أحببتك حد الجُنون 🌺

البارت ال35 والأخير

اليوم آخر بارت من روايتي اللي استانست بكتابتها واستمتعت حيل😊♥️
.
.
.
.
طلع فارس من عند راشد ورجوله مو شايلته من القهر والصدمة ساق سيارته بضيق مايدري وين يروح وصل البيت وكان الوقت متأخر دخل وباين ان الكل نايم طلع جناحه وشاف عهود نايمه ع الكنبه قرب منها نزل شماغه وجلس ع الارض مقابل وجهها ناظرها للحظه وهمس:بتسامحيني ياقلبي؟! بتسامحيني على عذابي لك والله ماكان قصدي بس...
نزلت دموعه بحراره غريبه ان رجال يبكي بس مابكى الا على شي يستاهل بكى على حبيبته وبنت عمه والبنت البريئه اللي ماتستاهل هذا كله
فزت عهود لما حست بشي حار ينزل على خدها
عهود بخوف:بسم الله شفيك فارس شصاير اهلي فيهم شي
فارس بتنهيده:لا انا اللي فيني
عهود:فارس لاتتكلم بالغاز وربي ما اقدر اتحمل قول وش صاير
فارس:وش اقول ووش اخلي ياعهود اقول اني اذيتك وعذبتك ومديت يدي عليكي بدون سبب اقول اني ظلمتك اقول اني طعنت بتربيتك... ماقدر يكمل وغطى وجهه بيده ونزلت دموعه
عهود ببحه:توك تدري وين كنت؟وين كان ضميرك وانت تكفخني ليلة زواجي وانا اقولك انك ظلمتني بس ماسمعتني يافارس
فارس:وش اسوي ياعهود... غيرتي وحبي لك ماخلتني افهم شي او اسمحلك تبررين
عهود ببكى:بس اللي يحب مايأذي يافارس
فارس يضمها:اسف اسف ياقلبي والله اسف.. طلبتك سامحيني
عهود شدت عليه:لو ماني مسامحتك ماكنت معاك لهالحظه انا ماكنت عاجزة اني اكلم اهلي واخواني بمعاملتك لي بس لاني احبك تحملت كل هاذا
فارس بصدمه:تحبيني
عهود ببكى:اي احبك مدري على ايش حبيتك لكن اللي اعرفه اني حبيتك يافارس من زمان
فارس يمسك يدها:اوثقي فيني بس هالمرة والله اني راح اعوضك عن كل دمعة نزلت من عيونك ورشا الزفته اني اللي بحاسبها
عهود:وش دخل رشا مافهمت؟
فارس:هي السبب بذا كله
عهود:حسبي الله عليها
عم الصمت المكان وكل واحد كان يناظر الثاني عهود ارتاحت لانها طلعت اللي بقلبها لفارس واعترفت له بحبها وفارس ارتاح لانه عرف حقيقة عهود وبيرتاح اكثر لما يحاسب رشا
عهود:حبيبي! ماودك تنام وترتاح
فارس ابتسم:بنام مرتاح لاول مره
قام فارس وراح الحمام الله يكرمكم تروش ولبس وناظرها جالسة تتعطر قدام التسريحه وتعدل شعرها حضنها من ورى وهمس لها:تدري انك حلوة بكل حالاتك
عهود بدلع:ادري
فارس عض شفته وطبع بوسه على رقبتها ترا بتهور انا
عهود بضحكة:مايمديك
فارس:ليه؟
عهود بخجل:عندي عذر شرعي
فارس:افااا خسارة
**********************************
اليوم الثاني
صحت من ندومها وناظرت نفسها بحضن فارس ابتسمت وحاولت تصحيه بس عجزت
عهود:فروسي حبيبي
فارس بإبتسامه:يازين صباحي دامه يبدا بوجهك
عهود بخجل:ماودك تقوم
فارس:والله شكلي بسدحك جمبي مره ثانية واكمل نومي
عهود:يلا عاد بسويلك فطور من يدي وش رايك
فارس:خلاص الحين اقوم لعيونك
باست خده وكانت بتمشي بس فارس سحبها لحضنه
فارس:اشوفك صايرة جريئه بعد اول ليلة نسوي.....
عهود تقاطعه:خلاص حبيبي ترا استحي
فارس:اااه ياقلبي
عهود:سلامة قلبك
ناظرها من فوق لتحت اقول روحي قبل لاجيب العيد وانتي عليكي عذر شرعي
ضحكت ونزلت المطبخ تسوي الفطور
.
