**********************
الليل في جناح أبطالنا
دخل الجناح وشافها جالسه في السرير تناظر الفراغ قرب منها بهدوء وجلس جمبها بس ماتحركت ولا ابدت له اي اهتمام
فارس:بكره الصباح جهزي نفسك بوديكي بيت اهلك
أكتفت بهز راسها وقامت من جمبه
فارس:وين رايحه
عهود:ابي انام
فارس:بتنامين هنا!! مافي مكان ثاني
تنهدت ماودها تكون قريبه منه بس مجبوره
عهود:اوك عادي
استغرب برودها بس قرر يتركها بحالها
فارس:غريبه بتنامين الحين تو الناس
عهود:تعبانه شوي
انسدح جمبها وضمها له وصار يمسح على شعرها بهدوء
استسلمت له وغفت بين أحضانه...!!
*******************
اليوم الثاني
صحت من النوم وناظرت نفسها بين احضانه قامت وراحت للحمام«وانتم بكرامه»
اخذت شور وبعدها طلعت وبدلت ملابسها لبست بلوفر رمادي وبنطلون اسود ورفعت شعرها بعشوائيه ونزلت تحت وجلست مع البنات
.
.
.
هدى:صباااااح الخير عهود
عهود بإبتسامه:صباح النور وين أمل وخالتي
هدى:يجهزون الفطو... أقول وش اللي برقبتك؟
عهود بتوتر:هاااه! ايش؟!
هدى:مدري روحي شوفيه في المرآيه قبل مايشوفك احد
قامت بهدوء وراحت للمرآيه اللي جنب المغاسل
عهود بشهقه:وش ذا ي فارس الله يسامحك بس
طلعت جناحهم بسرعه ووقفت قدام التسريحه مبتلشه ماتدري وش تسوي
.
.
.
عند فارس كان توه صاحي يناظر تعابير وجهها واحراجها من البوسه العنيفه المطبوعه في رقبتها قام من السرير بهدوء ووقف وراها وحضنها من ورا
فزت من حضنه بس ماتكلمت
دفن وجهه في رقبتها وقال:اشوفك صاحيه بدري
عهود:............
فارس:امممم حلوه البوسه صح تبين وحده ثاان.....
عهود باندفاع:حرام عليك وش ذا ليش سويت كذا كيف تروح الحين
فارس ببرود:مدري عاد دبري نفسك اممم ممكن تحطين عليها مكياج
غمز لها ومشى من جمبها بهدوء
اخذت علبه الفاونديشن وحطت شويه واخفت اثرها،،
تاكدت من شكلها ونزلت تحت
.
.
.
عهود:صباح الخير
الكل:صباح النور
ابو فارس:كيفك ي بنتي
عهود:بخير ي عمي
ابو فارس:عسى مرتاحه بس تحبين نغير لكم الجناح
عهود(ياريت ابي واحد اوسع شوي😩):لا ي عمي مرتاحين كذا
ام فارس:وفارس وينه
عهود:فوق يلبس
ام فارس:ممكن تطلعين تناديه
فارس:هذاني جيت
ابو فارس:طيب يلا سموا بالله وافطروا
جلسوا يفطرون وفارس مركز على عهود وهي محرجه منه ماتدري ليش
ابو فارس:بتودي زوجتك لاهلها اليوم
فارس:اي ان شاء الله
شوي وقامت عهود
ابو فارس:علامك ي بنتي ما أكلتي
عهود:الحمدلله اكلت ي عمي
ناظرها فارس باستغراب من تصرفاتها هالفتره بس سوى نفسه مو مهتم
اما عهود طلعت جناحها وجلست ترتب اغراضهم وتختار لها لبس
شوي وانفتح باب الجناح ودخل فارس
فارس:شفيكِ؟! تعبانه ليش متغيره
ماردت عليه.......
فارس بعصبيه:اكلمك انا ليش تتجاهليني؟!
