أحببتك حد الجُنون 🌺

(البارت السابع)

استغفر الله العظيم واتوب اليه
استغفر الله العظيم واتوب اليه
سامحوني اذا وجدت أخطاء املائيه غير مقصوده،،
****************************************
نزلت من غرفتها وشافت أهلها متجمعين
عهود:سلام!
الكل:وعليكم السلام!
ام عبدالله:رند اختك جاءت من السفر..
عهود بفرحه:صدددق يمه ابي اشوفها وحشششتني وابي اشوف نواف يمممه تكفين!!
ابو عبدالله بضحكه:عهود اختك توها جات من السفر وش تشوفيها مره ثانيه
عهود بحزن:طيب
عبدالله:خلاص عهود بكره رند ونواف وزوجها بيجون هنا وتشبعين منها
عهود:ان شاء الله طيب ي اخوي ممكن طلب
عبدالله:عيوني لك
عهود بإبتسامه:ابيك توصلني بيت صديقتي دينا
مهند:فز قلبه لما سمع اسمها ينذكر قدامه!
ابو عبدالله:روحي مع السواق يابنتي اخوكِ طالع مع زوجته
عهود:بس....
مهند قاطعها:خلاص انا اوديكي اجهزي
عهود بفرحه:صدق
مهند:لا كذب
عبدالله:غريبه والله مهند يوصل عهود لالا ماتوقعت
مهند(يااارب اشوفها):لا ي شيخ! عهودوه البسي قبل ما اغير رأي
عهود قامت وتوجهت لغرفتها:يلا قايمه
***************************************
في جناح عهود
اخذت شور سريع ولبست برموده جينز مع بلوزة نص كم ورديه وحطت كحل ابيض ومسكارا وايلاينر وبلاشر احمر وقلوس ومشطت شعرها ذيل حصان بعد ماجففته دخلت جوالها واغراضه في شنطتها وتعطرت ولبست عبايتها والشوز البينك ونزلت
عهود: احم انا جاااهزة!
مهند:يلا
عهود وهي تناظر مهند:واااو وش هالكشخه لاتكون طالع انت بعد؟
مهند:وش دخلك بعدين ايش قصدك يعني حسستيني اني اول مره اتكشخ
عبدالله:خخخخخ لا ما شاء الله عليك كل يوم لبس كأنك مودل
عهود:ههههههههههههه
عبدالله :ههههههههههه
غادة وهي ترمي عبدالله بعلبه المناديل:حرام عليكم ليش تتريقوا تغيرون منه لان لبسه حلو صح"
عهود:لاوالله
مهند :اي اي فهميهم ي غيود والله ماحد يفهمني غيرك
عبدالله:تستهبل انت ووجهك تراها زوجتي وش غيود ذي
غادة وعهود:هههههههههههه
عهود:بدأت الغيره
ام عبدالله بعصبيه:عهوووود مههههند ورى ماتروحون
مهند:يلا يلا بس ذولا عيالك اخرونا
عبدالله:يلا انقلعوا
*********************************
عند فارس في البحر
راكان:وبعدين ي فارس صارلنا ساعتين جالسين وماقلت وش فيك
فارس تنهد:والله مدري شقولك ي خويي
راكان:قول وانا اسمعك
علمه فارس بكل اللي صار
راكان باندفاع:طيب ي فارس تستاهل انها مدت يدها عليك يعني كيف تبوسها بالله؟!
فارس تأفأف:خلاص ي راكان بدل ماتصير لي عون صرتلي فرعون قلتلك ماحسيت بنفسي والله ماحسيت بعدين مهما يصير ماتمد يدها انا رجال وماحد يمد يده علي!!
راكان:طيب وش ناوي عليه
فارس:مدري بس هي بتصير لي وبتصير حلالي
راكان:يعني بتزوجها؟!
فارس :اي ليش لا واكسرلها غرورها
راكان:تتوقع انها توافق
فارس بثقه:بخليها توافق غصبا عنها
راكان:طيب بس مهما كان لاتضر بنت عمك ي فارس
فارس:تستهبل انت مستحيل اضرها
كملوا الأصدقاء سوالفهم فارس وراكان أصدقاء من ايام المدرسه فارس مايثق الا فيه بعد اهله طبعا ويعتبر عون وسند له وهو يشتغل في شركة فارس وابوه
********************************
عند عهود ومهند في السيارة
مهند:يلا انزلي
عهود وهي تفتح باب السيارة:باااي ومشكور ع التوصيله
مهند ابتسم:العفو
دقت الباب وفتحت لها دينا وكانت لابسه بنطلون اسود ضيق وبلوزة لونها أحمر وكعب احمر وشعرها الطويل نازل على ضهرها)
سلموا على بعض وغلقت دينا الباب دخلوا....

