بين الحاضر و الماضي ( روايات ليبية )

حلقة 16

رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 16

ليندا: اتصلت بي ليث و من اول رنه رد طول
ليث: متقوليليش وينك يا بنت ؟؟؟ ولله قريب نموت
ليندا : بدت تبكي و نحس بي خنقه في رقبتها و قالت بصوت باكي و متقطع اسفه ليث
ليث : شن صار احكيلي ؟؟؟
ليندا : كمال عرف كل شي صار و زعل و عصب هلبا لدرجه مشي لي صاحبه بات عنده ... اني خدلته ياليث كمال ميستحقش هكي يصير فيه تي هو سيب مرته علي خاطري
ليث : حبيبتي اصصصص انتي مدخلكش اكيد فيه حد مدبرهالك
ليندا: زاد بكاها ....
ليث : حبيبتي شن قلنا اصص توه كل شث يتحل وحياتي عندك اص اسمعي اني جايك توه ضروري نشوفك
ليندا : مسحت دموعها لالا ليث وين بتجي حوش فاضي و بعدين شوف الوقت قداش !!!
ليث : اني طلعت و ركبت حتي سياره منقدرش نقعد بعيد عليك
ليندا: ليث وراسي ماتجي مش ناقصه مشاكل
ليث : نوضي اغسلي وجهك مدام وصلتك مدام اني معاك معاش تفكري في شي هييي و صكر الخط
ليندا : ناضت غسلت وجها و مشت لبست بجامة نوم و قامت شعرها فوق و حتي و هي تبكي و وجها احمر حلوه و طرف
شويه و رن فونها.....
ليندا : الووو
ليث : حبيبتي اني قريب نوصل خلي باب مفتوح باش نخش طول
ليندا : به ليث بس متعطلش خايفه كان حد يشوفنا
ليت : شن قتلك اني ؟؟
ليندا : حااضر
مشت فتحت باب و قعدت تراجي فيه شويه و فتح باب و خش و اول ما شافها جت ليندا ترجي و حضناته و قعدت تبكي عنده .....
ليث : حبيبتي خلاص و حياتك لما تتحل غير وقفي بكي منتحملش نشوف دمعه منك
ليندا : نحبك اني
ليث : قلبه قعد يدق يدق اول مره يسمعها منها هكي لانه حسها طالعه من قلبهاااا طول .. حتي اني يا عمري شوفي شن جبتلك .. لقتها كيسه معبيه شكلاطه
ليندا : حبيبي شكرا
ليث : نعرفك تحبيها شكلاطه و اصلا ليل دنيا كلها مصكره معرفتش شن نجيبلك بصدفه لقيته محل مفتوح
ليندا تعالا نقعمزو داخل
خش ليث قعمزو علي صالون خداها في حضنه قاللها هي احكيلي شن صار امبكري بتفضيل
ليندا : اني كنت في مكتبه نوتيلك في الاوراق اللي قتلي عليهم فجاه طلعت لقيت ساره تحكي لي كمال كل شي
ليث : حول ليندا من حضنه و فنص فيها شنوووو ساره قالت لي كمال ؟؟؟؟؟؟؟؟
ليندا : اي و دمعوها نزلو
ليث : خيرها هدي علاش دارت هكي و اصلا كيف عرفت ؟؟
ليندا : منعرفش
ليث : اكيد سمعتنا ولله غدوه حسابها عندي
عند كمال ....
سمع اذان الفجر ناض لقي محمود راقد علي الكنبه اللي جنبه ...
حس بيه محمود : كمال وين ماشي ؟
كمال : بنروح هداكه هو ضروري نسمع منها شن صار
محمود : غير صلي علي نبي توه و اهد و اقعد شن مزال لي صبح اصبر اني نوصلك
كمال : عليه افضل الصلاة و السلام لالا محمود متعبش روحك نمشي بروحي
محمود : تي اما تعب انت خوي غير تعالا نصلو الصبح و بعدها اني نوصلك ولله
كمال : به يا محمود
عند ليث و ليندا ....
ليث : خداه نوم و ليندا في حضنه
ليندا : حاطه راسها علي صدره و ايدها في رقبته
ليث : فاق شافها هكي عيونه قلوب قلوب حبيبتي هي فيقي اني بنمشي معاش وقت
ليندا : خليك شويه ليا هلبا مرقتش و اني مرتاحه هكي
ليث : حبيبتي انتي ماهو ضي طلع خايف حد يشوفنا
ليندا : 5 دقايق بس حبيبي وحياتي عندك
زادت حطت وجها في رقبته و حس بي انفاسها قعد يمشي في ايده علي شعرها .. حبيبتي اني معاك ولله ما نسيبك انتي روحي ولله
ليندا : و انت اغلي شي عندي انت و كمال
ليث : لا هكي بنغار اني حبيني اكتر منه
ليندا : هو خوي و انت حبيبي
ليث : من تحبي اكتر اني ولا كمال ؟
ليندا : انتم ال2
ليث : به من اكتر بشويه
ليندا : ليث شن بتغير من كمال تي خوي و بوي هو
ليث : واني ؟؟؟
ليندا : انت حبيبي
ليث : بس ؟؟؟؟؟
ليندا : حبيبي و حياتي و عمري و حبي و زوزي المستقبلي
ليث : شويه نبي اكتر
ليندا : هههه طماع هكي
ليث : شد راسها بي ايديه قاللها و اخيرا عرفت نضحكك ياعمري انتي
ليندا : بساته من خده
ليث : حبيبتي خلي نمشي نكلمك باهي خلي فونك جنبك
ليندا : نزلت راسها و كيف بتبدا تبكي
ليث : او او او تي شن خيرك حبيبتي ولله معاك مش ح نسيبك نموت في روحك اني
ليندا : به برا هي
ليث : هكي جافه .. نزل باسها من علي راسها و طلع
ركب سيارته و مشي اتصل بيها
ليندا : بصوت بدي يبكي مشيت ؟؟
ليث : نولي راه و خلي يجي كمال و يشوفك في حضني وقتها يزوجنا طوووول
ليندا : به به
ليث : حبيبتي بالله عليك وحياتي عندك ياسر بكي و خشي ارقدي غدوه نحلو كل شي ياعمري انتي
ليندا : به حبيبي كنت مرتاحه في حضنك ياريت مافيقتني
كمال خش للحوش و مشي لي دار ليندا و قعد يسمع .......
#يتبع ..
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة