أحببتك حد الجُنون 🌺

البارت 33

إله إلا الله وحده لا شريك له
لا إله إلا الله وحده لا شريك له
اذكروا الله🌴
***************************
يوم العزيمه
عهود كانت تعبانه ونايمه ولا حاسه بالدنيا وفارس عجز يصحيها
فارس يحركها:عهودي طفلتي قومي
عهود:امم حبي خليني بنام
عض شفته من دلعها:قومي ي قلبي
عهود:................
خطرت عليه فكره خبيثه
دخل الحمام وعبى الجاكوزي مويه ورجع للغرفه اخذها وهي مو حاسه فيه وكل همها تنام فصخ التيشيرت حقه والبنطلون وكان بس بالملابس الداخليه
حطها بهدوء في الجاكوزي وهي على طول شهقت
عهود:اااا ووش تت سوي
فارس بخبث:ابدا قلت باخذ حمام ساخن مع زوجتي
عهود مستحيه من لبسه وماهي قادره تناظره زين
عهود وعيونها للارض:فارس طلعني
فارس:تقدرين تطلعين لوحدك ولا عجبتك الحكايه
عهود وجهها احمر:..........
ناظرت الباب وقامت تبي تفتحه بس ماكان في مفتاح
عهود:الباب مسكر
فارس يرفع المفتاح:هذا هو بس ماتطلعين من هنا الا بشرط
عهود:موافقه بس خليني اطلع ابي اتجهز بتاخر ترا
فارس بخبث:ابي حلاوة
عهود عقدت حواجبها:من وين اجيب حلاوة واحنا هنا
قرب منها لين لصقت بالجدار ومرر اصبعه على شفايفها وهمس من هنا
عهود:قليل ادب انت وش تقول مسسسستحيل
فارس:اجل اجلسي هنا لين بكره وانا باخذ دش وانتي ناظريني فصخ الفنيله الداخليه وهي صدت للجهه الثانيه
فارس:تعالي ساعديني
عهود باحراج:فارس لا
فارس:عاد والله الحل عندك
عهود:خ خلاص مو افقه
فارس يبتسم:حلو
قربت منه وباست خده وصدت للجهه الثانيه
فارس:عهود لاتستهبلين ما ابيها بخدي ابيها بشفايفي
عهود بدلع:فروسي ماينفع
فارس:افااا خلاص زعلت
غمضت عيونها حبيبي لاتحرجني
فارس:............
قربت منه وابتسمت وبحركه سريعه حطت شفايفها على شفايفه وغمضت عيونها لثواني ابعدت عنه وشافت المفتاح في الارض اخذته بسرعه وفتحت الباب وطلعت!
فارس يتحسس شفايفه:ي حلللوها
***********************************
في غرفة رشا
تناظر الفساتين اللي على السرير
رشا بحماس:يممه وش رأيك هذا ولا هذا
امممم فارس يحب اللون الاسود اجل بلبس الاسود
ام رشا بحنيه:رشا ي بنتي ي نظر عيوني الولد تزوج وشاف حياته خلاص انسيه
رشا بعصبيه:لاااااااااااا هو مايحبها هو مايبيها لاتقووووولين انساه اهو يحبني انا اهو انغصب عليها تفهمييين فارس لي فااااااااارس لي ملكي انا ااااهئ اااااااهئ
وفجأه دخلت رشا بحالة غريبه صارت تكسر كل شي قدامها قربت من التسريحه وكسرت كل شي فيها من عطور واكسسوارات ومكياج... الخ
وامها مهي عارفه تتصرف من قوة الصدمه
ام رشا:رشاااا ي بنتي اهدي علامك.... هنوووووووف ي هنووووف الحقيني
هنوف بخوف:يمه وش صاير شفيها رشا
ام رشا:مدري مدري وش اسوي الحين ابوكي مسافر اتصلي ببيت عمتك نوديها المستشفى
هنوف:طيب
اتصلت هنوف ببيت عمتها وردت عليها لم فارس وقالتلها هنوف على اللي صاير وقرروا يجون
.
.
*************************
في بيت ابو فارس
ام فارس:لا حول ولا قوة الا بالله
فارس:علامك يمه
ام فارس:البس خلينا نروح بيت خالك وهناك تفهم
فارس:لا يمه تكلمي الحين
ام فارس:اللي صاار......................
فارس: استفر الله بس يلا البسي خلينا نروح
هدى:يمه وين رايحين
فارس وامه:...............
هدى:علامكم ماتردون
فارس بعصبيه:مو وقتك انتي الثانيه
طلع للجناح متجاهل حلطمتها
.
.
كانت عهود توها طالعه من الحمام وجالسه تحط لها كريم
لاحظت وجه فارس المتغير
عهود:فارس
فارس(يلبس الثوب):.........
عهود:بتطلع؟
فارس:اي
عهود:غريبه ماقلتلي
فارس بنرفزه:ضروري استاذن منك يعني؟
عهود:لا ماقصدت بس...
اخذ جواله والبوك ومفاتيح السياره وطلع من الجناح
عهود:هذا شفيه؟ بايش غلطت معه؟توه يضحك ومستانس!
تلقائياً نزلت دموعها بحراره وهمست ياااارب اللهِمني القوة
*********************
في المستشفى
وصلوا فارس وامه ودخلوا الغرفة اللي فيها رشا بعد ماغطوها بحجابها
فارس:ايش صاير ي خالتي
