البارت الثامن (8)
((أنا بشاربك ياعلي))
بقلمي :-فراقد حسن علي
.............،،،،،،...............
ينطيك العافيه ياخويه خلصتني كرهت روحي ،،زين أذا اليوم خلصني علي باجر شلون،،
ربي انت بعد بكيفك
ثاني يوم أمي طلعت من الصبح ورجعت الظهر وجابتلي وياها ملابس كم قطعه مو هواي وضروريات دشداشتين وشالين بلون كل دشداشه ،،وملابس داخليه ،،وعبايه اسلاميه ،،وعبايه راس ،،وملابس نوم ،،ومكياج شي بسيط وعطور وبعد كم شغله
أم أيوب /يمه زهيره هذا جهازج رحت اني وعمتج ام حامد أشتريانه هسه من السوك وصح هو قليل بس ميخالف يمه الولد شاريج وبمرور الايام يعوضج
ونيشانج الذهب بيوم الحنه يجي الولد واهله هم يحنونج ويلبسوج الذهب
زهره/يمه أني ماتهمني الملابس والذهب أني اريد عقد محكمه اظمن حقي بي كلبي لاجمني من حامد
أم أيوب /اكول زهيره أنتي مو وجهه نعمه مال افصخ كلشي واخليج هنا خدامه جوه رجلين اخوتج طول عمرج ،،،،صحلها رجل كالت أعور
زهره/والله يمه تسوين عليه فضل والعباس أني مامرتاحه لحامد وقلبي لاجمني منه
أم أيوب /اكول أنجبي احسلج لو تردين أصيحلج ناصر يعدلج ظلوعج ،،تريد عقد محكمه بت وحيد ،،خلي اكوم امدد احسن مامكابله جهرتج هاي الزفره
عافتني وراحت ،،واني روحي طير ومذبوح مااكدر اخلص روحي ،،
بس لاحظت مريم مو على بعضها وبلعومها حجي مخنوك سالتها كالت ماكو شي
خلال الاسبوع حامد اجى مرتين من بعد اول مره من رزله علي ،،وأني اخاف اكعد يمه وحدنه لان مو راحه وتصرفاته مو حلوه كمت اجيب مريم وياي بهاي المرتين تكعد ويانه وهو أخير مره (يعني ثالث جيه من الملجه لقبل يوم الحنه بيوم)تخبل وكام يغلط ويسب ويفشر عليه لان اجلب بمريم تكعد ويانه
الاسبوع كله لاحظت ناصر وأمي هواي يكرصون وحدهم بالغرفه ،،
ومريم بلعومها مخنوك بي حجي بس ماتسولفلي ،،
وابويه وأيوب مايباوعون بوجهي ،
وعلي كاتله القهر عليه بس مابيده شي يسوي
أمي ودتني لبنيه تشتغل بيتها (صالون )اتفقت وياها على الحنه والعرس ،،مكياج وتسريحه وانطتها أجرتها مقدما،،
حفتلي ،،بس ماصبغت شعري احب لونه أشقر طوخ يكولون أشبه أمي هي تركمانيه ،،أخذت حلاتي من عدها
بيوم الحنه هم مثل كل بنيه تسريحه ومكياج وبدله ورديه عاديه بسيطه اجرتها أمي من السوك وأجى حامد وامه وخواته حنوني ولبسوني الذهب (كلاده،،ومحبس ،،وتراجي ،،وحلقه))
وأمي هي أشترت حلقه فضه لحامد ،،من الاخير أني كلشي ما أشتريت ولا أختاريت لعابه ويحركون بيها أمي وناصر
أنت تقرأ
أنا بشاربك يا علي
Chick-Litهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
