أحببتك حد الجُنون 🌺

(البارت الثاني عشر)

استغفر الله العظيم واتوب اليه
استغفر الله العظيم واتوب اليه
استغفر الله العظيم واتوب اليه
****************************
في بيت أبو عبدالله
رجع فارس وابوه للبيت بعد ماتكلموا في موضوع الخطبه
اما عهود فكانت في جناحها تدرس ومو عارفه عن شي
عبدالله:يبه بتكلم عهود؟
ابو عبدالله:ايه بس مو الحين
مهند:تتوقع انها بتوافق
ابو عبدالله:طبعا توافق هذا ولد عمها وأولى فيها
عبدالله:طيب يبه ماتشوف انها صغيرة
ابو عبدالله:لا مو صغيرة ولا شي عمرها 18
مهند:الله يجعل اللي فيه الخير
ابو عبدالله:اميين،،
عبدالله:مهند روح مع ابوي الشركه بكره انا بروح مكه اجيب غادة
مهند:ان شاء الله
******************************
في جناح ابو عبدالله وأم عبدالله
ام عبدالله:اقول يابو عبدالله ماقلت لي وش يبي اخوك وابنه
ابو عبدالله بابتسامه:يبون القرب مننا يبي عهود لبنته
ام عبدالله بفرحه:والله ماشاء الله الله يتمم على خير
ابو عبدالله:برد لهم الموافقه بعد كم يوم ان شاء الله
ام عبدالله:الله يقدم اللي فيه الخير
ابو عبدالله :اميين
********************************
في جناح عهود
ذاكرت كثير وتعبت ودقت على دينا"
عهود:الو دينا
دينا:اهلين عهود كيفك؟؟
عهود:تمام وانتي؟
دينا:يعني
عهود:خايفه من الاختبارات صح
دينا بتنهيده:اي الله يسهل لنا
عهود بخوف:دينا انا صرت افكر كثير هذي الايام مدري وش جاني
دينا:هههههههههههه لاتجني بس
عهود:دينا مو وقت سماجتك اتكلم جد
دينا:طيب طبيعي من  التوتر
عهود:لا لا انا خايفه من فارس
دينا:نعممم! وليش تخافين من فارس ان شاء الله
حكت لها عهود السالفه اللي حصلت في السيارة
دينا:معقووول يهددك
عهود:اي والله
دينا:اممم طيب وش بتسوي
عهود:خايفه يضرني
دينا:تستهبلين انتي مستحيل يسوي لك شي
عهود بتنهيده:تهقين
دينا:اي لانك بنت عمه بس انتي تتعاملين معاه بغرور وعناد والشباب مايحبون البنت اللي تكون كذا
عهود:كيفي انا حره
دينا:اجل تحملي ماجاك
سولفوا شوي سكرت عهود الجوال ونامت على طول
*******************************
اليوم الثاني
صحت من النوم بدري وهي حاسه بنشاط لبست وتجهزت ونزلت تفطر
عهود:صباااح الخير
الكل:صباح النور
عهود:صاحيين بدري اليوم
مهند:الدوامات
عبدالله:وانا رايح اجيب غادة
عهود:اهااا وانت يبه
ابو عبدالله:بروح الشركه
عهود وهي تقوم:الله يوفقكم
ام عبدالله:كلي يابنتي ما اكلتي كثير
عهود:لا يمه تأخرت
ابو غبدالله:في امان الله

في المدرسه
دينا:عهوود لاتكبرين السوالف
عهود:قلبي ناغزني حاسه انه بيسوي شي
دينا:لا لا ما اتوقع ابن عمك في النهاية
عهود:اووف اكرهه ما ابي اشوف وجهه<<ماتدري انها بتعيش معه وبتصير مِلكَه!
دينا:حرااام عليكِ الولد يخققق مزززززز مررره انا راضيه اشوفه كل يوم
عهود بعصبيه:كلي تبن روحي تزوجيه شرايك
دينا:هههههههههههه تغيرين عليه ولا؟
عهود بعصبيه:وجععع اغير وليش اغير ان شاء الله اصلا الجلسه معك غلط
دينا:ههههههههه
*********************************
في بيت أبو فارس
ام فارس تكلم في التلفون
ام فارس:أأأ.... اقول ام رشا
ام رشا بفرحه تحسبها بتكلمها عن الخطوبه:هلا فيكِ
ام فارس:والله ابي اكلمك بشي بس... مدري شقولك
ام رشا:قولي قولي اسمعك
ام فارس:اااا.... فارس
ام رشا بحماس:شفيه؟! وليش تتكلمين كذا
بلعت ريقها وقالت:فارس خطب
ام رشا بصدمه:نعممممممم فاارس خطب!
"كانت نازله من الدرج تغني وتتمايل سمعت جملة امها الأخيرة وحست ان احد صب عليها مويه باردة"
ام فارس:والله هذا اللي صار
ام رشا:بكل بساطه تقولين هذا اللي صار
ام فارس:..............
ام رشا بصراخ:طيب وبنتي اللي منتظرة ولدك لها سنتين واي احد يتقدم لها ترفضه عشان ولد عمتها المصون ويجي يخطب عليها
ام فارس:اااا.....والله حاولت امنعه بس
قاطعتها وبعصبيه:انقلعي انتي وولدك عساكم بالموت ان شاء الله خليه يتهنى ومين خطب ان شاء الله
ام فارس:ع.. هود بنت عمه
ام رشا:عساكم بالموت كلكم وسكرت الجوال
اما رشا كانت جالسه في الأرض بصدمه وتصارخ وتبكي
رشا:ااااهئ..... والله... والله ما اخليهم يتهنوا انا انا يتركني ويروح يخطب
وش شاف فيها وش انا احلى والله انا احلى ااااهئ يمممه والله لانتقم منها
ام فارس وهي حاضنه بنتها:خلاص خلاص ي بنتي اهدي
رشا ببكى اكثر:يمه كيف اهدى اااهئ احبه يمه اهو لي اهو لي مو لغيرها

