البارت السابع عشر (17)
((أنا بشاربك ياعلي))
بقلمي:-فراقد حسن علي
...........،،،،................
رحت تمددت بفراشي ،،وبقيت افكر ،،وعقلي بي الف فكره تتكلب ،،اجيبها يسره تردلي يمنه
هسه اني شنو وضعي ويه هل البنيه ،،شو صارلها اكثر من اسبوع يمي ولا فاهم راسي من رجليه
اني كلت لاخوها اخذها واتزوجها ،،زين اني بذيج اللحظه كنت مطي ومافكرت بس ردت اخلصها من الموت وكتله اتزوجها
زين هو هم مطي ومافكر وكالي شلون تزوجها وهي على ذمت رجال غيرك
هسه هي اليوم كالتلي صرت احسن ،،وان شاءالله راح تصير زينه ،،وبعدها شلون
اذا اندليت عنوان اهلها ورحت عليهم وكتلهم ساعدوني وساعدوها وطلكوها من رجلها واني اتزوجها
هاي شبيك علاوي مو اخوانها كالوا لاهلها ماتت
والله اذا رحتلهم ووصلتهم وفتح الموضوع وياهم يصير كتلك رفس
اذا بتهم مارحموها تريدهم يرحموك الك وانت الغريب
يعني معقوله ماحنوا على بتهم وهيج جرموا بحالها
اكيد اكو سر بالموضوع لو اكو سوابق للموضوع
شنو يعني لاكفيها مصاحبه وهل صدكوا بحجي رجلها وكبل قرروا يكتلوها
زين اذا رجلها مو خوش ادمي وتبلى عليها وكاللهم مكسوره ليش ماودوها لطبيب وتحققوا من الموضوع
،،يعني معقوله يطلع رجلها جذاب ويتبلى عليها وهي صادقه وبرئه
هااا خاف اكو غير سالفه وسر بالموضوع ،،يعني يجوز مضحوك عليها ،،لو هي معوره نفسها
يعني معقوله رجلها لهدرجه سكران ومطفي ومايندل راسه من رجليه ومايعرف ويفرق هي مكسوره لو بنيه
والله دخت صرت مخبل اسال واجاوب روحي ،،وياريت سوال وجواب مترابط سؤال بالعراق والجواب بالشام
خلي الف راسي وانام واعوف كلشي يم الله يدبر امري وامرها،،وقتت تلفوني ونمت
فزيت الصبح مثل كل يوم غسلت وبدلت وردت اشوف زهره واصبح عليها استحيت شفتها راده باب الغرفه عليها طلعت بوجهي للشغل
واليوم خميس صارلي 4ايام بالشغل الف الحمد لله مرتاح والولد والويايه خوش ولد
وزهره اليوم الها 10ايام بيتي من هذاك الثلاثاء بالاسبوع المضى ولليوم وهي اشوفها نفس حالها تكول عندي تحسن
لا اليوم مابيها مجال اخذ يوميتي من حجي عمران واوديها للطبيب احسن اكمل معروفي عليها لوجه الله
بس شلون وهي كالت مااطلع باب الشارع ومااحب روحت الطبيب ،،قابل اجبرها واخذها كوه
والله فكري انشلش ،،يالله دبرني حرت واحتاريت بزماني
أنت تقرأ
أنا بشاربك يا علي
ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
