البارت الرابع عشر (14)
((أنا بشاربك ياعلي))
بقلمي :-فراقد حسن علي
............،،،،،،...............
راحوا وقفلت وراهم الباب ،،وفرزدق حتى ماسلم عليه مغمض ويمشي هههه
رجعت جوه للهول اركض لان بارده ،،وجنت غافي ودفيان ،،من طلعت طكني البرد
دخلت عليها الغرفه ،،شفتها متمدده وفاتحه عيونها،، فدوه اريد بعد غطه بردانه
علي/صار تدللين ،،رحت جبتلها بعد بطانيه ،،ياربي هاي شنو متغطيه ب4بطانيات شلون راح تتحرك
شلت الصوبه طفيتها بره لان غازها من تنطفي بالغرفه يخنك
رجعت عليها ،،تردين بعد شي ،،اجيبلج شي،،
زهره/لا رحم الله والديك ماقصرت
علي/أني راح انام بالهول ،،من تردين شي صيحيني
زهره/لا فدوه نام هنا اخاف انام وحدي ،،كل مااغمض عيوني تجي شوفت الگبور بالي
علي/لا تفكرين هيج ،،كولي يالله ،،
زهره/ونعمه بالله ،،هو ارحم الراحمين ،،مو يكولن الفقراء عيال الله ،،أنا متاكد ميعوفني وراح يعوضني عن هذا الظلم
علي/يا الله ،،تعرفين شي ،،كلامج كلش حلوو وبي تفأل يخلي الواحد يحب الحاله الي هو بيها وينظر للجاي ويشوفه احسن
رحت جبت جودليه ومخده ولحاف ثقيل ومديتهن بالكاع ونمت يمها بالغرفه
باوعت للساعه شفتها ب2ونص بليل ،،اني بقيت اتكلب طارت نعست عيني ،،لان غفيت وكعدت
وهي شفتها تنام وترد تفز والليل كله بقت تون ،،لل5الفجر حسيتها طفت نامت
بقت 3ايام هي على هذا الحال ،،بس مصخنه وتون ،،وتبجي من الوجع والالم
فرزدق يجي من الباب ،،يجبلي الغده والعشاء ويروح ،،
وخالتي بعد مااجتني حالتها متخربطه ونايمه بالفراش السكر والضغط ماينزلن عدها
اشوف حالتها وتون وتبجي يكتلني القهر عليها ،،لا أكدر اوديها للمستشفىً خاف صدك يجلبون بيه الشرطه
ولا اكدر اطلعها من البيت واوديها للمضمد لان جيران والناس ماترحم وبس يشوفها ،،شكو ،،وشلون ،،وشصار
وانوب الحبايه تصير كبايه وافتح على روحي باب تعال شيسده من فضول الناس واسالتهم الماترحم
بقيت انطيها من الاعشاب ،،وباقي العلاج،،شي فلأوت ،،وبندول ،،وبراستمول ،،وألجسك ،،
وكبسول التهابات جهه زركه وجهه بيضه ،،اي شريط علاج يخلص ابلش بالشريط الثاني
يعني اليوم الها 4ايام يمي والصخونه ماتفك منها ،،وشكو علاج جابه فرزدق انطيتها منه وتقريبا راح يخلص
أنت تقرأ
أنا بشاربك يا علي
Romanzi rosa / ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