ماقدرت تتحمل اكثر وامتلت عيونها بالدموع
عهود:ااااااي تعبانه! تعبانه نفسيا وما اقدر اتحمل اكثر من كذا خلاص ارحمني حرام عليك انهارت بالبُكا وما قدرت تمنع شهقاتها غطت وجهها بيدها
اما فارس انصدم من رد فعلها وماقدر يسوي شي غير انه ياخذها في احضانه
فارس:خلاص ي قلبي اسف سامحيني سوي اي شي بس لاتبكين ما اتحمل اشوف دموعك
عهود:طلقني تكفى
فارس عصب:لا مابطلقك بس بخليكي تعيشين معي احلى حياه
ماردت عليه تحس مافيها حيل للجدال معه تحس نفسها حامله هم بقلبها اكبر من سنها 💔
.
.
بعد دقايق وهي في حضنه حس انها هدأت شوي
فارس:يلا قومي غسلي وجهك والبسي عشان نروح بيت عمي
قامت من جمبه بهدوء ودخلت الحمام«وانتم بكرامه»
شوي وطلعت وهي لابسه تنوره طويله مُكسره مع تيشيرت ابيض وكان شكلها مره حلو ووجهها محمر من البكا قرب منها فارس لين صار مايفصلهم شي
فارس بهمس:تدرين انك حلوه وانك تفتنيني وانك حبيبتي؟!
ما اعطاها فرصه ترد وباس شفايفها ومشى من جمبها وهي باقي مصدومه من حركاته اللي تجننها!!
مشت للتسريحه وبدأت تحط مكياج وكل شوي تبتسم باحراج وتتحسس شفايفها
********************************
عند رشا
جالسه في الغرفه وتحس نفسها بتموت قهر
عهود رجعت من السفر بس رقمها تغير يعني مافي مجال لخططها وراشد يضغط عليها من جهه يبيها تقابله في الشقه ويهددها بصورها ضغطت على راسها بقوه تحس انها ضيعت نفسها وحياتها واهم شي«شرفها»
زفرت بضيق وهي تناظر جوالها اللي ماوقف من اتصالاته ردت بقل حيله
رشا:آلوو
راشد:اسمعيني ي بنت طلال كلمتين بدون زياده يا انك تجين الحين الشقه ياتشوفي صورك منتشره في كل مكان وتخيلي رده فعل اهلك
رشا:تكفى راشد لاتضغط عليّ ما اقدر اطلع الحين وش اقول لاهلي
راشد:عطيتك العلم
سكر منها وتركها سارحه في دوامة افكارها
.
.
بس ماعندها حل ثاني قامت تروشت ولبست وتكشخت له تحس نفسها سلعه رخيصه له يستخدمها وقت مايبي هي اللي رخصت نفسها ووصلت نفسها لهذي المرحله!!
************************
في جناح عهود وفارس
فارس:يلا عهود
عهود:شوي بس
لبست عبايتها ونقابها وتعطرت واخذت شنطتها وجوالها ونزلت معاه
.
.
ابو فارس:سلمي على اهلك ي بنتي
عهود:يوصل ي عمي
ام فارس:مع السلامه
عهود:مع السلامه خالتي
طلعوا من البيت وركبوا السياره وفارس حرك كانت متحمسه حيل لشوفت اهلها
فارس:اشتقتي لاهلك
عهود:اي مرره
فارس:وانا ما اشتقتيلي؟
عهود باستغراب من سؤاله:ااا... كيف اشتاقلك وانت جمبي دائما
فارس:لو بعدت عنك بتشتاقين
عهود:........
فارس:ها وش قلتي؟
عهود بحراج:اي
فارس:ماسمعت والله
عهود:اكيد بشتاقلك
حست بدقات قلبها تزداد وهو كذلك استانس حيل لردها مسك كفها وباسه
شوي ووصلوا بيت اهل عهود ووقفوا السياره ونزلوا
.
.
في البيت فتح لهم ابو عهود واستقبلهم
ابو عبدالله:هلا والله الحمدلله على سلامتكم
عهود وفارس:الله يسلمك
عهود تضم أبوها:وحشتني يبه
ابو عبدالله:وانتي أكثر ي غلاي
فارس بهمس لعهود:بس ترا اغار
ابو عبدالله:تفضلوا
دخلوا للمجلس وشوي وجاءت امها
ام عبدالله:عهوووود
عهود:هلا يُمه
قربت منها وضمتها وبكت
ام عبدالله:ليه الدموع حبيبتي
ماقدرت تسيطر على نفسها وزاد بُكاها
فارس(بخوف):شفيكِ عهود
ام عبدالله:هلا فارس السموحه نسيتك
فارس:لا عادي
ام عبدالله:هاا عهود وش فيكي
عهود:ولاشي يمه بس شكلي تأثرت وحشتوني
فارس(في نفسه خاف تعلمهم بالوضع اللي بينهم).....
