رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 12
كمال : هاا دكتور ليث كيف حال ليندا ؟؟؟
ليث : بصوت متقطه اه اي لا تمام كلها شويه وقت و تفيق
كمال : يارب ان شاء الله .. اني نبي نعرف شن صار كيف هكي ؟؟
ممرضه : مريضتكم فاقت و تنادي في كمال
كمال : اي اني خوها نقدر نشوفها ولا ؟؟
ممرضه : عندك 5 دقايق بس متعطلش
كمال : حاضر المهم نشوفها
ليت : حمدلله علي سلامتها خش شوفها و طمنا عليها
كمال : حاضر ... اول ما خش شاد دموعه بسيف ليندا حبيبتي
ليندا : كيمو عيوني
كمال : ناض يبكي كان صارلك حاجه راه متت بعدك منقدرش علي فراقك
ليندا : تتكلم بشويه بعيد الشر علي قلبك الحمدلله متخافش
كمال : شن صارلك احكيلي ؟؟
ممرضه : لو سمحت خلاص هكي متعبهاش المريضه
كمال : شاد ايد اخته ليندا خليك قويه متخلينيش بروحي
ليندا : حاضر رد بالك علي روحك انت
كمال : اني اهني تبي اي شي كلميني
ليندا : حاضر
عند اسمهان ...
آيه : مبرد دمك اتصلي شوفي شن صار فيها البنت
اصيله : لا مستحيل
اسمهان : مبطلتش بكي .. لا طبعا خلي تتبت عليا اني قتلتها
آيه : يا غبيه مرات ممتتش و تقدري تصلحي الامور خير ما يسمع كمال و يهد عليك و المره هدي عنده حق
اصيله : اس انتي وياها غدوه صبح نديرو حل
آيه : حل شن مصيبتك قتلت البنت انتي وياها معندكمش قلب ؟؟
اسمهان : خلاص اسكتووووا مش ناقصتكم
عند ليندا :
ليث : ها كمال شن صار ؟؟
كمال : يمسح في دموعه تمام الحمد لله
ليث : به الحمدلله
كمال : ليث قولي شن فيها ليندا ؟
ليث : لا تمام امورها طيبه غير شويه وقت بس
كمال : متاكد ؟؟
ليث : اي غير متخافش كل الامور بخير ... توه روح ارتاح
علي جيت محمود
محمود : كمال
كمال : حضن محمود و يبكي ..
محمود : تي شن فيه خيرك ليندا كيف حالها ؟
كمال : الحمد لله فاقت وعرفتني
محمود : تي به الحمد لله علاش تبكي توه ؟
كمال : خايف عليها هلبا
ليث : الحمد لله هاك شفتها و امورك تمام
محمود : متعرفناش بيك !!
ليث : ليث دكتور اسنان
محمود : به اهلا و سهلا .. و شن كنت ادير حضرتك في حوش كمال ؟ و من قالك ان ليندا طايحه ؟؟
كمال : هدا اللي نبي نفهمه
دكتور احمد : السلام عليكم
ليث : شن احمد شن فيه ؟؟
دكتور احمد : لا تمام غير بنطمنكم علي المريضه توه حالها احسن
كمال : الحمدلله
ليث : به كويس الحمد لله
محمود : امتي نقدرو نطلعوها ؟
دكتور احمد : مزال مش معرفوش بس مفيش داعي تقعدو اهني احني مدايرين بالنا عليها و بزياده
كمال : بارك الله فيكم شكرا دكتور
دكتور احمد : فيك بارك الله هدا واجبنا
محمود : هي كمال نحطك في حوش عمي فتحي قالي حوشكم مفتوح و دنيا مقلوبه .. و هو يشبح لي ليث
كمال : مش مهم الحوش بنقعد مع ليندا
ليث : يا كمال برا شوف امورك مفيش داعي لي قعادنا اهني وغدوه نرجعولها
محمود : نرجعولها ؟؟ تي انت مني و شن دخلك !!!
كمال : محممممود خلاص مش وقتها دوه توه
ليث : اني ماشي تبي اي حاجه كلمني كمال و حمدلله علي سلامتها
محمود : تي مني هدا مبرد وجهه يدخل في كل شي ؟؟
كمال : هيا محمود بلاش كتره دوه لان مش متحمل راسي
بعد شويه ....
عند كمال ...
كمال : يساتر هدا شن اللي صاير !!!
محمود : دم
كمال : هدا دم ليندا اهني اختي طاحت علي راسها بنهبل يا محمود نبي نعرف شن صار و علاش هكي ؟؟؟
محمود : هدا كله من ليث هدا ولا مني انت مسمعتش عمي فتحي شن حكي عليه بالك هو اللي دارلها هكي !!
كمال : حتي اني مفهمتش هو كيف جاي اهني و رفعها !!؛
محمود : هدا مني يا كمال و علاش انت و اتق فيه هكي؟؟
كمال : هدا الدكتور متاع الاسنان اللي تخدم معاه ليندا ... شويه و ادكر كلام اسمهان ....