دخلت هنوف البيت وشافت المزهريه مكسره ورشا تبكي وتشاهق في حضن امها وشعرها معفوس ونظرها يروع"
هنوف:خير وش صاير؟
لارد............
هنوف بخوف:يمممه شصاير روعتوني ابوي فيه شي
ام رشا:فارس خطب بنت عمه
هنوف:هاااا.... فارس ولد عمتي
ام رشا:اي مين غيره يعني
هنوف:رشا حبيبتي لاتزعلين الزواج قسمه ونصيب ويمكن نصيبك مع غي...
رشا بصراااخ:اششششش مابي اسمع من هذا الكلام مافي شي اسمه نصيب فارس لي فارس لي تفهممموووون!!
دخلت غرفتها وغلقت الباب وهي تتوعد وتحلف انها تدمر حياتهم
هنوف خايفه تفكر بكلام اختها الشرير ومتاكده انها بتسوي شي
******************************
عند  فارس وراكان
فارس:خلاص خطبتها
راكان:منننن جددد
فارس:ههههه ايه
راكان:مبروووك
فارس:الله يبارك فيك بس باقي  ما وافقوا
راكان:تطمن بيوافقوا
فارس:ان شاء الله
*****************************
رجعت من المدرسه بعد تعب اخذت شور ولبست بجامه لونها اصفر كيوت وناعمه وسوت شعرها ذيل حصان وحطت مرطب لوجهها وقلوس بينك ومسكارا شفافه وكحل ابيض ونامت نومه طويله
.
.
صحت من نومها طلبت من الشغاله تسوي لها كوفي وجلست تشوف فيلم بما ان اليوم ويكند
سمعت الباب يدق
عهود:ادخل
ابو عبدالله:عهود حبيبتي
عهود:اا يبه... حياك حياك تفضل
ابو عبدالله :الله يحييكي
عهود:سم يبه
ابو عبدالله :سم الله عدوك يابنتي انا جايك ابي اكلمك في موضوع
عهود بدق قلبها يدق بخوف:هاا ايه تفضل يبه
ابو عبدالله بابتسامه:عهود انتي أصغر عيالي وتدرين اني احبك
وانا اليوم طالبك
ابتسمت عهود:تسلم يبه
ابو عبدالله :انتي ماشاء الله عليكي كبرتي وصرتي بنت حلوه وانا ابي افرح فيكي زي مافرحت باخوانك ابي اتطمن عليكي واشوفك مرتاحه
نزلت راسها وكأنها فهمت الموضوع
ابو عبدالله :فارس ولد عمك تقدم لك وانا ادري انه رجال طيب وبيصونك
عهود بحزن:بس يبه انا توي صغيره على الزوا....
قاطعها ابو عبدالله :لا يابنتي مو صغيرة ولا شي سنك مناسك واذا على الدراسه تدرسين في بيت زوجك
عهود بأسى:لكن....
ابو عبدالله :خلاص عهود انا بعطي الرجال كلمه انتي بنت عمه وهو أولى بك اول مره اطلبك في شي وترديني خلاص الموضوع انتهى!!

طلع من الغرفه وتركها تبكي بقهر...
ليش يايبه ليش تجبرني وانت بحياتك ماقسيت علي...
خايف ي قلبي خايف من بكره،،
*********************************
في بيت أبو فارس
كانو جالسين بتغدوا
ام فارس بعصبيه:ارتحت انت وابوك يوم خربتوا علاقتي مع الناس وين أودي وجهي منها عجبك اللي سويته ها
فارس ببرود:يمه انا من زمان قلتلك مابي اتزوج رشا وانتي ماتفهمين شسوي يعني مين قالك تروحي تقوليلهم اني بتزوجها وتخليها تنتظر
ابو فارس:غلطتك وتحمليها مالهم نصيب مع بعض
ام فارس قامت من الطاوله معصبه: الله لايسامحك ي عهود
هدى:شدخل عهود
امل بهمس:مسكينه هالبنت
فارس بقلق:يبه ماردوا
ابو فارس:لا يبه يبردوا بس انت مستعجل
فارس:ههههه شوي
*****************************
بهنا يكون خلص البارت🙂
توقعاتكم؟؟
حمااااس 🔥🔥
الأحداث الجايه روووعه
صوتوا لي على كل بارت تكفون،،
احبكم مرره'
الكاتبه/myrã