البارت الخامس عشر (15)
((أنا بشاربك ياعلي))
بقلمي :-فراقد حسن علي
................،،،،،،...........
علي/شبيك اكلتني حاصل فاصل ،،كلشي ماصار ،،شلون هسه تفتوتني جوه لو ارجع منين مااجيت
فرزدق/لا..لا يمعود شبيك فوت البيت بيتك
يمه،،يمه اجى علي
شويه واجت خالتي سلمت عليه وكعدت يمنه بالهول ،،سولفتها كلشي عن وضع زهره
خطيه كامت وباستني من راسي
أم فرزدق/عفيه بوليدي ،،عفيه بالشهم ،،والله يمك عندك شهامه زايده ،،انطي منها شويه لصويحبك
فرزدق/ميخالف شيجي منج عليه قابل اني بي وامي وعلى راسي ،،بس هاي الشهامه الزايده خلي تفيده باجر لعلاوي افندي
أم فرزدق/ولك يمك شبيك محزم على أخيك واكلت راسه من الملامه
فرزدق/يمه انتوا ليش تكفرون الواحد كوه مروا ،،مو شغله ملامه ،،والله أخاف عليه وشايل همه من مصايب باجر
أم فرزدق/ان شاء الله ماكو اي مصايب ،،وشوف يايمه ياعلي ،،رب العباد شلون يجبر بخاطركً ويعوضك كل خير
علي/والله يايمه على كصتها الله رزقني بس دخلت لبيتي ماصارلها اسبوع وحصلتلي خوش شغله وتدرين بيه صارلي (9)اشهر ادور شغل وماكو
أم فرزدق/الف الحمد لله يايمه والشكر لله،،ماقصر وياك النبي واهل بيته ،،
وانت بعتبارك كفلت يتيمه ونبيك يكول أنا وكافل اليتيم في الجنه ،،هاي وحده
وشغله ثانيه ؛؛نقذت نفس من ظلم باطل ؛؛بس انتظر وشوف شلون راح الله يجازيك الخير بهاي الدنيا؛؛ والاخره بعده أحسن،، وهو اكرم الاكرمين
علي/الف رحمه على روح موتاج شكد كلامج ريح قلبي وشال الهم من صدري
فرزدق /اي يرتاح قلبك الرجيجً ليش لا ،،شوف شلون راح يشحطك علىً التبليط بعز الحر وألا بشهر تموز
أم فرزدق/اكوم اجيب عبايتي واجي ،،انت ما من وره تفكيره فايده ،،الله يعين التاخذك تبط جبدها
فرزدق/هي وينها شو ادور عليها وماالكاها ،،ماتكيفين يصيرن عندج أثنين جنانين أني وهي
علي/هههههههه خرب عقلك
فرزدق /أضحك شعليك انت شهامك ،،هسه تجي وتكول كوم وصلني لبيت علاوي افندي وابقى انتظر وبعدين ردني
شويه واجتي خالتي تلبس بعبايتها وبيدها علاكه صغيره ،،
أم فرزدق/يلا امشونه ،،كوم فرزدق وصلني حتى نرد سويه الدنيا الليل مو مال ارد وحدي
فرزدق/هااا شكتلك علاوي افندي ،،صار عمه تأمرينً بعد بشي ،،منين اخلص من ضيمج لو من ضيم أبنج عليوي
أنت تقرأ
أنا بشاربك يا علي
Chick-Litهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
