الحلقه الثلاثون ((الأخيره))
((أنا بشاربك ياعلي))
بقلمي فراقد حسن علي
............،،،،،،،،..........
كلش فرحت بطارق وسامر ،،ملوا عليه الدنيا مو البيت فرحه ،،امووت عليهم احسهم الهواء الاتنفسه
ربي لايحرم أحد ويرزق كل محروم بالذريه الصالحه
زهره نست الدنيا حتى لاختها كامت متروح ،،ملتهيه بيهم تغسل وتبدل وتعدل وتنوم ،،وتوم ورادلهم جهد وتعب اكثر بس هي ولا تضجورت ولا ضاجت لو تعبت منهم
تكول هذا رزق ربي عوصني بي وانطانياه يجوز منطاه الغيري ،،ولازم اداري وأحافظ عليه واشكر الله على هذا الرزق
مثل مانطانياه برمشت عين يكدر ياخذه مني برمشت عين فلازم ابقى اشكر ربي على نعمته ورزقه اليه
وهل علينه شهر السادس وطلعت الاربعين مالتهم والحر يمووت وهمه خطيه صغار وجسمهم ترف كل ماامر للسوك اشتريلهم ملابس صيفه صغار وحلوات
خالتي ام فرزدق تنكل الهم بهل ملابس الصيفه ومايوم يعدي اذا ماتمر عليهم
ويوميه بليل فرزدق يمر عليهم حتى وبصريح العباره يكلي اني جاي عليهم مو عليك
ومريم صارت دعبله من الحمل الها سبع اشهر وبيها بنيه
ومادري هي شايله خالتي ماادري خالتي شايلتها وحده تموت على الثانيه عبالك ام وبتها مو عمه وجنه
وفرزدق طاير بيها يكول احبها لان مطيعه وفقيره وابد متسويلي مشاكل وهوسه ولا تسالني وين رحت لو منين رديت
وبليل كاعد العب بالجهال بين مازهره تحضر العشاء ،،لا الحلو واحد ينام واحد يكعد ،واحد يسكت واحد يبجي عبالك عدهم تناوب واجبات عسكريه ههههه
حطت زهره العشاء اكلك علاوي عندي سالفه اريد اناقشها وياك
علي/هااا حامل
زهره/ههههه لا شبيك فزيت ،،غير موضوع
علي/كولي اسمعج اعرفج من تكولين هيج وراج شي زين
زهره/ليش ماتبني الطابق الفوك وتسوي نفس بناء الجوه وتطلع باب ودرج وحده وتاجر نستفاد من ايجاره
علي/هاي الفكره وين لكيتها ،،ولج البناء راده كووم فلوس
زهره/والله الفكره اجتني من كاعد ارضع بجهالك بليل وصافنه طخت براسي ،،والفلوس لاتشيل همها ولا تحكلها اذنك ،،بس يصير ينبني طابق ثاني اقصد تتحمل حياطين البيت
علي/والله ياست زهورة انت مو قليله اي يصير بناء لان تسليح وبي رباط واساسه متين ،،زين الفلوس شلون
زهره/اني مجمعه 10ملايين يكفنك للبناء
علي/اللهم صل على محمد وال محمد بيتي 10ملايين وماادري بلا ماتسولفيلي شلون رهمتيهن
أنت تقرأ
أنا بشاربك يا علي
ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