عند ليث ...
في نص طريق و هو مروح لي حوشهم و كانت ساعة قريب 6 قال ... تي اني شن قاعد ندير لازم نشوفها نطمن عليها بعيوني لف و رجع للمستشفي .. قعد يمشي و خش للحجره اللي فيها ليندا ...
ليث : اول ما شافها لقاها راقده شعرها مفتوح و بشرتها بيضه ناعمه راقده زي البيبيات قلبه استريح اشويه قرب منها قاملها ايدها باسها و قعمز علي كرسي اللي جنبها ...
هكي نهون عليك تخلعيني عليك ؟؟ انتي مش عارفه شن درتي فيا ..
ليندا : اسفه
ليث : ياعمري ياحياتي خوفتيني عليك
ليندا : شدا في ايده اكتر شكرا علي اللي درته علي خاطري
ليث : مفيش شكر بينا .. غير نوضي بالف سلامه بعدين نتحاسبو
ليندا : ان شاء الله . كمال وين !؟
ليث : كمال روح و اني رجعتلك مقدرتش نقعد بعيد عليك و منشوفكش
ليندا :بصوت تعبان ربي يخليك ليا ..
ليث : و يخليك ليا معاش تخلعيني عليك .. احكيلي شن صار و من اللي دارلك هكي ؟؟
ليندا : ادكرت كلام اسمهان عليها و علي خوها ..منبيش ندكر توه
ليث : به براحتك توه هي ارجعي ارقدي ارتاحي اهو اني جنبك
ليندا : شدت ايده اكتر متخلينيش بروحي وعد !!
ليث : وعد للموت عمري ماحنسيبك حبيبتي
ليندا : وهي تشبح لي عيونه خداها نوم
عند كمال ...
كمال : اسمهان وين ؟؟؟
محمود : مش قلت طلقتها اكيده مش ح تقعدلك في الحوش
يا كمال اني متاكد ليث هو السبب اللي صار مع اختك صدقني
كمال : علاش و شن مصلحته و .. محمود خلاص بالله عليك راسي مش قادر يخدم توه خلي نرتاح شويه باش نمشي لي ليندا صبح
صبح عند ليث و ليندا ....
ليث : رد بالك ليث ماتعطيش تقتك لي حد فاهم .. ليث ليث
فاق من الحلم ...
ليندا : ليث ليث
ليث : نعم حبيبتي
ليندا صباح الخير
ليث : صباح الورد ... شن كيف حالك توه ؟
ليندا : الحمد لله احسن ... هي روح ارتاح و قبل ما يشوفك حد مرات كمال يجي توه
كمال : طقطك باب و خش صباح الخي... و لقي ليث شاد ايد ليندا
ليندا : صباح الخير كمال
ليث : نصدم صباح خير
كمال : انت شن ادير اهني ؟؟؟؟
ليث : جيت نطمن علي ليندا
كمال : تخش عليها و هي هكي وين رجوليتك انت واحد متتحشمش علي وجهك .. و شد كمال ليث و لصقه في الحيط ... هدا غير امنتك علي اختي تنوض ادير هكي
ليث : مدرت شي اني يا كمال اعطيني فرصه ندوي
كمال : فرصه شن مزال عندك وجه و تتكلم !!
ليندا : كمال خلاص اطلقه ليث مدار شي
كمال : ليندا اسكتي انتي اللي صارلك هدا كله كان من تحت راسه انت اللي درت هكي فيها ولا ؟؟؟
ليث : لا يا كمال مستحيل اني..
كمال : تكلم ياجبان شن كنت ادير في حوشنا في وقت هداكه انت اللي كنت بتقتل اختي تكلمممممم و بعدها جبتها للمستشفي باش اداري علي عملتك ...
ليث : لا غلط مصارش هدا كله انت فاهم غلط
كمال : تبي تستغل اختي ... بووووم بوكس الاول و يلحقه كف و تلحقه بوووكس تاني
ليندا : مش هو يا كمال هدي مرتك اسمهان هي اللي دارت فيا هكي قتلي قداش تكرهم وتكرهني و انها تحب واحد تاني هي اللي دفتني علي الحيط
كمال : سيب ليث و تلفت لي ليندا
ليث : ياخد في نفس
ليندا : كانت واقفه طاحت علي الارض
كمال و ليث : لييييندا و جرو عليها .......
يتبع في الحلقه 13
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه
MBC LIBYA تابعوا صفحة
أنت تقرأ
بين الحاضر و الماضي ( روايات ليبية )
Storie d'amoreمن اجمل الروايات الليبية تحكي علي بنت طموحة و متفائلة تعيش مع اخيها الذي يساعدها و لكن يقف في عاتقها زوجة اخيها و أشخاص ليفسدوا مابنته بسبب الغيرة لتجد أمامها شخصين سيقفوا بجانبها فا من تختار
