين بالسوالف ورشا ساكته
واذا تكلمت تكلمت عن الموضه والشباب وبس....
هدى:تعالوا بنات نروح المجلس الثاني

دخلوا البنات مجلس الحريم
سلمت عهود على ام رشا
ورشا وامها كانوا يناظرها بنظرات حقد
اما ام فارس كانت مهتمه برشا وامها مرره
ام رشا:اقول عهود انتي كم عمرك
عهود:18 ياخاله
ام رشا:اهلا 18
رشا بشهقه:18 والله تبانين في نهايه العشرينات
هدى:لا والله بالعكس البنت صغيره وملامحها طفوليه
هنوف:اي وتبان أصغر من 18 بعد
رند حبت تقهرها:والجمال مو بس باللبس والمكياج زي ماتدرين
غادة حبت تغيرالموضوع:تدرسين ي رشا
رشا بدلع:اي
غادة:الله يوفقك
"حطوا الغدا وبدؤوا يتغدون ورشا شوي وتاكل عهود بنظراتها طبعا لأنها احلى منها وذوق والأهم أخلاقها عاليه ومحبوبه عند الكل عكس رشا اللي الكل يكرهها حتى اختها وبنات عمتها "

قضوا البنات اليوم على خير واستمتعوا مرره
عهود وهي تضم هنوف:باااي حبيبتي نلتقي ان شاء الله
هنوف:والله اني ارتحت لك
امل:متواصلين
ودعوا بعض وكل واحد راح بيته
********************************
في بيت أبو عبدالله
ابو عبدالله:كيف كانت العزيمه عسى استانستوا
عهود:اي يبه
ام عبدالله:الله يكرمهم
عبدالله وهو ماسك يد غادة:عن اذنكم احنا بنطلع
مهند:وانا بروح انام
عهود:افففف بجلس لحالي يعني
ابو عبدالله:ليش ماتروحي تنامي
عهود:مافيني النوم والله
ام عبدالله:اختباراتكم النهائيه قربت  شدي حيلك وذاكري
عهود وهي تقوم:ان شاء الله
******************************
في جناح عهود
دقت على دينا
عهود:هلا دينا
دينا:اهلين
عهود:كيفك
دينا:بخير وانتي كيفك ي دبه
عهود:انا دبه
دينا:يب واحلى دبه بعد
عهود:هههههه
دينا:وش مسويه
ابتسمت عهود:توي راجعه من عزيمه بيت عمي 
دينا:اهااا كيف كانت
عهود:حلووة استانست مره
دينا:وشفتيه ولا؟
عهود:مين
دينا وهي ترقق صوتها:فارس الأحلام!
عهود:كلي زق
دينا:ههههههه يعني ماشفتيه
عهود:لا الحمدلله <ماتدري انه شافها وانبهر بجمالها
دينا:حلو
عهود:وكانوا بيت خالهم موجودين البنت الكبيرة وامها ابدا ماطقتهم بس البنت الصغيرة مره حبوبه
دينا:اهااا
وجلسوا يسولفون
**************************
اليوم الثاني الساعه 8:45
عند فارس وصديقه راكان في ستاربوكس
تنهد فارس:خلاص انا قررت اتزوجها وبكلم عمي
راكان:اخيرا اجل مبروك
فارس:هههه خليها توافق اول
راكان:بتوافق ان شاء الله
فارس:مدري احسها عنيدة
راكان:غريبه ذي البنت انت اللي كل البنات خاقين عليك ماحركت فيها ساكن
فارس:اي شكلها مغرورة بس ولا عليك بكسر غرورها
راكان:هههههه ياخوفي هي اللي تكسر غرورك
ابتسم فارس ابتسامه ثقه:نشوف مين اللي بيكسب
**************************
عهود & دينا يسولفون في الجوال كالعاده
دينا:عهود شرايك نطلع
عهود:ياريت بس وين
دينا:اممم نروح كافيه
عهود:طيب زي ايش
دينا:اي مكان استاربوكس حتى
عهود:طيب خلينا اشوف اهلي شبيقولوا
دينا:طيب
**************************
عهود:يبه عادي اطلع مع صديقتي
ام عبدالله:مين
عبدالله:اكيد دينا
عهود:صح
مهند فز قلبه لما سمع اسمها
عهود:هايبه شقلت
ابو عبدالله :طيب بس لاتتأخرون
عبدالله:وين بتروحون اول شي
عهود:ستاربوكس
ام عبدالله:كلمي السواق يوديكم
كان سرحان ولاهو معاهم
مهند:........
ام عبدالله:خلي مهند يوصلكم احسن
مهند:اي.. اي انا اوصلكم
عهود:سبحان مغير الاحوال
الكل:هههههههه
مهند:تجهزي ولاتتأخرين
***********************
دقت على دينا
عهود:دينا بنروح اخيرا
دينا:صدددق وناسه والله بس مين بيوصلنا
عهود:اخوي مهند
دينا:......
عهود:الو دينا ي بنت وينك
دينا:هااا... اي... معك معك
عهود:وجعع يلا انا بروح البس باي لاتتأخرون مهند مايحب التاخير
دينا'آااااه ي زينه بس':ان شاء الله
*************************
لبست  بنطلون جينز سكيني مع بلوزة نص كم بيضا وبوت سبورت ابيض حطت غلوس ومسكارا وكحل وايلاينر وبلاشر وردي لبست عبايتها الهادئه وحطت من عطرها المميز ونزلت من الدرج
عهود:يلا مهند انا جاهزة
مهند:يلا
غادة:باي عهود
عهود بإبتسامه :بايات
ام عبدالله:لا تتأخرين ودقي على السواق
عهود:اوك
ركبت السيارة مع مهند <<كان متكشخ على الآخر وكان شكله يخقق
عهود:بتمرنا بعدين
مهند:لا بترجعين مع السواق
عهود:طيب
وصلوا بيت دينا
ركبت دينا السياره وشمت ريحه عطره الرجالي وخقت على شكله
دينا:السلام عليكم
مهند وعهود:وعليكم السلام
كان الصمت سيد الموقف ومهند مشغل اغنية

