**********************************
بعد يومين
يوم المِلكَهٌ
دخلت امها جناحها عشان تصحيها
ام عبدالله:عهوووود قومي بنتاخر ورانا شغل كثير
عهود بملل:يممممه ابي انام تكفين
ام عبدالله:عهود اليوم ملكتك وش تنامين قومي الله يخليكي لا تتعبيني
قامت وهي تتحلطم دخلت الحمام اخذت لها شاور وجلست في التسريحه تجفف شعرها ناظرت نفسها في المرايه ابتسمت ابتسامه ميته وقالت اليوم ملكتي حقيقه مو حلم...!!
********************************
نزلت للصاله وشافت أهلها كلهم متجمعين ويفطرون
شافها ابوها ابتسم وقال:حي الله بنتي العروسه
ابتسمت لابوها وجلست على السفرة وما اكلت
عبدالله:عهود كلي وش فيكي
عهود:ولا شي بس مابي
رند:بتدوخين علينا بعدين ترى ورانا يوم طويل
مهند:هههههه ادري ودها تاكل بس مسويه نفسها عروسه ومتوتره وكذا
ام عبدالله:ههههه فاهم لحركات البنات
مهند:اكيد اذكر رند في ملكتها مارضت تاكل شي
غادة:ماعليكِ منه عهود ذا خبل
عهود كانت ساكته وسط سوالفهم وتفكر بحالها مع فارس كيف بيكون قطع سرحانها صوت غادة
غادة:عهود اذا خلصتي تاكلي روحي تجهزي عشان بنروح الصالون
عهود:ايه الحين
قامت لجناحها ناظرت فستانها على السرير كان فخم بمعنى الكلمه
لونه كبدي أنيق بالحيل مع لون بشرتها ابتسمت وهي تشوفه شوي ودخلت اختها رند
:عهوووود بتكلم معك شوي عادي
:اي طبعا تعالي
:تدرين انك تشبهيني في شخصيتك بالحيل
:كيف يعني؟
:تذكرين لما تزوجت منصور ماكنت فرحانه صح؟
:اي صح
:بس الحين كيف صارت حياتنا؟
:اممم تحبيه صح
:احبه وبس اموت فيه احس حياتي ماتسوى شي بدونه
:الله يخليه لك
:آميييين ابيكِ ي عهود تتفاءلي بحياتك معه صدقيني اي اثنين متزوجين رب العالمين يزرع بينهم الحب والمودة (وَجَعَلنا بَيِنَكُم مَوَدةً وَرَحمّه) مو شرط تكوني تحبيه الحين ومو شرط تكوني انتي اخترتيه الحب الصح يجي بعد الزواج وبتذكرين كلامي،،
طلعت من جناح اختها وتركتها تفكر بكلامها اللي خلاها ترتاح وتطمئن نسبياً..!!
**************************************
في ڤيلة أبو فارس
ندى:ماشاء الله وش هالزين
امل:اقرأ على نفسك
فارس:هههههه وش سوالف العجايز هذي
ندى:اي خايفين عليك من العين بجد ياحظها فيك
فارس بابتسامه:وياحظي انا فيها
امل:هههههه وين أمي وابوي
فارس:مدري يمكن بجناحهم
.
.
في جناح ام فارس
ام فارس:خلاص فهمنا
ابو فارس بحده:حذرتك ي مره تسوين شي يخرب فرحت ابني بتشوفين شي مايسرك ابد وعاملي زوجة ابنك زين
ام فارس:اشوف تهتم فيها أكثر من بناتك
ابو فارس:غلات عهود من غلات بناتي الاثنين وانتي تدرين بهالشي
ام فارس:ههههه شكلها ساحرتكم هالعهود
ابو فارس بحده:لا يكثر بس يلا خلينا ننزل
**********************************
في الصالون
حطت لها الكوافيرة مكياج خفيف تقول انها ماتحتاج كثير كان شكلها مره كيوت مع تسريحه شعرها المكسر لبست الفستان بمساعدت غادة
غادة:ماشاء الله طالعه قمر
دينا:ي لبى قلبك تجننين
عهود:من ذوقكم
رند:يلا بنات البسوا عباياتكم مهند بيوصلنا القاعه
لبسوا البنات عباياتهم وركبوا مع مهند في سيارته متوجهيين للقاعده،،
*********************************
في بيت رشا
جالسه في غرفتها تصيح وتبكي وتدعي على عهود
هنوف بملل:رشا وبعدين معك صارلك ساعتين على نفس الحال خلاص يكفي صدعتيني
رشا بصراخ:اسكتتتتتي انتي الثانيه
ام رشا:خلاص ي بنتي الله لايوفقهم لا تبكين
رشا :يمممه اليوم ملكته يمه.... أخذته مني أهئ
دخل ابوها الغرفه وشافها تبكي بحضن امها
:رشا بنتي شفيكي
ام رشا بعصبيه:وتسأل بعد شفيها اليوم ولد اختك ملكته ما اقول الا الله ياخذهم كلهم
طلال:لا تدعين على احد بدلعك الزايد ذا خربتي العيال واحد صايع والثانية حامله بقلبها خبث الدنيا كلها
ام رشا:كله من اختك اللي خلتنا نتأمل فيهم
طلال:والدنيا قسمة ونصيب رشا مو من نصيبه خلاص سكروا الموضوع (بنبرة تهديد) وانتي يا رشا ان سمعتك مره ثانيه تبكين على حد مو من نصيبك والله لا تشوفين شي ماشفتيه
طلع من الغرفة وتركهم يناظرون بعض
رشا وهي تمسح دموعها: بروح الملكه يمه
ام رشا باستغراب:نعمممم!!
