بين الحاضر و الماضي ( روايات ليبية )

حلقة 2

رواية #بين_الحاضر_والماضي
( واقع ممزوج بلخيال )
للكاتبة #راوية
الرواية بلهجة الليبية
حلقة 2 🔥

استاده خديجه:صح الخدمه مش عيب بس متمشيش مع بنت زيك شوفي اني زوجي دكتور و يبي مساعده معاه تنظمله مواعيد و هكي شن رايك اني نكلمه وتبدي معاه؟؟
ليندا:فرحت مسحت دموعها ياريت يا استاده ح نكون شاكره فضلك
استاده خديجه:شكر لله ياليندا اني ولله نحبك و انتي تعرفي مش عارفه نحس انك بنتي مرات غير استني خلي نتصل و نشوفه
اتصلت و هو يشرين............ الووو محمد كيف الحال ؟ انت في العياده؟؟
محمد: الووو الحمدلله اي في عياده علاش؟
خديجه:مش امس انت قتلي ادور في بنت تقه تكون معاك في عياده و ترتبلك كل شي؟
محمد:اي
خديجه:خلاص اني حصلتلك بنوته تهبل نبي نوصيك عليك و متشغل حد في مكانها اهو جايا اني و هي توه
محمد:ههههه يساتر ياخدوجه خيرك مستعجله شن مزال تغيري عليا؟؟ جايبه وحده من معرفتك؟
خديجه:هههه ياسر من دوه هدي توه اهو جياتك. هي شن ليندا نمشي اني وياك تتعرفي علي دكتور محمد و مكان و اللي يشتغلو فيه و نتفوا علي دوام؟
ليندا:قصدك قبل استاده الله قداش مافرحت و ارتحت يارب يكمل كل شي شكرا استاده وقعدت تحضن فيها و تشكر فيها
استاده خديجه: بادن الله اني ديما معاك في اي شي تحتاجيه ح نكون زي امك كان تقبلي طبعا!
ليندا:وهي مدمعه اكيد ح نقبل هدا كلام
استاده خديجه:خلاص نكمل اللي في ايدي و نكلمك تعاليلي في باركنك
ليندا و هي فرحنه و قعدت تمسح في بقايا دموعها
جت ليلي اصلا هي ليها هلبا واقفه تشبح وتراقب في ليندا و استاده خديجه
ليلي متحبش ليندا و ديما تبي تحشمها و شادتها في جرتها
ليلي:ههههه شن هنت عليك زعما بشني مره هدي ؟؟
استني خليني نفكر ...فلوس او حوايج قدم او تنظفيلها حوش الاستاد؟؟ ههههه طبعا بنبره استهزاء و حرق دم
ليند:اصلا اني منردش علي وحده زيك
ليلي:هههههه بالله ماما حبيبتي بري شوفي روحك بعدين تعالي تكلمي معاي شوفي لبسك شوفي حالتك تي انتي حتي حق كتابات معندك طلبه يصدقوا عليك و تتلصقي للاستاده باش ابصر شن تبي من وراها
ليندا: احترمي نفسك و قعدت تفنص فيها وعيونها فايضات بدموع و مشت وخلتها
في جهه تانيه .....
اسمهان: الو امي
اصيله: الو سوسو صباح نور والورد
اسمهان: اي ورد بالله يا امي صباح زفت علي وجها ووجه خوها
اصيله: العفوا بنتي تي علي من ؟
اسمهان:من غيرهم اللي بيقتلوني هي و خوها
اصيله: خيرهم شن دارو تاني؟
اسمهان: الاستاده ليندا زي الاميره تبي تعيش تنوض صبح تلقي الفطور واتي تتسمسم و تطلع ان شاء الله معاد تولي و تروح مرواح جدي تلقي كل شي مضموم و غدي واني و كمال يرزيني ربي فيه ساكت و عاجبه الوضع اني خدامه عنده و عند اخته
اصيله:وانتي في شن تراجي اعطيهم علي روسهم الفرخه ليندا تروح اسحنيلها كبدها في ضمان الحوش و تنظيف
و كمال رد بالك تبينيله بلعكس خلي روحك طيبه مع اخته قدامك شن بنعلمك اني؟؟.
اسمهان: لا هدا اللي بيصير الحوش قاعد زي ناهو لين تروح كلبه تنظفه و اطيب الغدي شن قاعده ادير
اصيله: ماهو يا عبيه كان تحملي توه كل شي يتغير الوضع
اسمهان :يا امي درت كل شي و مفيش شي شن بندير
اصيله : نمشو للدكتور و هو يقرر
اسمهان : كانك عليا منحب المفرخ اني نبي راحه و منبي مسؤوليه
اصيله: غبيه انتي ديري اللي قتلك عليه و فمك ساكت
اسمهان :نحاول
في جهه تانيه
كمال:الووو
ليندا: كمال كيف حالك
كنان: ليندا خشي في موضوع عندي خدمه
ليندا: امممم به ماهو بنقولك حاجه !
كمال: ان شاء الله خير !
ليندا: خير خير عرفت الاستاده خديجه اللي نحكيلك عليها؟
كمال:اي خيرها؟
ليندا: حصلتلي خدمه
كمال: تقريبا دوينا فيه موضوع هدا و قتلك الهي في قرايتك و مدخلك في شي
ليندا: ياكمال مصروف زاد و اني نبي نعاونك و بعدين خدمه هدي مفيهاش تعب استاده خديجه زوجها دكتور و عنده عياده و بنشتغل معاه في تنظيم مواعيده و بس
كمال: منبيش اي شي يشغلك علي قرايتك
ليندا:نووعدك ولله مش ح نقصر و اني نجرب كان تعبت او حسيت انه مستواي نزل طول نبطل
كمال: به اني واتق فيك و بنخليك تجري بس رد بالك علي روحك صار اي شي كلميني طول
ليندا : حاضر شكرا يا احلي خو في دنيا كلها نحبك هي ردبالك علي روحك
كمال: هههههه به به لخبطيني رد بالك حتي انتي سلام
ليندا: صكرت وهي فرحانه
استاده خديجه: ربي يخليكم لي بعض ولا يفرقكم علي بعض
ليندا: وعيونها يلمعوا امين استاده
استاده خديجه: وصلنا
نزلو من سيارة و خشو للعياده و طبعا اللي في عياده كلهم يعرفوا استاده خديجه و يعرفوها قداش مراء محترمه و طيبه واضح علي وجهها البشوش
اسماء: صباح الورد
استاده خديجه: صباح نور اسماء اني كلمت دكتور محمد فاضي او عنده حد
اسماء:اي عنده حاله شويه بس استريحوا اهني
استاده خديجه : به تمام ربي يعاونك. تعالي ليندا نقعمزو اهني لين يكمل .
خش الدكتور ليث هدا صاحب كنان و كان يقرا معاه بس ليث سابقه و اول ما كمل اشتغل مع بو كنان
ليث عمره 27 سنه شاب طول و عرض نقشه علي الاسود خلوق و طيب القلب و جوه مليح يعني دمه خفيف و يحب الاستاده خديجه لانه امه متوفيه .....

#يتبع في الحلقه ال 3 ❤❤ الليلة
MBC Libya 🇱🇾