البارت العشرون (20)
((أنا بشاربك ياعلي))
بقلمي :-فراقد حسن علي
.............،،،،،،.............
صليت وخلصت صلاتي طلعت ردت اروح للمطبخ واشوف فرزدق كاعد بالصاله ماخذله ركن وعبالك منتظرله احد
توجهت عليه ،،
علي/لك هذا منو فرزدق الضلع
فرزدق/لا العمود الفقري ،،شلونك يالمختفي
علي /الحمد لله كواك بهاي الدنيا،،والله اطلع من الصبح وارجع بليل مو تدري بيه ماصدكت اجلبلي بشغله
فرزدق/اي مر ،،كول ،،سلم ،،ترى الجلب العضك دفرناه وكطعنه قلبه
علي/والله ماالحك احل منا ب10واطب للبيت فد ب10وربع ،،يادوب اكل لكمه والف راسي وانام ،،ماكتلي شعجب اليوم مشرفنه
فرزدق/والله مشتاق لصاحبي الجلب وكلت اجي اشوفه عايش ميت
علي/يعني صاحبك جلب ماتكلي بلا منو صديقه
فرزدق/جلب مثله شي اكيد ،،والدليل عايفني وماتسال عني رحت اجيت وهذا قلبي ينوص عليك ،،مااسامع الي يكول يحبني الجلب والطفل بلايه قلب هههه
علي/هههههه يعني هسه لازم منحجي نبدي ننبح ههههههههههه،،اي اخبارك ،،شكو ماكو
فرزدق/اسكت اخباري مو زينه وحيل تعبان ،،اكلك اليطق مالتي بعده موجود موو
علي/اي موجود ،،ليش شبيك
فرزدق/ام سجاد ومدرستها صارلها يومين يمنه جايه زعلانه ،،ومفاركً النوم كلش
علي/لا بربك مو هذاك اليوم رجعتها ،،شبسرعه زعلت ،،
فرزدق/غير من وره سوالف رجلها الناقص ،،نايم بصفها ومخلصها مخابرات على الك..... ويخابر كدامها عيني عينك
هسه أبن المطي حتى لو حيوان هم تصرخ ،،لو حايط هم يتفلش ،،من الغيره
علي/هو هذا مانوي يتوب ،،انوب استغفر الله درب الحرام ،،
فرزدق/ هو بعد حلى بعينه الحرام وكل راتبه يصرفه على الأرصده والهدايا الهن،،وهي تشكي وتبجي من بخله عليها وعلى جهالها،،
علي /اكلك تعال كوم نطب جوه نسولف عندي شغل لان تعرف جمعه وكت غده تصير علينه رجل
طبينه جوه للمطبخ وجريت كرسي لفرزدق هو كعد واني بديت أشتغل
علي/اني اهم شي عندي سوسوً عليك الله شلونها،،
فرزدق/زينه وصايره لسان وسوالفها حلوه،،واخواها الصغير يعوي 28ساعه باليوم
شتعل بليسها صارلها (6)سنوات من تزوجت خلفتله 4 جهال ،،اخلفه وجعه بقلبه
علي/حرام تكول هيج هذا رزق الله
فرزدق/بلا ماتسكت هو عدها جهال لو شياطين هذا سجاد مو تكول عمره 5سنوات شاذي يمشي على الحياطين
أنت تقرأ
أنا بشاربك يا علي
Chick-Litهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
