هاي بنات
وحشتني الكتآبه وروايتي الحلوة💛☹️
**************************
في بيت أبو فارس
كانت أم فارس مرتبه البيت ومسويه حلويات عشان رشا وامها بيجون
اما خوات فارس كانوا متضايقين لأنهم بيشوفون رشا اللي مايطيقونها
بعد فتره وصلوا رشا وامها وهنوف لبيت ابو فارس!
رشا بدلعها المعتاد:هاي قيرلز وحشتوني.
امل ببرود:اهلين رشا
هدى بفرحه:هنوووف تعالي ي قلبي ضمتها
فرحوا هدى وأمل بهنوف وسحبوا على رشا
ام فارس :رشا حبيبتي كيفك
رشا بدلع:بخير عمتو
كانت تدور بعيونها في الڤيله تبي تشوفه بس حست انه مو في البيت تنهدت وحاولت تندمج معاهم بالسوالف،،
***************************
عند فارس
طلع من بيت عمه وهو معصب ودعا على رشا وعلى حظه الف مره ماكان له نفس يشوف مخلوق، قرر انه يروح بيته ويدخل غرفته ويستلم للنوم، بعد ربع ساعه وصل فارس البيت، سمع صوت ضحك وكلام حس انه في ضيوف سأل الخدامه وقالت له ان بيت عمه هنا،تضايق حيل وكان وده يروح يذبح رشا
مشى لغرفته بعد ما رمى عليهم السلام متجاهلهم تماما،
ام رشا:شفيه ولدك لايكون اللي ملك عليها ذي سحرته ههههه مسكينه ولدك الوحيد وكذا يصير من الحين تغير عنك اجل لاتزوجها وش بيصير ها
هدى:خاله وش هالكلام ترا عهود بنت عمنا مايصير تقولين عليها كذا البنت طيبه وعلى نياتها
رشا:هههههههه اي صح على نياتها والله انك مسكينه
اما هنوف تفشلت من امها واختها للمره الالف..
امل:رشا ما اسمحلك تراها زوجه اخوي وأهم شي انها عاجبته وعاجبتنا
انقهرت رشا بالحيل من كلام امل خطرت في بالها فكره وقالت...
رشا بخبث:امل ممكن توصليني الحمام
امل بشك:طيب
دلتها على غرفتها ودخلت رشا لغرفه امل على اساس انها بتعدل مكياجها وتدخل الحمام واول ماطلعت امل راحت رشا لغرفه فارس وغلقت الباب بعدها.
.
.
عند فارس كان بادئ ينام حس بالباب ينفتح رفع راسه وشافها انصدم منها كالعادة قام بعصبيه من سريره والشرار يطلع من عيونه
فارس:جابك الله
رشا بخوف:حبيبي فارس انا.....
شد على يدها لدرجه انها حستها بتنكسر وقال بحده:تراني سكت لك كثير ي رشا مو غباء مني بس لاني محترم خالي وما ابي ادخله بالموضوع بس انتي تماديتي وزودتيها والله العظيم لو شفتك تتدخلين في حياتي مره ثانيه لايكون ذبحك على يدي تفهمين!
خافت حيل منه نزلت دموعها بقهر :حرااام عليك ليش تعذبني كذا احبك ياخي احبك من لماكنت طفله ليش ماتحس
فارس :وانا ما احبك والله ما احبك ليش ماتفهمين خلي عندك كرامة وحسي اطلعي لو سمحتي ولاعاد اشوفك قدامي وانتي مو متغطيه لاتكسبيني إثم تركها وراح سريره انسدح وغطا وجهه بالحاف
تركها واقفه تناظره ودموعها تنزل بصمت انقهرت وحست سكاكين تنغرز داخلها ما تحملت اكثر وصرخت بقهر بتندم يافارس والله بتندم فتحت بابا الجناح وطلعت
.
.
.
في المجلس
هدى بهمس لامل:ذي وين راحت اخاف تكون تخبص شي
امل بهمس :مدري عنها روحي شوفيها
قامت هدى على اساس تشوف رشا بس شافتها تنزل من الدرج وباين في وجهها الدموع
هدى:رشا أأأ.....
رشا قاطعتها:يلا يمه مشينا
الكل استغرب من شكلها
امها باستغراب:اوك يالله
لبسوا عباياتهم ومشوا مع السواق تحت استغراب الكل
.
.
بعد ماراحوا
ام فارس بعصبيه:وش سويتوا للبنت
امل:يمه شفيكي وش سوينالها
قطع عليهم صوت فارس.
