البارت السادس (6)
((أنا بشاربك ياعلي ))
بقلمي :-فراقد حسن علي
......... ،،،،،،..................
زهره/يالله ،،عليه أتوكل وأسلمه جيمع أحوالي وأموري ،،هو أحسن مدبر ،كومي نخم البيت قبل لا ناخذ المقسوم
مريم/خلي ناكل لكلمه ونلحك على الكراب
زهره/اكلج أمي وين ،،راحت للكاع ،،لو تحلب الهوايش
مريم/لا تحلب الهوايش ،،أيوب مايقبل بعد تروح للكاع
زهره/والله هي أمي تجيب التعب لنفسها ،،أشو الكاع ابويه ،،وعلي ،،وأيوب يشتغلون بيها ،،هي ليش تروح وتعب نفسها
مريم /تروح تمدد جوه فئ التكيه علمود تراقب أبويه خاف تزيغ عينه على وحده هههه
زهره /هههه،،اكول لو تصمين حلكج قبل مايجيج نعال طاير من أمي يعدل فجوجج
مريم /تعلمنه ،،هههههه اروح أكعد عامر عنده امتحان بعده مامخلص قرايته
زهره/اني أكمل الريوك بين ماتكعدينه ،،وكعدي ناصر وياج
مريم/لا فدوه اغديلج كله الأ ناصر مابيه حيل كتله من الصبح ،،بليل أجى يطوطح صاير طين مايندل راسه من رجليه
زهره/الله يهدي ،،ماكو فايده منه ،،بس مشاكل وشرب وكبسله
مريم/كولي الله يجفينه شر سوالفه خاف يجبلنه الشينه
زهره/أمين
أم أيوب /زهره ،،مريم ،،وينجن تعالن اخذن الحليب مني
زهره/صباح الخير يمه
أم أيوب /هلا ،،هاج الحليب فوري وبعدين روبي ،،وضمي منه شويه لناصر سوده عليه مايكل زين ،،وضعيفان
زهره/شماله ماياكل زين ،،اشو السبع ياكل بي اسبوع ومايخلصه
أم أيوب/تف عليج وعلى الخلفج ياسكط ،،تحجين على اخيج تاج راسج
زهره/رحم الله والديج يمه ماقصرتي
ام أيوب /أمشي لا بارك الله بيج وبيوم الشفتج بي ،،سويلنه لكمه نزقنبها
زهره/كملت الريوك يمه وخليته بالهول ...
كعدنه كلنه على الصينيه أمي،، أني،، مريم ،،
وعامر ،
أبويه ،،علي ،،أيوب .أمي مريكتهم من الفجر وطالعين للكاع
وناصر أفندي يبقى نايم للظهاري أمي مدللته مطلعه عينه مخلصها شرب وكبسله ويتعارك ويه الرايح والجاي
ومن يكعد ويصحى يخلصها مشاكل وعراك ويانه محد يخلص منه ،أبويه وايوب يتكابلون عليه يكضوي كضيان من البسط وماينعدل
وعلي سوده عليه فقير ماله دخل بكلشي يمشي بصف الحايط ينفذ اومر أبويه وهو ساكت
كاعد نتريك واندكت الباب ،،كام عامر شافها ،،رجع ينده بناصر صديقه حامد يريده بالباب واكفله
أنت تقرأ
أنا بشاربك يا علي
Chick-Litهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