.
.
عهود:صباح الخير
امل:صباح النور وش عندك
عهرد:بسوي لنا فطور
امل:ترا بقينا لكم فطور ياكسلانين ليه ماتصحون بدري وتفطرون معانا
هدى بخبث:وش عليكي عرسان واكيد يسهرون كثير عشان كذا يتاخروا في القومه
عهود بحيا:وجععع الله ياخذك
امل:ماعليك منها وجهها مغسول بمرق ماتستحي الا وش بتسوين
عهود بحماس:بسوي بان كيك وبسوي سندويتشات وبسوي سلطة اممم وبسوي عصير فواكه
هدى:شكلك طباخه بتعلم منك
عهود:مو طباخة بس يعني اعرف اسوي اشياء كثير
كملوا سوالف وعهود تسوي الفطور ومستانسه
بعد ماخلصت خلت الشغالة تطلعه جناحهم ورتبت الطاولة وفارس كان ياخذ دش لبست بنطلون جينز وبلوفر اصفر رفعت شعرها ذيل حصان وحطت ميكب صباحي خفيف رشت من عطرها وانتظرته
دقت على دينا
دينا:هلا بالساحبه
عهود:انا اللي ساحبه ولا انتي
دينا:توي مكلمتك من ثلاث ايام
عهود:هههههه يمكن انشغلنا شوي مو زي زمان مقابلين بعض 24 ساعه المهم كيفك واخبارك
دينا:بخير لله الحمد وانتي
عهود:الحمدلله اممم تصدقين اشتقت لك والله
دينا:وانا بعد والله
بهالوقت طلع فارس وعهود ماكانت مركزة قرب منها وحاوط خصرها وقال:ما اسمح تشتاقين احد غيري
دينا ضحكت بكل ماعندها وعهود ميته خجل فشلها عند صديقتها
عهود ووجهها احمر:احمم.... ااا دينا اكلمك بعدين بسكر
دينا:هههههه هه هه... ه طيب
.
.
عهود بزعل:فارس وش هالحركات وش يفكني من لسانها الحين
فارس كاتم ضحكته:تستاهلين مين قالك تتكلمين معاها كذا
عهود:سخيف
فارس:لا يناس الحلو معصب
ضحكت عهود وجلسوا يفطروا
فارس يمسك يدها:كل شي حلو يابعدي تسلم لي الايادي
عهود:الله يسلمك
فارس قام يلا انا بطلع
عهود:اليوم سبت وين رايح مافي دوام
فارس :مشوار صغير وبعدها برجع والقاكي جاهزة عشان نطلع نتغدا ونشتري اغراض الجامعه حقتك مابقى كثير
عهود:طيب بس وش هالمشوار
فارس:لاتشغلين بالك
عهود:انتبه على نفسك
فارس:وانتي ياحياتي
باس خدها وطلع متوجهه لبيت خاله وهو يغلي غليان من القهر متحمس يشوف رشا  ويطلع كل القهر اللي فيه عليها شوي ووصل بيتهم ودق الباب وفتحت له الشغالة وطلب منها تنادي ابو رشا وقالت انه مو موجود
فارس:طيب نادي امها
دخلت الشغالة ونادت ام رشا وجات بعد دقايق
ام رشا:هلا بفارس اللي من تزوج نسانا وماعد دخل بيتنا
فارس:والله بيتكم مايشرفني ادخله وان دخلته لاني اعز خالي مو عشان حد ثاني
ام رشا بصدمه: ياللي ماتستحي اجل مايشرفك تدخل بيتنا وش جاي تسوي
فارس بهدوء :كم كلمة بقولها لكم وامانه بوريها لكم وبعدها طالع
ام رشا باستغراب:وش امانته؟
فارس:نادي رشا وتعرفين
ام رشا راحت ونادت بنتها ولما سمعت اسمه نبظاتها تسارعت واستانست حيل دخلت المجلس كالعادة وهي لابسة جينز وبلوزه ولابسه العبايه وتاركتها مفتوحه والطرحه طايحه
فارس اللي اول ماشافها اشتعل غضب قرب منها وعطاها كف بكل قوته لين طاحت
شهقت ام رشا ورشا طايحه على الارض وماسكه خدها قرب منها وسحب شعرها وتفل بوجهها
ام رشا بصياح:اطلللللع من بيتي ياكلب تمد يدك على بنتي في بيتي
فارس والشرار يطلع من عيونه:واكسر راسها بعد توك ماشفتي شي
.
