البارت السابع والعشرون(27)
((أنا بشاربك ياعلي))
بقلمي:-فراقد حسن علي
،،،،،،،،،.........،،،،،،،،،،،،
صباح يوم الخميس المصادف؟؟ 8/3/20
بعد مرور 38يوم
من تاريخ 31/1يوم الثلاثاء من يوم الحادث الي نقذ بي علي زهره من الموت
الى يوم الخميس المصادف 8/3يوم عرس زهره وعلي
،،،،،،،،،،،،،،،،،،
فزيت فرزدق ينده بيه،،،صباح الخير ياعررريس
علي/صباح النور ،،بيش ساعه
فرزدق/ب9 كوم صارلي ساعه كاعد واستحي اطلع كتلني جوع ،،،كوم اريد اتريك ،،،،لك كوم اهلك من الفجر كاعدين
علي/كعدت ،،كعدت ،،والله نعسان
فرزدق/اي حقك عمي البارحه الليل كله تشبك بيه وتريد تبوسني عبالك زوريه
وادفرك وترد ترجع،، الليل كله بقيت مناطر اخاف على روحي ههههههه
علي/لا بربك تحجي صدك لو تشاقه
فرزدق /اي والله شبيك كلساع مجيت عليه ،،
وادفرك وترجع
علي/لك عبالي حلم ههههههه
فرزدق/هااااا،، اني كاعد ماعندي شي سولفلي الحلم
علي/كوووووم من خلقتي لا ابتلي بيك واليوم عرسي وفرحان ،،لا تطلع لسانك عليه
فرزدق /عمي عريس منو كدك واليوم تشبع مقبلات ونواشف وتشريب وتصير عندك تخمه بعد
علي/صلخته بوكس على جتفه يمكن خلعته اله لك صخل سد حلكك من الصبح كاعد تبغج على راسي
طلعنه وبعد السلام على الجميع والروتين اليومي تريكنه كل أحنه سويه الشباب الي مامتريكين وعمي وخوالي
كعدنه على سفره الريوك جمعه وحده ماشاءالله الهول بالكوه مكفينا ناس بطن ناس
وكلساع هوسات وهلاهل وجكليت ونسوان الجيران كلساع وحده طابه وطش جكليت وتهلهل
فرزدق اخذ ولد عمي وابن خالي صاروا 4شباب وراحوا جابوا كراسي وميوزه وطبلات علمود ينصبوها بالشارع
وحجي عمران خابرني راد عدد الناس علمود يجهزون العشاء وانطيته رقم تخميني يكفي الكل وهو ضاف من عنده بعد حق 20 نفر
وعمي وخوالي افتروا على الشارع عزموا زلم الفرع كلهم
واني مكيف سلطان زماني دلال على اخر حبابه علواه يوميه اتزوج بس اكول شي كلها تركض كدامي هههه
وخالتي الجبيره حطت بجيبي بسمار حديد صغير وشكلت بداخل ستره التراكسود دنبوس كتلها ليش تكلي ماتنحسد
وحطت طاسه شكر وطاسه تمن جوه الجربايه سالتها هم ليش تكلي يجون جهالك مرزوقين ويحبون اهلك وناسك مو اهل واقرباء مرتك
أنت تقرأ
أنا بشاربك يا علي
أدب نسائيهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
