أحببتك حد الجُنون 🌺

(البارت الرابع عشر)

السلام عليكم
حبيباتي اتمنى انكم تدعموني وتصوتون لي لاني اتعب بكتابة الروايه وابيكم تقدرون تعبي،، 🖤✨
*************************************
عند راكان وفارس
كان سرحان بعالمه ومو مركز لشي
راكان:فارس.... فارس
لارد..........
راكان بصوت عالي:فااااارس شفيك
فارس:وجععع ليش تصارخ
راكان:لأنك ماتسمع... وين وصلت؟
فارس اخذ نفس وقال:افكر فيها ليش عمي مارد للحين
راكان:ولاعليك بيرد ان شاء الله
فارس:تعبت انتظر، أدق عليه؟
راكان:لا فارس بلا خبال أثقل شوي
فارس:اووووف طيب
************************************
في بيت أبو عبدالله
كان الكل مجتمع بعد الغدا ويتقهوون
عهود جالسه وحاطه ابن اختها في حضنها وماسكه جوالها قطع عليها صوت ابو عبدالله
ابو عبدالله:اسمعيني عهود
لفت له وقالت:اي يبه
ابو عبدالله:شوفي ياعهود انا عطيتك وقت تفكرين وتستخيرين وأعتقد انك فكرتي بموضوع الزواج زين والحين صار الوقت اني اعلم عمك وابنه صح
سكت الكل وناظر ا لها تتكلم توترت من نظراتهم ونزلت راسها وأخذت نفس وقالت بحيا:اللي تشوفه يبه
ابو عبدالله:اجل مبروك
عهود بخجل:الله يبارك فيك يبه
عبدالله:فديت اللي يستحون
استحت اكثر وماردت
مهند:ههههههه اول مره اشوفك تستحين
رند:بس عاد حرام عليكم
غادة:هههههه مبروك عهود وماعليك منهم
عهود:الله يبارك فيكي
ام عبدالله كانت فرحانه بس ماحبت تبين لأنها زعلانه من عهود
عبدالله :شفيكِ يمه
ام عبدالله بابتسامه:مافيني شي يمه
رند:احسك مو معانا ليش
ام عبدالله:لابس مو متخيله ان عهود تتزوج وتتركني
مهند:اهااا اجل كذا
ام عبدالله بتنهيده:ايه...
قامت عهود وجلست قدام امها وباست راسها وقالت:لو تزوجت وعشت في المريخ مارح اتخلى عنك ولا عن ابوي
ابتسمت لها امها وقالت:الله يرضى عليك ويسعدك
عهود:اميين
*******************************
في بيت أبو فارس
ام فارس:شفيهم بيت عمك ما ردوا عليك ياخوفي رفضوك ههههه
غصب لبو فارس وقال: هناء هذا مو شغلك
تنهد فارس وقال:بطلع يبه تبي شي
ابو فارس:لايبه
رن جوال ابو فارس واخذه ورد ووقف فارس يسمعه
ابو فارس بفرحه:جدددد!......اجل مبروك...... والله..... هههههه..... الله يتمم على خير.... ايه ان شاء الله..... تسلم ماتقصر..... مع السلامة
فارس باستغراب:لمين تبارك يبه؟
ابو فارس:هههههه توقع لمين
ام فارس: مييين
فارس:تكفى يبه قول
ابو فارس:هههههه طيب هذا عمك اتصل وقال انهم موافقين
فارس بفرحه:صدددددق
امل:مبروك
فارس:الله يبارك فيكي
هدى:بفتك منك اخيرا
فارس:لاوالله اصلا بعيش هنا انا وزوجتي يعني جالس على قلبك
ابو فارس:هههههه تنورون
اما ام فارس كانت ساكته ومقهوووره لأنها تمنت ان عهود ترفض بس خاب ضنها
ابو فارس بناظر لزوجته:مابغيتي تباركين لولدك
ام فارس ببرود:مبروك مع انها ماتستاهلك
ومشت وطلعت الدرج لغرفته
انقهر فارس بس مابين وحب يفرح ودق على راكان وطلع معه
************************************
دينا تكلم عهود
دينا بصراخ:جددددددد!!
عهود:وجععع،قصري صوتك وجعتي اذني
دينا:يابنت مو مصدقه انك بتززوجين
عهود ببرود:حال الدنيا
دينا:ونااااسه صديقتي بتتزوج
عهود:.........
دينا:عهود انتي معي
عهود :اي...
دينا:زعلانه
عهود:.... وش رأيك
دينا:من كلامك احسك زعلانه
عهود:لا بس بخليه يندم انه اخذني وهو يدري اني ما ابيه
دينا:حرااام عليكي الرجال يجنن
عهود بعصبيه:يازفففففته
دينا:هههههه خلاص بدأت الغيره
عهود:لا غيره ولاغيرها بس بكسر راسه واخليه يجن
دينا:مرجوجه وربي ههههههههههههه
عهود:اي اضحكي اضحكي الشرهه مو عليك الشرهه على اللي يكلمك
سولفوا شوي وسكرت عهود الجوال وابتسمت وقالت لنفسها"بتتزوجين ي عهود" وجلست تذاكر
*****************************
مو أسبوعين
عهود&فارس انخطبوا رسمي
.
