البارت الثامن عشر (18)
((أنا بشاربك ياعلي))
بقلمي:-فراقد حسن علي
................،،،،،،،.............
علي/زهره
زهره/نعم
علي/الله ينعم حياتج بالصحه والعافيه ،اذا مابيها احراج الج تكدرين تسولفيلي عن حياتج ،،وشنو سالفتج ،،واذا تضايقين لا ،،كلشي لاتحجين
شفتها عافت استكانها بالكاع والتفت عليه ودموعها. بدت تصب على وجهه
زهره/تعرف اسمي زهره وحيد هاشم ،،
عمري 21سنه
اهلي بقريه (.....)الي توكع بطراف النجف
اعرف اقره واكتب مخلصه سادس ابتدائي وبعدها أبويه و اخواني كعدوني بالبيت ماخلوني اكمل مدرسه هناك بالعرب عدهم عيب البنيه من تكبر تروح للمدرسه عدهم كافي تقره وتكتب واكو بيهم اصلا ميودون بناتهم للمدارس يكولون شلها بالمدرسه والتعليم ودوخت الراس اول وتالي تتزوج وتكعد بيت رجلها
اني يتيمه الام ،،أمي توفت واني عمري 5سنوات
واتذكر تفاصيل شويه من الحادث خطيه طك عليها تنور الخبز وهي تخبز يمكن مجانت مخليه قفل للمنظم بس صونده الغاز وفلتت من ضغط الغاز ولهبها التنور
ابويه جان بالزرع على صياحها وعياطها الجيران طفوها واخذوها للمستشفى بس خطيه توفت بنفس اليوم
واتذكر اخويه علاوي سوده عليه جان لازم بيدي ويخاف عليه لان اخاف وابجي من عياط النسوان وجو الفاتحه الله يكفيك الشر
هو جان اكبر مني بسنتين يعني من توفت امي جان عمره 7سنوات
هذا الولد الشفته بيده سلاح هو هذا اخويه علي
من توفت امي اني جنت مو بالمدرسه ،،علاوي جان بالاول ابتدائي
أبويه بس طلعت اربعين أمي ،،جدتي وعماتي زوجنه هااا على عندك جهال صغار ومنو يداريك ويداريهم
تزوج بنت عمته جانت بنيه مامتزوجه بس شويه جبيره عمر
أمي كانت غربيه على أبويه جانت تركمانيه وبيت جدي اهلها من منطقه تلعفر
ابويه جان جندي وصديقه وياه تركماني الي هو خالي عبد الله صايرين اصدقاء وعلاقتهم قويه فتزوج امي هيج صارت قسمتهم اتذكر امي من تسولف
أبويه من تزوج ماسوه عرس وهوسه لا شي بسيط لان كالوا عيب من الناس وام علي هسه طلعت الاربعين مالتها
مرته اسمها نوريه بسرعه حبلت ،،وابويه تخبل عليها يكول ماشايف جهال ولاجن اني وعلاوي عنده
طار بيها طير شتريد يسويلها لو تطلب لبن العصفور يجبه الها
هي من تشوف ابويه تسوي نفسها تحبنه وتموت علينه ،،ومن يطلع أبويه للكاع يفلح بيها تشوفنه نجوم الظهر
أنت تقرأ
أنا بشاربك يا علي
ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
