......................................
عند البنات جالسين يسولفوا مع عهود شوي وانفتح الباب ودخلوا رند وأم عبدالله
ام عبدالله:يلا عهود بنزفك الحين
عهود:يمه ليش الحين ما ابي
رند:وش اللي ماتبين يلا تراكِ تأخرتي
عهود:خايفه
ام عبدالله:يلا عهود مافي شي يخوف
شيكت على نفسها في المرآيه
عهود:شكلي تمام
البنات:اي ماشاء الله
ام عبدالله:لحظه عهود بحصنك
وقفت قدامها وحصنتها بآيات الرحمن من الناس
.
.
طبعا القاعه كانت من افخم قاعات الرياض وديكورها كان باللون الزهري والأبيض والكوشه كانت باللون الذهبي فخمه حيييل كان الكل منبهر بجمال القاعه والتفاصيل ووقت الزفه انطفت الانوار واشتغلت انوار خافته
كانت تنزل من الدرج بهدوء على اغنية مُذهله وكل الانظار عليها الكل كان مبهور بجمالها الطبيعي وبساطتها
بعد فتره وصلت للكوشه وساعد ها البنات تجلس
كانت الساعات في العرس جميلة والكل مستمتع
.
.
عند رشا
رشا:يمممه بموت قهر شوفيها كيف مستانسه
ام رشا:اااخ ي قهري تخيل لو ذا عرسك مالت عليكي بس ما عرفتي تكسبي الرجال
رشا:برجعه لي يمه والله
ام رشا:وش الفايده بعد ماصارت حرمته
رشا:مابتتهنى فيه صدقيني
.
.
نرجع لعهود
كانت جالسه وكل شوي يطلعوا يسلموا عليها المعازيم ويعطونها هدايا وكذا
دينا:عهود قومي معي
عهود:وين
دينا:قومي ارقصي يلا
عهود:لاخليني بس
دينا:لا لا مستحيل
قومتها بالغصب وعهود صارت ترقص بنعومه وكل المعازيم عيونهم عليها رقصت لين تعبت
عهود:خلاص برجع تعبت
البنات:هههه طيب
دينا بهمس لعهود:مانبيكي تتعبين وفري طاقتك لبعدين غمزت لها<<
عهود:حمممر وجهها وجع ياقليه الادب والله اني مستحيه ولا كان علمتك الادب
دينا:هههههه
شوي وطلعت عندها ام فارس
ام فارس بإبتسامه مصطنعه:مبروك أن شاء الله تكونين الزوجة الصالحه اللي تسعد ابني
عهود باستغراب:الله يبارك فيك يا خالتي تسلمين
نزلت سريع بدون ماترد عليها حتى تاركه عهود مستغربه!
.
.
عند رشا كانت تراقبه من بعيد ابتسمت وهي تشوف تعابير وجه عهود اللي تغيرت اول ماطلعت عندها ام فارس قررت تروح هي بعد وتكمل عليها قامت وراحت لها... ناظرتها عهود وقالت في نفسها ياربي ذي وش تبي بعد
رشا:هاي عهود مبروك عليكي الفوز بفارس بس لاتظنين انك وصلتي للنهايه وانتصرتي؟! لا ي قلبي اللعبه توها بتبدأ
عهود باستغراب:فزت ايش ولعبة ايش وش تخربطين انتي شاربه شي؟!
رشا:ههههه لا ي قلبي مو شاربه شي كلها يومين وتفهمين قصدي ي عروسه<<قالتها بسخريه ونزلت من الكوشه تاركه عهود في أفكارها
عند البنات لاحظوا شكلها
دينا بهمس لعهود:عهود حبيبتي فيكي شي
عهود:بعدين اكلمك الحين امشي معي برتب شكلي
دينا:طيب اصلا شوي ويدخل فارس
ماتدري ليش دقات قلبها تسارعت:طيب
مشت مع دينا لغرفة تجهيز العروسه ورتبت مكياجها وتعطرت وشربت مويه ورجعت مره ثانيه للقاعه
رند:عهود تجهزي فارس بيدخل الحين
عهود:اوك
تغطوا كل اللي في القاعه ماعدا رشا اللي حطت الطرحه على رأسها باهمال
شويه ودخل فارس بهيبته كان لابس ثوب ابيض وبشت اسود وشماغ وطالع يخقق لدرجة ان كل البنات اللي في القاعه حسدوا عهود عليه صار يمشي بهدوء لين وصل لعهود واول ما وصل التقت عيونهم ببعض احتوتها نظراته اللي تركزت على كل نقطه في جسمها كان مفهي فيها لحد مبالغ فيه ابتسم لها وقال:مبروك لنا
عهود بحيا:الله يبارك فيك
جلسوا على الكوشه والكل يناظرهم باعجاب كانوا مناسبين لبعض حيل جلسوا شوي وفارس يبي ياخذ راحته
فارس بهمس لعهود:بنمشي الحين
عهود بفهاوه:ليش نمشي
ناظرها ورفع حاجبه:وش اللي ليش نسيتي انك زوجتي
نزلت راسها بخجل ماتبي تناظره
.
.
إشتقت لك بالأمس واليوم مشتاق°
وباكِر إن شفتك يزيد إشتياقي°°
لجلك زاد الحب وزادت الإشواق°°
وزاد من بين الضُلوع إحتراقي..
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
