البارت الرابع والعشرون (24)
((أنا بشاربك ياعلي))
بقلمي :-فراقد حسن علي
.................،،،،،،،............
لتسريع الاحداث
،،،،،،،،،،،،،،،،
ومر الوقت ،،ومرت الايام ،،واليوم صار 15يوم من رحت للسيد أبو محمد وسولفتله قصتي
ولهذا اليوم السيد مارجعلي خبر لا كالي أي ،،ولا كالي لا ،،بقيت محتار بأامري
أنوب هو كالي ،،وأني أصلا أعرف هذا الشي قبل مايكوله اليه ،،ميصير زهره تبقى ويايه بنفس البيت
بس شلون أحله وشلون أدبرها ،،لا أكدر أعوفها بالبيت وحدها واروح أبات يم فرزدق بليل
ولا أكدر ادزها لبيت فرزدق تبات يمهم بليل ،،ويجي فرزدق هو يبات يمي ،،ماترهم يبقون أهله وحدهم بليل ،،
وخاف يشفوها الشارع والجيران وشيخلصني وتبدي أسئلتهم الماتخلص ،،منو هاي ،،وشعدها يمك ،،وشلون ،،وليش
ولا يمي واحد من أقربائي ادزها يمهم ،،بقيتها بالبيت وسكتت ،،وكم مره انصدم وياها بمواقف من ارجع من الشغل
مره تلكتني ولابسه حجابها مثل كل يوم بس ماتدري ظفيرتها نازله من الشال على طول ظهرها،،
ومره صادفتني هسه طالعه من الحمام وصارت بوجهي ووجها احمر من المي الحار ونازله خصل من كذلتها على جانب وجهه
ومره كاعده وعاكفه رجليها وراها شلون يكعدون الجهال كعدت (w)وماتدري وطالعه رجلها لجوه الركبه
واني تعال اليزنجل الشيطان الراكب راسي ومسويني مطي من افكاره الوسخه يعني صدك بعد ماكو صبر
أنوب حجي عمران على حضي راح للعمره ،،وكام يجي بداله لو عادل ،،لو عماد
لان حجي حميد ماعنده ولد بس حجي عمران
وولد ثاني شاب جان هستوا متزوج أستشهد ،،كتلوا الامريكان من صارت مقاومة النجف،،، وعنده بعد 5بنات
يعني تقريبا راح يصير لوجود لزهره شهر بيتي ويوميه أكتشف بيها شي جديد وحلو من ترتيب وتنظيف وتعديل
صدك مره نادره ومعدله على كولت امي الله يرحمها،،رجعت بيتي مثل أول بحياة أمي وأحسن
كل مااطلع الصبح للشغل توصيني على حاجه للبيت ،،ويوميه الكاها معدله ومرتبه شي
صار البيت اليه جنه من بعد كرهي للمكان أستمر (9)أشهر ،مااصدك شوكت أخلص شغل وارجع ارتاح بي
مااريد أطلع باب الشارع واعوفه،، مرتاح نفسياً نظافه ودلال وكلام حلو وكله بحدود الادب أبد مايوم شفت من عدها شغله مو حلوه
وخلال هاي المده بديت أتعلق بيها هواي،، يعني مو بس مجرد رغبه ،،لا كمت احلم بيها واشوفها زوجتي وام بيتي وأطفالي صدك زهره أسم على مسمى شكل واخلاق
أنت تقرأ
أنا بشاربك يا علي
ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