فارس:انا هزأتها تهزيئه محترمه
ام فارس:حسبي الله عليك من ولد ماتستحي على نفسك انت
فارس بعصبيه:هي اللي ماتستحي يمه من زمان وانا ساكت ومحترم انها بنت خالي بس هذا مايعني انها تضايقني وتخرب بيني انا وعهود وكل ماشافتني تميلحت وطلعت قدامي بدون غطا كأني احل لها مين الغلطان انا ولا هي تبيني احبها واتزوجها غصب من الحين اكلمك يمه هالبنت تبعديها عني احسن ما اني اتصرف بطريقتي
طلع برا البيت وهو معصب
******************************
مرت الايام والسنه الدراسيه بدأت
اول سنه في الجامعه عهود&دينا كانوا متحمسين حيل واللي حمسهم اكثر انهم في نفس الجامعه
عند عهود ودينا
عهود:اااه كان يوم طويل
دينا:اي والله بس حلو تختلف عن المدرسه حيل
عهود:طبعا تختلف وش كنتي تحسبي
دينا:ههه ادري انها تختلف
قطع عليهم صوت جوال عهود شافت الاسم (فارس) صارله كثير ماكلمها تنهدت وردت
عهود:ألوو
فارس(بحنين لصوتها) :هلا والله كيفك
عهود بهدوء:الحمدلله وانت
فارس:بخير بس مشتاق لك مره
عهود بقسوه:غريبه اشتقت لي رشا ماكفتك
فارس بضيق:ترا مافيني حيل للهواش
عهود:........
فارس:اسمعي وينك الحين؟
عهود:وين يعني في الجامعه
فارس بدا يعصب:تكلمي عدل وانتضريني بجي اخذك متى تخلصين؟
عهود:ماله داعي اصلا السوا....
قاطها:ماتروحين مع السواق قلت بجي اخذك
عهود:طيب تعال بعد ساعه
فارس:اوك مع السلامه
رجعت عند دينا وهي تتحلطم
دينا :ي عيني عالرومانسيه
عهود:اي رومانسيه بس كلي تبن
دينا:اجل وش تقولون ذا كله
عهود:يب يوصلني هو
دينا:اهااا عشان كذا متضايقه
عهود:اي
دينا:مدري وش سالفتك عهود بس انا تعبت منك
عهود:دينا كيف تبيني اسامحه وهي يحب بنت خاله وهي تحبه من زمان بعد وش تحسبيني ماعندي مشاعر كل مابديت انسى واميل له يسوي شي يضايقني
ضمتها دينا وكانت حاسه فيها
*********************************
عند رشا
رجعت البيت وهي متضايقه وراحت غرفتها على طول وسمعت الباب ينفتح دخلت امها وجلست جمبها في السرير
ام رشا:رشا حبيبتي لمتى بتضلين كذا لمتى بتنتظري واحد مايحس فيكي
هنا رشا ماقدرت تتحمل ورمت نفسها في حضن امها وصارت تبكي بكى يقطع القلب
رشا:بس يمه اااهئ... يمه انا احبه ما اقدر والله ما اقدر انسى
ام رشا:لازم تنسيه يابنتي الحياة ما قفت عند حد لازم تعيشي حياتك مايصير توقفي حياتك عليه عمرك يضيع ياماما انا وابوكِ نبي نشوفك مرتاحه ونشوف عيالك حسبي الله عليك يافارس بس
ماردت رشا واكتفت بالبكى في حضن امها متجاهله كلامها!
*******************************
عند عهود
رن جوالها بعد ساعه وعرفت ان فارس وصل تنهدت لبست عبايتها ونقابها
وأخذت ادواتها سلمت على دينا وطلعت له
كان واقف بسيارته الفورد ينتظرها وكل مامرت بنت من جمبه خقت عليه كان لابس بنطلون جينز مع بوت سبورت وتيشرت ابيض وطالع شكله جنان
شافته عهود ودق قلبها خصوصا انها ماشفته من مده نفس الشي عند فارس خق عليها كانت أول مره يشوفها بنقاب
فارس بابتسامه:خلاص اكلتيني بعيونك
عهود باحراج:مين قال اني اناظرك
فارس :باين انك تناظريني
ماردت عليه فتحت باب السياره وركبت
فارس:كيفك
عهود تناظر الدريشه:بخير
فارس:وين تحبي نروح
عهود:مدري اي مكان
فارس بخبث:نروح بيتنا مافي حد هناك امي وخواتي في بيت خالتي
عهود بخوف:ايش
فارس:اللي سمعتي
نزلت دمعه حاره على خدها
ناظر عيونها اللي محليها النقاب بحركه سريعه فكه ومسح دمعهتها
:ما ابي اشوف دموعك مره ثانيه ترا امزح معك مستحيل اسويلك شي
:سخيييف
ابتسم لها وقال:ترا طالعه بالنقاب تهبلين ي زينك وانتي تسمعي الكلام
انقهرت انه مشى كلامه عليها وقالت:ترا اسمع كلام ابوي مو كلامك
فارس:اهااا
دام الصمت بينهم الين وصلوا لمطعم عهود المفضل ستيك هاوس"
******************************
نهايه البارت™
مااحلل تقرأين بدون تصويت
رأيكم بالبارت
احبكم مره
حقوق النشر/ميرا🖤✨
أنت تقرأ
أحببتك حد الجُنون 🌺
Romanceاقرأوها واستمتعوا 🌺 الرواية بقلمي انا ميرا رواية سعودية من نسج خيالي تتكلم عن حب من طرف واحد بس الحب هذا بيتحول لحب من طرفيين وبيتغير كل شي ويصير الحب بدل ماهو من طرف من طرفين وحد الجنون بعد"