جيتني مثل الشروق اللي محى عتم الليالي...
جيت فرحه للحزين اللي من همومه هلك....
جيتني وانت يحبك الف محبوب بدالي...
سخرك سبحانه اللي في عيوني كملك....
يابعيد وجابك الله لين عندي وصلك.....

وصلوا استاربوكس ونزلوا من السيارة
عهود: تعالي نجلس
دينا:يلا
جلسوا يسولفون شوي
دينا:وش نطلب
عهود:اممم انا ابي تشيز كيك
دينا:وانا دونات
عهود:اطلبي بعد كابتشينو
دينا:اوك وانا باخذ ميلك شيك
عهود:اوك
وصل الطلب وجلسوا ياكلوا ويسولفوا
خلصوا اكل
عهود:بدق على السواق
دينا:اي يلا
************************
في نفس المكان
راكان:يلا نمشي
فارس:يلا
دفعوا الحساب ونزلوا
.
.
.
عند عهود ودينا نزلوا ينتظرون السواق
عهود:شفيييه اتأخر اففف خايفه
دينا بخوف:دقي عليه مره ثانيه
عهود:دقيت اكثر من مره ومارد
دينا بخوف:عهووود
عهود:خيير
دينا:شوفي في شباب يقربون مننا
مسكت يد دينا وبلعت ريقها:وش بنسوي
كان في 3 شباب يناظروهم من بعيد
👤:الحلوين شعندهم هنا؟
👤:ي لبى الجمااال بس
عهود بخوف:وخر عني
👤:ليش ي حلوه مابنعوركم
بكت دينا وصارت تشاهق
👤سحب يد عهود :ماتجون الا بالقوة
دينا صارت تبكي وعهود نفس الشي
عهود:اتركني وخررر عني
.
.
.
راكان:فارس شوف هناك مو كأنهم بنات
فارس:اي والله امشيي نشوف وووو...
******************************
وبهنا يكون خلص البارت🙂
توقعاتكم؟؟
حمااااااس🔥🔥🔥
لاتنسون التصويت عشان انزل بارت اليوم
احبكم مرره"
حقوق النشر/ميرا