ابو عبدالله يضمها:خوفتيني أحسب فيكي شي
عهود بابتسامه:الله يخليكم لي... وين الناس عبدالله وغادة ومهند ورند ماهم هنا؟
ام عبدالله:اطلعي غرفتك ارتاحي غادة وعبدالله راحوا المستشفى ابنهم تعبان شوي ومهند في الجامعه ورند بتجي بعد الغدا
عهود:اهااا مشتاقه لنواف
ام عبدالله:الله يرزقكم
حمر وجهها وفارس ناظرها وقال في نفسه(اي الله يرزقنا بس بنتك تخلي العناد)
عهود في نفسها(يمممه لو تدري اني للحين بنت! وش بتقولي اااه بس)
قطع سرحانهم صوت مهند:سلااااام وانا اقول البيت منور
عهود بفرحه:مهنننننند وحشتني
مهند:وانتي بعد ي قلبي كيفك
عهود:بخير
فارس بغيره:احم تراني هنا
مهند:ههههه حياك ي ولد العم زوجتك مجنونه
فارس:لا ترا ما ارضى
مهند:والله صرنا ندافع
فارس:اكيد تراها زوجتي
عهود:يمه انا بطلع غرفتي
ام عبدالله:على راحتك ي بنتي
طلعت غرفتها وفارس طلع وراها
عهود:ي زيييين غرفتي
فارس:صدق ي زين الغرفه وراعيتها
عهود:بسم الله متى جيت
فارس:الحين... جناحك حلو
عهود:يب ذوقي وذوق بابا
فارس يقرب منها:ترا بدأت اغير من بابا
عهود:ههههههه
فارس:فديت الضحكه هذي عشاها دوم
عهود:تدوم انفاسك حبيبي
فارس بصدمه:اييييش!
عهود:يمممه وش في
فارس:عيدي وش قلتي
عهود:ااا... قلت تدوم انفاسك
فارس:لا لا الكلمه الثانيه
عهود بهمس:حبيبي
فارس:ماسمعت
عهود:حبيبي وقلبي وزوجي ارتحت
فارس:ااااه احلا كلام سمعته بحياتي عهود اسالك سؤال؟!
عهود:تفضل
فارس:وش تحسين تجاهي
عهود:والله مدري وش اقول!! اول يوم التقينا فيه فكرتك راعي بنات وصايع وكرهتك لانك خطبتني وكرهتك اكثر يوم ملكت علي بدون علمي وتزوجتك وبدأت اميل لك بس انت كنت قاسي معي وقهرتني وعذبتني بس رغم هذا كله استانس يوم اشوفك جمبي واسمع صوتك احس بالامان جمبك مدري ليش ولما اتكلم معك وتتغزل فيني تزيد دقات قلبي مدري وش هالشعور الغريب اللي احس فيه معاك
فارس:تحبيني عهود؟
عهود:.......... مدري
عهود(تغير السالفه):بدق على دينا
هز راسه بهدوء وابتعد عنها
بديت أغليك واشتاق لحضورك واكره غيابك❤️!
بديت احس انا صوبك شعور يهز وجداني❤️!
احس انك امل روحي وروحي تسكن اهدابك❤️!
احس اني معك بنسى هلي وربعي وخلاني❤️!
احس الحُب منثوره عباراته على بابك❤️!
احس انك بتسعدني وتاخذني من احزاني❤️!
احس اني بديت اعشق ترابك وتغلبني أشواقي❤️!
عهود:الووو
دينا:الو مين معي؟
عهود:معك عهوووود
دينا بفرحه:صدددق ي قلبي وحشتييييني
عهود:وانتي اكثر ماعرفتيني؟
دينا:لا والله هذا مو رقمك
عهود:اي غيرته
دينا:اها
نتركهم يكملوا سوالف^_^
.
.
وبس مر اليوم في بيت اهل عهود على خير اجتمعت العائله واستانسوا برجعتها بس فارس كان متضايق وما حب يبين لعهود شي،،
نهاية البارت
الكاتبه/myrã
1215 كلمه
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
