البارت الثاني (2)
((أنا بشاربك يا علي ))
بقلمي :-فراقد حسن علي
...................،،.............
بس اااااااخ من القدر مايخلي شي على حاله
اخذ الكل من عندي برمشت عين،، وبقيت وحدي عايش بين هاي الحيطان الشبعتني ضيم وقهر
بكل ركن وزاويه عندي ذكرى لاهلي هنا ضحكنه ،،هنا بجينه،،هنا كعدنه،،هنا أكلنه
هنا فرحنه ،،هنا حزنه
اهلي خسرتهم وفاركتهم بلمح البصر،، بسرعه راحوا من ايدي
بعدني عنهم الموت ،،وفارك بينه ،،فرقتني عنهم ساعه وحده من الوكت،،لو رايح وياهم جان اني هسه مرتاح من هذا العذاب الي اني بي
شلون انسى هذاك اليوم واني اذكر كلشي بي ،،ادق التفاصيل اذكرها
..........
:-كعدت ب(8)الصبح على صوت المنبه ،،بلكوه فتحت عيوني ميت نعاس ،،بس لازم اصحصح واكوم ورايه روحه للكليه استلم نتيجه تخرجي
عندي أمل بداخلي بلكت احصل تعيين كلش حلوه كليتي وقسمي ادرس بكليه الهندسه قسم هندسه معماري
صبحت على/ أمي ،،وأبويه ،،وأخويه سامر أكبر مني،،واختي ورده طالبه نجحت للسادس ادبي
بعدها رحت للحمام ،،بعدين غسلت وجهي وفرشت اسناني وغسلت راسي بالمغسله جوه البوري الجو يسمط من الحر وعدلت شعري
دخلت للغرفه امي مرتبتها اليه اني واخويه سامر بيها تعلاكه مال ملابس مدكوكه بالحايط كل واحد اله تعلاكه خاصه بملابسه يم جربايته
وبيها جربايتين ام نفر بكل جهه اكو جربايه وحده اليه وحده لسامر،، نزلت الجربايه ووجه المخده وجرجف الغطه الخفيف كلهن من نفس القماش امي مخيطتهن ،،تغيرهن بالاسبوع مرتيين
وموجود كومدي خشب متوسط الحجم تقريبا ارتفاعه متر وعرضه متر بي جرارتين فوك وجواهن اثنين ابواب على السطح مالته مخلي كتبي وملازمي وغراضي الخاصه بالدوام ،،والجرارات كل جراره لواحد من عدنه يخلي بيها اشياءه مثلا محفظه ،،ساعه ،،محبس ،،سبحه ،،اشياش العطر ،،مستمسكاته الخاصه بي واشياء اخرى
والابواب الجوه كل واحد باب مخلي بيها احذيته لان احنه قياسات رجلينه مختلفه مانلبس سويه
ومفروشه بيها حصيره نايلون ،، وبرداتها امي تغيرها كل شهر مره هي تخيطهن
وبيها طبله خشب جبيره عليها جرجف ابيض مطرز وسجادتين وتربتين وسبحتين وشيشه عطر للصلاه كل واحد اله سجادته الخاصه بي وقران بوسط الطبله على كرسيه الخشب
طبيت بدلت ملابسي وكشخت اليوم الوداعيه بعد مانتشاوف بعد كلمن يروح لحال سبيله خلصت عشره 5 سنوات من صداقه وزماله الدراسه نبقى فقط على الاتصال او اللقاء بالصدف
الام/ولك يمه علاوي ،، علاوي ..يابعد جبدي يايمه وين صرت جايك برد
علي/جيت يمه جيت بس ابدل خلصت مابقالي شي
أنت تقرأ
أنا بشاربك يا علي
ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