رشا: اللي سمعتيه بتجين معي ولا لا
ام رشا:مجنونه انتي قبل شوي تدعي عليه والحين بتروحين
رشا:اي كيفي بشوف شكلها وهي تأخذه مني
ام رشا:لا لا البنت انهبلت اكيد
ماردت على امها وطلعت من الغرفه عشان تتجهز
*****************************
في القاعه
جالسه في غرفة تجهيز العروسه بتوتر ودينا والبنات جمبها
شوي ودق عبدالله الباب أعطى اخته الدفتر عشان توصله لعهود وتوقع
شافت الدفتر ومكان التوقيع اللي بيربطها فيه بلعت ريقها وزاد توترها
قطع عليها صوت امها:وقعي يابنتي عشان تدخلين
اخذت القلم ومن توترها طاح
غادة وهي تمد لها القلم:هونيها عهود
اخذت القلم ووقعت
امها وهي تضمها:مبروووك ي نظر عيني
عهود:الله يبارك فيكي
ضمتها دينا وباركت لها
رند:يلا عهود تجهزي بتدخلين الحين
ناظرت شكلها في المرايه ابتسمت وهي تشوف جمالها حصنتها امها بآيات قرآنيه قصيرة ودخلت"
دخلت على ابيات شعر هادئه كانت تمشي في المنصه بخطوات هاديه وكل اللي في القاعه مبهورين بجمالها كل العيون كانت مسلطه عليها ومن ضمن هالعيون عيون ام رشا وبنتها اللي مليانين حقد وغيره وعيون صديقاتها وأهلها اللي يحبونها كل شي كان فخم ديكور القاعه الذهبي والكوشه الملكيه وفستانها وجمالها الفاتن الكل حسدها على زوجها...!!
وصلت للكوشه وجلست فيها وكان جو القاعه مره حلو والكل مستانس
شوي وطلعوا عندها خوات فارس سولفوا معاها وباركوا لها واعطوه هدايا
ندى:بس الله ماشاء الله طالعه قممممر
امل:ايه وربي تجننين
عهود بإبتسامه :تسلمون حبيباتي
ندى:ياحظه فارس لو شافك بيغمى عليه
امل:لا تحرجين البنت
ابتسمت عهود باحراج
شوي وطلعت رشا عندها
مدت لها يدها وقالت:هاي
عهود:اهلين رشا
رشا:ماشاء الله جالسه عالكوشه ولابسه فستان وماخذه دور العروسه
عقدت حواجبها وقالت:عفوا.... مو فاهمه شي ياريت توضحين
رشا:اممم هو شي بسيط وخليه بعقلك فارس لي انا عاجلا ام اجلا
بعدين ياقلبي فارس ماخذك تسليه كم شهر وعقبها يطلقك عشان كذا لاتتأملين كثير تهقين انه بيترك حب طفولته بذي السهوله عشانك!!
قالت كلامها ونزلت من الكوشه وعلى وجهها ابتسامة نصر ممزوجة بخبث وتركت عهود مصدومه بكلامها...!!
ندى:بنات شفيها عهود احسها زعلانه
دينا:ايه صح شفيها؟؟ توها تضحك
امل بشهقه:ندى ترا بنت خالك رشا طلعت تسلم عليها لاتكون قالت لها شي
ندى:هيييييئ صح
راحوا لعهود بسرعه وتركوا دينا مو فاهمه شي شوي ولحقتهم
.
.
.
كانت جالسة في الكوشه ولسه مافاقت من صدمتها
أمل:عهود شفيكي حبيبتي
ندى ودينا يناظرون بعضهم
عهود وعيونها تلمع:لا مافيني شي بس ابي مويه
ندى:عهود متأكدة مافي شي
عهود:لا
عطتها دينا مويه شربت وهدات شوي وكانت تحاول تخفي توترها
مرت الساعات على خير في القاعه شوي وأعلنت الطقاقة عن دخول المعرس
تغطوا البنات كلهم عشان دخول العريس
زاد توتر عهود وكرهت سماع اسمه بعد اللي قالته عنه رشا،،
*********************************
نهاية البارت💫
توقعاتكم🔥🔥
علقوا بين الفقرات
ادعموني في خبر حلو بنزلة لكم
اضغطوا على النجمه بليييز
حقوق النشر/ميرا"
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
