البارت السابع (7)
((أنا بشاربك ياعلي))
بقلمي :-فراقد حسن علي
................،،،،،................
أبو علي/ماتحجين يامره شنو السالفه مو راح انجلط
أم أيوب /اعصابك يابعد رويحتي السالفه ماتسوه،،
كبل فتره كعدت الفجر قبلكم اريد اتوضى واحضرلكم الريوك واشوف زهره واكفه باب الشارع وتحجي ويه واحد صحت عليها هي خافت وطبت بسرعه وطبكت الباب ركضت فتحت الباب ماشفت احد وماعرفته منو ،،وهي لزمتها كطعتها تكطع وكالت بعد مااعيدها
زهره/سمعت الحجي واتكهربت ،،،بويه والله جذب ،،ماكو هيج شي ،،ولا حاجيه ويه أحد
بعدني أحجي وندار عليه عامر عود خاتله بظهره من ناصر وملش شعري اريد افك راسي من أيده مااكدر ،،منو هذا احجي ،،منين تعرفينه
ومااحس الا ضربه مال صونده يبست ظهري وأيوب جلدني جلد ،،اليوم افصم ركبتج عن جسمج منو هذا الكواد ،،صارلج شكد تعرفي
زهره/ااااخ ولج يمه لحكيني،،،،بويه وحك جفوف ابو فاضل مااعرف أحد ،،أيوب عليك أم البنين عوفني
ولج مريم لحكيني ،،يمااااا،،،،يماااااا ولج راح اموت لحكيني
استلمني ناصر وعلي سوني دوشك مال كفخات من واحد لواحد ،،
علي/بس كولي أسمه والج الامان ،،أنطني بس أسمه
زهره/والامام علي ماعرف أحد وحك طبرت هامته مااعرف منو هذا الي تكول عليه أمي
أم أيوب /أنجبي ك.... لوما لزمتج بيدي وياه الفجر دك سوالف وضحك والله اعلم شكو بعد وشضامه علينه
زهره/يمه ليش تجذبين والله انت متوهمه ،،،اااااخ ظهري ولج يمه راح اموت ناصر عليك ظلع الزهره عوفني ،،
ناصر دفرني على ظهري وكلياتي شل روحي وكطع نفسي ،،ومااحس الا ابويه شايل المقص يريد يكص ظفيرتي
زهره/ولج يمه لحكيني ،،بويه عليك بسبي زينب لا تكص شعري ،،
وأشوف أمي جلبت بي واخذت المكص من أيده
أم أيوب /لا ابو علي مو هيج قابل تنطيها للناس كرعه ،،شيكولون عليها ،،وامه تدري بيها شعرها لجوه ظهرها
أبو علي /رديلهم خبر الصبح ،،عكب باجر الخميس يجون يخطبون ويملجون ،،والاثنين البعده يكبعوها وياخذوها واشوف بنيه تعترض الا ادفنها بالحياة تالي عمري زهيره تنزل شيباتي بالطين
زهره /بويه فدوه اغديلك مااريده ،،لا تغصبني،،وأنت صايم ومصلي وتعرف زواج الغصب حرام الله مايرضى بي
أم أيوب/زهيره ليش ماتنجبين وتبلعين السانج أحسلج ،مو جلدج اندبغ دبغ من الجتل وبعدج تراددين
وماأحس الا ناصر هجم عليه ودفرني ،،دفرته طاحت براسي ودكته بالحايط بعدها فقدت ماأدري شصار
أنت تقرأ
أنا بشاربك يا علي
ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
