Habang binabasa ang mga tula at kanta
Na ako ang may akda at ikaw ang paksa
Naaalala ko ang aking nararamdaman
Mula sa ako'y masaya hanggang sa ako'y nasaktan
Mga akda tungkol mga masasayang araw
Na walang ibang iniisip kung hindi ako at ikaw
Mga panahon na malapit tayo sa isa't isa
At mukhang hindi mapaghihiwalay ng tadhana
Kanta noong mga panahong nahulog ako sa iyo
Nang hindi ko inakala at hindi rin ginusto
Ngunit ayokong malayo ang loob sa iyo
Dahil sa ayokong magbago ang dating tayo
Mga tula noong dumating sa punto na ako ay lumayo
Ngunit hindi kinaya at bumabalik pa rin sa iyo
Hanggang sa ikaw na ang gumawa distansya
Kaya naging mailap tayo noon sa isa't isa
Mga salita noong pinili nating tapusin ang problema
Bumalik tayo sa mga dating biruan sabay tawa
Dahil kahit ako ay may nararamdaman
Hindi ko kayang isugal ang ating pagkakaibigan
Ngayon na wala na akong nararamdaman para sa iyo
Ngayon na tinanggap ko na hindi magiging tayo
Hindi ko maitatanggi ang ating mga alaala
Dahil ang mga akda ko ang siyang naging ebidensya
~Akda
@IamQueenMoon
BINABASA MO ANG
Nine
PoetryThe number nine became my symbol For a broken infinity, broken heart in motion If infinities doesn't have it's end, broken infinity has one And I will express them through my poems