ام رشا بعصبيه:وبعد تسأل دمرت بنتي الله يدمرك
ام فارس:وش سوا الولد
ام رشا بصياح:لا ابداً ماسوا شي بنتي جالها انهيار عصبي وصارت تصرفاتها غريبه بسسبكم تدري وش يعني انهياااااار عصبي حسبي الله عليكم
هنوف:يمه اقصري صوتك
ام رشا:وخرررري
الممرضه:لو سمحتوا نتو في مستشفى اما تجلسون باحترامكم ولا تتعذرون من هنا مايصير اللي تعملونه
فارس التفت لها:السموحه ي اخت 
والتفت لامه:انتظرك بالسياره يمه
.
.
.
في السياره
ام فارس:اهدى ي ولدي
فارس بعصبيه ووجه احمر:وش اهدى يمممه وش اهدى شفتي البنت اللي طول عمرك تتمنيني اتزوجها شفتيها وش سوت اجل تقول انا السبب بحالتها والله العظيم يمه اني مو عاجز ارد عليها بس احتراما لخالي ولسنها سكت لكن هيييين ما اكون فهد خالد ال...... اذا ماعلمتها قدرها هي وبنتها عديمة الاخلاق هذي!
ام فارس بقلة حيله:الله يهديها
.
.
شوي ووصلوا البيت وفارس كان معصب على الاخر
التفت لامه:الغي العزيمه خلاص
ام فارس:بس الناس
فارس:الله يرضى عليكي يمه سوي اللي قلتلك عليه
ام فارس:طيب
طلع الجناح وفتح الباب شاف عهود نايمه بعرض السرير وهي بملابس الحمام وشعرها فيه مويه وفي اثار دموع على خدها عرف انها بكت بسبب عصبيته عليها وهي مالها دخل قرب منها حاول يعدلها بس هي صحت على طول
عهود:وش تسوي
فارس بابتسامه:كنت بعدلك حد ينام كذا
عهود(صدت للجهه الثانيه):...............
فارس:ادري انك زعلانه واني غلطت بس والله كنت معصب
عهود ببكى:وانا وش ذنبي تعاملني بهالشكل
ضمها له:والله اسف لاتبكي
عهود تمسح دموعها:وين كنت طيب وليه عصبت
فارس بتنهيده:لاتشغلين بالك
عهود:طيب بروح اتجهز ماجهزت شي
فارس بهدوء:ترا لغينا العزيمه
عهود:ليش
فارس يلعب بشعرها:ليش....اممم لاني مابي عزيمه ابي اقضي ليلتي مع طفلتي  الحلوه
عهود:.........
فارس بابتسامه:بتفهمين بعدين واللي كنتي بتجهزينه للعزيمه جهزيه لزوجك
بلعت ريقها وكأنها بدأت تفهمه
فارس يبوس راسها:يلا انا بطلع وانتي خذي راحتك
تركها وطلع وهو يبتسم يدري انه حطها بالامر الواقع بس هذا احسن قرار اتخذه مع وحده حساسه وخجوله زيها كان لازم يكسر الحواجز اللي بينهم كذا!
**************************
بعد ماراح فارس بغرفة عهود
عهود تكلم نفسها:ياربي وش اسوي الحين... لحظه هو قال اللي كنتي بتجهزيه للعزيمة جهزيه لزوجك يعني اتجهز كأنه في عزيمه اممم خليني ارتب الغرفة اول
.
.
بدأت عهود بترتيب جناحهم وتزيينه حطت شموع وورد مجفف وعطور جو وصار الجناح يجنننن بدأت بتعديل نفسها اخذت لها شور وستشورت شعرها وخلته مفتوح لبست الفستان اللي شرته للعزيمة وطلعت كيووووت حطت مكياج خفيف وتعطرت بعطرها المميز اللي يعشقه فارس
عهود تناظر نفسها في المرآيه:فديتني.. والله اني حلوه ورومانسية بعد هههه
**************************
في الصالة تحت
هدى:هيييييئ يعني هذا كل اللي صار
امل:وربي قليلة ادب هالبنت باقي متعلقه في الولد ماتستحي
ام فارس بعصبيه:خلااااص انتي وهي انتهينا تراها بنت اخوي احترموني على الاقل
امل:السموحه يمه ماقصدنا بس والله البنت تصرفاتها تنرفز
هدى:صدقتي والله
امفارس:وينها عهود
امل:مدري ماشفتها من الظهر
هدى:اناديها
ام فارس:لا خلوها... انا رايحه انام اذا رجع ابوكم قولوله اني بجناحي ولا تبينوله شي عن اللي صار
هدى:تو الناس يمه
ام فارس:ماعليه تعبانه برتاح
امل:على راحتك
.
.
هدى:اففففف طفش ليش كذا ابغى انادي عهود
امل:ياملقوفه خليها بحالها لو تبغى تنزل كان نزلت
هدى:طيب نشوف فلم
امل:اوك
هدى:يلا.... بجيب اللاب
********************************
عند رشا في المستشفى
بعد ماقال الدكتور انها تعرضت لأنهيار عصبي طلب منهم يخلونها في المستشفى يومين يتاكدون على صحتها وبعدها تطلع
********************************

End of the part
ادعمووووني رجاءً
انقطعت فترة عن الرواية صح لدرجة نسيتها بس بصراحه انتو ماتحمسوا الواحد يكمل