.
في هالوقت وصل ابو رشا على الصراخ وناظر رشا ماسكه خدها اللي صار احمر وتبكي وتشاهق وامها اللي تصارخ دخلت الهنوف اللي ماهي عارفه بشي وكانت مصدومه زي ابوها
طلال:خير وش هالحوسه وش صايرلكم
فارس بقهر:انا اقولك ياخالي
ام رشا تقاطعه:خليه يولي هالكلب ويطلع من بيتنا حسبي الله عليك انت واختك واهلك تمد يدك على بنتي ياخسيس...
قاطعها طلال:بس اقصري حسك ولا اسمعلك صوت
فارس:بنتك اللي تدافعين عنها كانت بتكون سبب في خراب حياتي كانت ناوية تفرقني عن زوجتي بنتك طلعت مع ولد واستغلها وخلاها تسوي معه اشياء ماترضي الله ورسولة خلت الزفت هذا يتواصل مع زوجتي وعطته رقمها وكان يدق عليها كل يوم ويقول لها كلام مقدر اقوله والصور والدليل عندي
فتح جوالة وورا اهلها الصور وكلهم انصدموا اما هي تعالت شهقاتها وزاد بكاها
ام رشا بصدمه:لا لا مستحيل اللي تقولة
فارس:تأكدي اذا مو مصدقتني
طلال حس نفسه مو قادر يتنفس
طلال:صدق هالكلام تكلممممممي هاذا صدق هذي صورك؟!
قرب منها وسحب شعرها
رشا ببكى:ايه صح ايييييه صح..... لاني احبك وابيك ومابي غيرك تشاركني فيك انت السبب في دماري وضياعي وانت السبب في علاقتي مع راشد حبيتك من قلبي وكنت مستعده اسوي اي شي يرضيك بس انت اللي ماعطيتني اللي ابيه ماقدرت تكمل لان ابوها اعطاها بوكس خلا انفها ينزف
مسكه فارس وحاول يهديه
فارس:خلاص ياخالي اهدا لاترتكب فيها جريمة ماتستاهل
جلس طلال على الكنبه وقال بتعب ماعرفت اربي ماعرفت
فارس:عز الله انك رجال ياخالي وعرفت تربي بس قليل الاصل ماينفع فيه شي
هنوف وامها باقي مصدومين وماعرفوا يسوون شي
ناظرهم فارس وقال:اتمنى ياخالتي تنتبهين لبناتك زين الدنيا وكلام الناس مايرحم بالنسبة للصور انا لي صديق يشتغل ضابط طلبت منه يمسكون الرجال وياخذون جواله وابشركم مسكوه وحذفوا كل الصور اللي عنده واللي عندي يشهد الله اني ماناظرتها غير لما فتحتها لكم واصلا انا حذفتها وخلصت ناظر رشا وكمل تبقين بنت الخال وحالك من حال خواتي وما ارضالك الا الستر الله هديكي ويوفقك في حياتك طلع من عندهم وهو متضايق على حال خاله حس باحراجة وانكسارة والموقف اللي ماتمنى ابد يكون خاله فيه!!
.
.
وصل البيت ودخل شاف عهود موجودة وتلعب مع خواته اونو
هدى:فارس اشهد على زوجتك تنصب
عهود بشهقه:انا
امل:كذااابة ي هدى
فارس:ترا واثق بزوجتي محد يسوي كذا الا انتي
عهود تقهرها:فديته بس
هدى: ماااالت عليكم طيب تعال العب معانا واحكم بنفسك
فارس:لا مابي....تعالي عهود ابيكِ

في جناحهم
فارس يمسك يدها:تدري انك وحشتيني
عهود تلعب بازرار ثوبه وبدلع:بهالسرعة
فارس:انتي توحشيني بثواني
عهود بخجل:ههههههه
فارس:فديت الضحكة وراعيتها
عهود تغير السالفة:اممم مو قلت بنطلع
فارس:تصرفين ابشرك غيرت رأيي
عهود:والله ما اصرف بس جد ابي اطلع
فارس:من عيوني احلى طلعة
عهود:تسلم لي عيونك
فارس:احبك
عهود:وانا اعشقك واموت فيك
**************************
مرت الأيام
بعد 3 شهور
بدأت الجامعه وعهود كانت متحمسة للسنة الجديدة مرره
صح كانت تتعب لانها متزوجة وعندها مسؤولوات ثانية غير الدراسة بس ماتنكر ان فارس كان يساندها ويوقف معاها دائما
.