كان داخل السيارة ويناظرها من بعيد من دون ماتركز عليه..
مهند اللي سرح بجمال دينا وراح لبعيييد!!
اول مره قلبه يدق لبنت وش هذا الشعور اللي يحس فيه ي ترى
شعور حب؟! ولا إعجاب؟!
"تنهد وقال يااارب تجعلها من نصيبي حرك سيارته وراح لبيت خويه ماجد"
*******************************
عند عهود ودينا
دينا:وربي وحشتيني
عهود:ي بنت صارلنا يومين مو شايفين بعض مو شهرين في فرق
دينا:احببك شسوي
عهود:بطلي سوالف تعبانه
دينا:هههه كيف غيود ورند
ابتسمت عهود:غيود بخير وتسلم عليكِ ورند رجعت من دبي وبتمرنا بكره ان شاء الله
دينا:صدددق حلو بوسي لي نواف
عهود بضحكه:هههههه من عنوني خليني الاقيه واقطعه تبويس عاد تدرين اموت على الأطفال
دينا:هههههه الا صح عهود امس في الجوال قلتيلي في شي صار معك وانتو بالمزرعه وش هو؟؟
تغيرت ملامح عهود وبدأت تعلم دينا على كل شي صار بينها وبين فارس
دينا مفتحه عيونها ع الاخر:اووووه كل ذا صااار؟؟
عهود بحزن :تخيلي اول مره انحط بذا الموقف!
دينا بإبتسامه عريضه:بس والله نفسي اشوف شكلك وهو يبوسك
عهود بعصبيه:قليييييلةةةة أدددددب انا وش اقول وانتي بوش تفكري قولي شسوي في ذا المشكلة
دينا:تحسي انه يحبك؟
عهود بقهر:احسه راعي بنات وصايع
دينا:آفا لييش
عهود:اللي يسوي سواته صايع بنظري"
دينا:طيب يمكن ماحس على نفسه وماقدر يقاوم و.......
عهود بعصبيه:لا تحاولي دينا انا كرهته خلاص ما ابي اشوف وجهه
دينا:على العموم لاتخاف من تهديده ما اضن انه بيسوي شي خصوصا انك بنت عمه
عهود بتنهيده:اي ان شاء الله!
غيروا السالفه وصاروا يسولفوا عن المدرسه والسنه الدراسيه اللي قربت تخلص،،
**********************************
اليوم الثاني في بيت أبو عبدالله
كانوا يحوسون ويجهزون لإستقبال رند وزوجها
عهود:يمه خلصت الحلا
غادة:واااو سويتي كل ذا؟
عهود بغرور:شفتي اني سنعه
غادة بمزح:اي سنعه وانا اشهد ماباقي غير تخلصين دراستك ونزوجك؟
عهود:نعممممم هاهاها لايقلبي مستحيل
ام عبدالله:وليش لا ان شاء الله تتزوجين واحد يحافظ عليكي
عهود:لا لا يمه بدري
ام عبدالله:طيب روحي بدلي قبل لاتجي اختك
عهود:اوووك
ام عبدالله:وقولي للشغاله تبخر البيت
عهود:طيب
غادة:خالتي تبين شي ثاني
ام عبدالله:لا يمه خلصنا تقريبا
غادة:طيب بروح جناحي
*******************************
في جناح عبدالله وغادة
كان جالس يشوف الاسهم في اللاب قفله لما شافها تدخل الجناح
عبدالله بإبتسامه:خلصتوا شغل
غادة:اي الحمدلله وبروح اخذ شور
عبدالله غمزلها:اجي معك
غادة احمر وجهها وبإرتباك:ها أأ لا
عبدالله:طيب اختار لك لبس
غادة:اممم اوك قدامك الدولاب
طلع لها عبدالله بلوزة بيضاء مع تنورة جينز توصل للركبه
عبدالله:البسي هذول
غادة:فديت ذوقك الحلوو
عبدالله:اذا تهورت لاتلوميني
غادة وهي تجري للحمام:لا لا خلاص
**************************
عند عهود
اخذت لها شور ولبست فستان طويل عادي  لونه ابيض وعليه ورود بالازرق الفاتح ورفعت شعرها كعكه وحطت بلاشر وكحل ومسكارا وقلوس وتعطرت ونزلت الصاله،،
عهود:افففف يمه ليش تأخروا
ام عبدالله:اهجدي ي بنت شوي ويوصلون
سمعوا الباب يدق وراح عبدالله يفتح
رند ومنصور :السلام عليكم
عبدالله:وعليكم السلام تفضلوا
دخل عبدالله ومنصور مجلس الرجال
ودخلت بعده رند لمجلس الحريم......
****************************
وبهنا يكون خلص البارت🙂
توقعاتكم،،
كيف كان البارت؟!
لاتنسون الدعم
احبكم مررره"
حقوق النشر/ميرا