.
.
في بيت رشا
رشا بقهرر:يعني انخطبوا رسمي يمه
ام رشا بقهر:ايه بنت ال.... أخذته عساها بالموت
الهنوف:يمه لاتدعين على البنت بدون سب....
قاطعتها رشا:انطمي انتي الثانيه مو شغلك
سكتت الهنوف شوي وقالت:اصلا انتو دايم كذا لما اتكلم معاكم عن الحق تعصبون علي وش قلت انا ترا كلامي صح...
انقهرت منهم وراحت غرفتها
ابتسمت رشا وقالت:والله يمه لا اسود عيشتهم وتشوفين
عقدت ام رشا حواجبها وقالت:ايش؟
سكتت رشا وابتسمت  وأخذت جوالها ومشت تكلم راشد حبيبها!!
***************************
في بيت أبو فارس
فارس:احمم اقول مهند
مهند:هلا يالنسيب
فارس:ابي منك طلب لاهنت
مهند:اوك حسب الطلب
فارس:ي ليييل حسستني اني ابي منك تسفرني تراه شي صغير
مهند:ههههههه طيب ابشر
فارس:ابي رقم عهود
مهند حب يتسامج عليه:لاوالله مجنون انت اعطيك رقم اختي
فارس:هيييه تراها خطيبتي ومافيها شي
مهند:لا لا مستحيل
عصب فارس:اوووك باخذه من عبدالله الحق علي اني جايي اكلمك يالنفسيه
مهند:هههههههههههه مشى عليك المقلب
ناظره فارس بطرف عين:سخييييف
مهند:طيب طيب بعطيك رقمها بس مو تشغلها وتتكلم معاها طول اليوم
فارس :طيب فهمنا هات الرقم
مهند:ههههههه اكتب.... 05
**********************************
في مكان ثاني
كانت جالسه تطقطق في جوالها وتتصفح التويتر
وشافت حساب فارس خالد آل...... دخلته وشافت تغريداته وصوره وانصدمت من عدد المتابعين
كانوا اغلب التعليقات  بنات اللي تقول وش هالزين... واللي تقول واااو.... واللي تكتب هذا رقمي اتواصل معي..... المهم كل البنات كانوا خاقين عليه
ابتسمت وقالت:لا ماشاء الله طلع راعي بنات بعد
رن جوالها وشافته رقم غريب عقدت حواجبها وترددت في الرد وفي الاخير ردت
عهود:آلووو
فارس(ياااازين هالصوت بس):.........
عهود بعصبيه:اووووف تكلم وخلصني؟
فارس(حتى وهي معصبه تجنن): ههههههههه طيب لاتعصبني
عهود استغربت (هذا الصوت مو غريب علي) :ميين انت ووش تبي؟؟
فارس:اممم عادي يعني واحد يبي يسمع صوت خطيبته
شهقت لما عرفته وقالت:من وين جبت رقمي
ابتسم فارس:مو مهم من وين اهم شي اني اسمع صوتك الحلو
عهود استحت وقالت:بسكر.... مو فاضيه لك
ابتسم وقال:طيب طيب بس بكلمك يعني بكلمك ياااا.... خطيبتي
سكرت الجوال بقهر وقالت:سخييييف وراعي بنات بس مزيون
ضحكت وقالت لنفسها:ههههه حلوه بس مزيون.....
**************************************
في بيت رشا
في حديقه البيت كانت جالسة تكلم حبيبها في جوالها
رشا بدلع:لا حبيبي تكفى مو بكره
راشد:ااااه ياحبني لهذا الصوت ي عمرررري انا مشتاااق مشتاااق
رشا:فديتك وعد بنطلع بس خليني ارتب الوضع
راشد:طيب ي قلبي
سكرت منه وقالت لنفسها اووف لازم اتحمل سخافته عشان أحقق اللي في بالي مشت داخل وابتسمت بخبث
**********************************
في بيت أبو فارس
ابو فارس: متى تبي تحدد الملكه
فارس:والله مدري يبه
هدى:توه بدري يبه
ابو فارس:مو بدي اهو جاهز وماعنده مانع صح؟
فارس:بنتظر عهود تخلص السنه
ام فارس:اشوف متلهف عليها وهي ماتسوى ظفر رشا
هدى باندفاع:يمه حرام عل.....
ام فارس بعصبيه:حرمت عليكي عيشتك انتي
فارس:رشا رشا يمه خلاص مالي شغل فيها
ابو فارس:هناء بنت اخوكي مو لولدي خلاص اقتنعي بهذا الشي
ام فارس:طيييييب بس زوجتك ماتعيش في بيتي تأخذها بيت ثاني وتنقلع انت وهي
ابو فارس:انا اللي احدد مو انتي هذا بيتي
فارس:خلاص يمه خلاص يبه لاتناقشون أمور بعيده
انقهر من كلام امه وعدم تقبلها لعهود وهي لسه ماجات اجل وش بتسوي لاجات عندها،،
****************************************
وبهنا ينتهي البارت
توقعاتكم؟؟🔥🔥
مين اكثر شخصيه تحبونها في الرواية؟؟
اكمل ولا لا؟؟
احبكم مرره"
حقوق النشر/ميرا