.
كان فارس واقف قدام بوابة الجامعه منتظرها في السيارة عشان تجي 
طلعت السيارة بتعب
فارس:سلام
عهود:وعليكم السلام
سندت راسها عالكرسي بتعب
فارس بقلق:حبيبيتي فيكي شي
عهود:لاشوية تعب بس
فارس:تحبين اوديكي المستشفى
عهود:لا لا وش مستشفى ماله داعي
فارس:طيب
وصلوا البيت وطلعوا جناحهم رمت عبايتها بتعب الدنيا كانت حر وهي تعبانة وتحس بدوخه وصداع فضيع دخلت الحمام الله يكرمكم تروشت وطلعت حست بدوخه انسدحت عالسرير
تحس بغثيان وصداع
فارس بخوف:شفيكي عهود
عهود:مدري
قامت تبي تغير ملابسها بس حست انها ماهي قادره توقف كانت بتطيح مسكها فارس بسرعه
فارس:بوديك المستشفى
عهود:والله ماله دا....
فارس قاطعها:وش ماله داعي تشوفين نفسك منتي قادرة توقفين ووجهك اصفر صارلك يومين على هالحال
ساعدها تلبس ملابسها واخذها المستشفى
.
.
في المستشفى
الدكتورة:وش الاعراض اللي تجيكِ
عهود بتعب:دوخه وغثيان واحيانا صداع
الدكتورة تناظر التلفزيون ابتسمت:مبروك انتي حامل من اسبوعين
عهود ماهي قادرة تصدق :انا حامل
الدكتورة:اي
فارس الفرحه مو سايعته:مبروك الحمدلله يارب
عهود بفرحه:الله يبارك فيك
*****************************
وصلوا البيت وعهود نست كل التعب اللي فيها
فارس:يممممه يبه
ام فارس:خير وش صاير
فارس بفرحه مسك يد عهود:يمه عهود حامل بصير اب اخيييرا
ابو فارس:الف مبروك تقومين بالسلامه
عهود:الله يبارك فيك
هدى:واخييييييرا بصير عمه
امل:منجددد مره فرحت
هدى ضمت عهود وهي فرحانه
فارس:انتبهي تراها في بداية حملها ياويلك لو تتعاملين معاها بدفاشه
هدى تكش عليه:طيب فهمنا
الكل:ههههههههههههههههههه
.
.
بعد سنه
عهود ولدت وجابت بنت حللللوة وسموها ليان
وعلاقتها هي وفارس صارت تجنن يحبون بعض بجنون والكل يتمنى يعيش حياة حب زيهم
مهند خطب لينا واهلها وافقوا وزواجهم لما تخلص دينا دراستها
امل&هدى يحبون عهود ومعاملتهم معاها مره لطيفة
ام فارس صارت تحب عهود كثييير وعرفت ان رشا ماتسوى ظفر منها
رشا تزوجت زوجها ابوها غصب بس هي حاولت تتغير
وباقي شخصيات الرواية نفس ماهم
.
.
اليوم عيد ميلاد فارس وعهود تبي تسويله مفاجأة
جابت كيكة وحطت عليها شموع وزينت المكان ولبست وتكشخت وكانت منظرة جيته
وصل فارس ودخل الجناح واتفاجئ بمنظر الزينة
طلعت عهود من وراه وهي تغني هابي بيرث داي تو يو.....
حضنها فارس وهو مستانس
فارس:كل هالجمال لي
عهود بضحكه:اجل لمن كل عام وانت حبيبي كل عام وانت اللي احبه وكل عام وانت اللي سكنت قلبي
فارس بهيام:احبك والله
عهود:وانا اعشقك
فارس بإبتسامه:بس تدري قد ايش انا احبك (احبك حد الجُنون)
كان بيبوسها بس قطع عليهم صوت ليان اللي عمرها 3 شهور
فارس بقهر:هادمت اللذات
عهود:هههههههههههههه فديتها هي وابوها❤️

البارت الأخير
النهاية
هذي كانت نهاية روايتي يمكن ماتكون حلوة لدرجه كبيرة بس اهم شي اني حاولت ولاتنسون انها اول رواية لي ان شاء الله في الايام الجاية اكتب رواية ثانية وبحاول اخليها تكون احلى):
حسابي انستا:myra_altegani