أنا بشاربك يا علي

الحلقة -16-

البارت السادس عشر (16)
((أنا بشاربك ياعلي))
بقلمي:-فراقد حسن علي
...........،،،،،..............

مااعرف هاي الرجفه والهيام رغبه شاب عايش وحيد وشابع فراك وقهر ويريد ونس ويايه بالبيت

لو رجفه حب وألفه ومحنه ،،على بختك ربي ساعدني مااريد الشيطان يغويني واخسر روحي واخرتي قبل مااخسر البنيه والدنيا

عاد قررت اروح لصاحب المطعم اخذ من عنده أجرتي مال الايام المضت واخذها لطبيب اختصاص احسن كلشي

طلعت من مطبخ المطعم وتوجهت لمكان مسوول المطعم ،،ويه طلعتلي شفت صاحبي جان ويايه بالكليه

علي/لك عادل الف هلا شنو هل صدفه الحلوه

عادل /هذا منو علي طارق،،لك شلونك أخبارك

علي/الف الحمد بخير ونعمه ،،انت شلونك والله مشتاق لهذيج لمته وايام الكليه

عادل /والله ومو بكدي ،،الحمد ماشي بهل الدنيا

علي/اليوم مشرفنا ،،جاي ويه الاصدقاء لو ياك العائله

عادل /لا والله لا هاي ولا هاي ،،جاي علىً ألوالد 

علي/مافهمتك

عادل/شبيك حجي عمران ابو عماد صاحب المطعم. يصير أبويه دزوني عليه الاهل يردون شغله من عنده

علي/لا بربكً يعني حجي عمران ابوك هو صاحب المطعم ،،راسي أفتر جا المطعم مو صاحبه حجي حميد

عادل/ولك شبيك دخت مو أسمي عادل عمران حميد ،،يعني عمران ابن حجي حميد

علي/والله صدفه تخبل ،،

عادل/وانت جايب اهلك لو شنو

علي/لا وين أهلي توفوا كلهم بحادث سير الصار على السريع بخط نجف بغداد ،،واني هنا عامل

عادل/بس لحظه لحظه هذا الحادث الصارلة تقريبا سنه او أقل كل الدنيا انخبصت بي بالفيس وباقي المواقع الشاحنه الصدمت سياره ستاركس وكل الركاب البيها توفوا

علي/اي هو هذا الحادث نفسه راحوا بي كل اهلي

عادل /الى رحمه الله ،،اي واتذكر بهذاك اليوم استلمنه النتائج سويه وحتفلنه ،،

امشي اعرفك على أبويه هسه يفرح بشوفتك

علي/يرحم والديك ،،هو من ذاك اليوم بعد ماعرفت طعم الفرح،،

بس ليش أبوك يفرح بشوفتي ؟؟

عادل /بس أمشي وهسه تعرف

رحت وأمشي وياه وصلنه يم حجي عمران

عادل /بويه هذا صديقي علاوي اعرفه قبل 4سنوات جان يدوام ويايه بنفس الكليه بس أني بقسم وهو بقسم

حجي عمران /الف هلا بيه والف هلا بيك ،،أبويه انت وصاحبك بعيوني

عادل /بس علاوي يرادله عيون خاصه اداري وبالذات هو ابن طارق ابو سامر الخلفه