أنا بشاربك يا علي

حلقة -5-

البارت ألخامس (5)
((أنا بشاربك ياعلي))
بقلمي :-فراقد حسن علي
.............،،،،،..................

أول ماشفت هذا الحلم سولفته لخالتي أم فرزدق
وكالت هذا الحلم كله خير ،،وبي تعويض الك وخير ورزق وراحت بال ،،وهاي دعوات أمك ورضاها عليك وإحمد الله على هذا الحلم

ألف الحمد لله والشكر على هذا الحال وعلى كل حال ...ومر (8)أشهر على هذا الحجي وحالتي من سوأً الى أسوء

.....................نرجع ليوم الثلاثاء 31/1

واليوم هم رجعت شفته ،،أتامل خير ،،يارب رحمتك

دخلت للحمام ،،وبعدها غسلت وجهي وفرشت أسناني وتوضيت لصلاة الصبح وبنيه الطهاره علمود ازور أبو الحسن ،،ومناك اطلع اشوف اهلي عدلت شعري ،،ولحيتي مالي خلك ازينها..

صليت صلاه ألصبح،، وكملت صلاتي لفيت السجاده،، باوعت للساعه ب(6)الفجر .مواعد فرزدق اروح ازور اهلي ،،اليوم صارلي تقريبا شهر مارايحلهم.

اركض ادور على شغل وماكو ،،أطلع الصبح وارجع بليل ميت تعب ألف راسي وأنام

لبست ملابس سامر الله يرحمه ،،لان ملابسي تعبانات وماعندي أشتري غيرهن ،،واغلبهن وسخات مااعرف أغسلهن زين

لبست ملابس زايده وقمصله جلد طويله ،،وكليته دفيت بيها راسي واذاني ،،لان الجو بارد يذبح اخذت شمسيه وطلعت

توجهت لبيت فرزدق بالشارع الورانه ،لكيته متحضر ومتانيني

علي /السلام عليكم .هاا خويه جاهز نمشي

فرزدق /وعليكم السلام .اي ماعندي شي .بس تعال فوت جوه امي مسويتلنه ريوك

علي /مو وكت ريوك ياخويه،،ماتشوفها تمطر وخاف مانلحك

فرزدق/على شنو مانلحك شو كلشي ماعدنه،، وماكو شي ورانه .خلي نتريك وتلحك تروح،، تشبع ثغيب وبجي

علي/والله ياخويه نار فراكهم لليوم تسعر بقلبي

فرزدق /الله يكون بعونك ويصبرك /اكلك مو البارحه كتلك زين لحيتك جنك واحد سجين

علي/مالي خلك اغسل حتى وجهي ،،مو عاد ازين لحيتي

أم فرزدق /صباح الخير يمه علاوي ،،شلونك

علي/صباح النور ،،هلا بيج يمه ،،انتي شلونج ،وبستها من راسها،،أني بخير اذا انتي بخير

ام فرزدق/الحمد لله يمه زوينه صحتي،، لو ماهلضغط والسكر المعلكات وماينزلن صارلهن كم يوم

علي/طيبه يمه مابيج غير العافيه

ام فرزدق/الله يعافيك وليدي ،،كوم فرزدق جيب صينيه الريوك خليتها على الكاونتر

تريكنه سويه وخلصنه ريوكنه .وام فرزدق خطيه علساس تروح ويانه تزور ،،بس بطلت مالها خلك ضغطها وسكرها صاعدات