رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 5
🔥
ليث : تلفت و قاللها مش مزال بكري ؟
ليندا : اسفه دكتور بس صارت شويه لاخبطه معاي
ليث : انتي شايفه وقت قداش من اول يوم تاخير ؟
ليندا : نزلت راسها و هي خلاص قريب تبكي بصوت مخنوق اسفه دكتور معاش تتعاود نوعدك
ليث : ياريت توه تفضلي شوفي شن خدمه اليوم شوفي زميلتك ساره تقولك كيف تشتغلي
ليندا : حاضر
و طلعت طبعا ليث دار هكي مش لانه شرير او لا لا دار هكي لانه ...
ليث بينه و بين نفسه اوووف يا ليث شن درت انت معقوله هكي قاسي عليها من اول يوم ؟؟؟؟ ماهو اني متحمس نجي و نلقاها شن صارلك ياليث بشويه علي بنت
ليندا : بصوت مزال مخنوق السلام عليكم ساره ..
ساره: اهلين انتي ليندا صح ؟
ليندا : اي اني
ساره : اهلين دكتور ليث امبكري حكالي عليك امس اني كنت واخده اذن و اليوم جيت تعالي نفهمك شن اديري
ليندا: اهلين اوكي هي و طبعا معندهاش نيا
....
عند كمال ...
كمال: شفت يا محمود شن صار !!
محمود : ان شاء الله خير !!
كمال : امس لما روحت اني و ليندا.... وحكاله اللي صار
محمود : ولله شن بنقولك يا صاحبي ربي يعينك و يعاونك
به توه شن بدير؟
كمال: مش تبي عند امها ؟ خليها تقعد عند امها
محمود : مش حل عدة يا كمال المفروض تمشيلها و تتفاهم معاها مش ادير هكي
كمال: فاض صبري معاها يا خوي ديما نقوللها كل شي الا ليندا تسايري انتي وياها و تفاهموا علي خاطري علي خاطر حياتنا و هي شي متبيش تفهم
محمود : توه اللي صار صار انت اقعد مع روحك شويه و بعدها برالها و تفاهم معاها تكون هكي درت اللي عليك
كمال : و هو مهموم يصير خير
...
عند استاده خديجه ..
خديجه : اليوم مشفتش ليندا و هي مكلمتنيش ولا اني كلمتها زعما شن صار في خدمتها؟؟ خلي نتصل نشوفها
خديجه: الووو
ليندا : الووو استاده
خديجه: كيف حالك
ليندا : الحمد لله كيف حالك انتي
خديجه : الحمد لله اليوم مشفتكش كيف حال الخدمه معاك ؟
ليندا : اي اليوم تلخبط وقتي و جيت متاخره و ... ( جت بتحكيلها بس سكتت ) بس الحمد لله
خديجه: معليش يصير تلخبيط المهم امورك تمام
ليندا : اي الحمدلله
خديجه : تصير اي حاجه في اي وقت كلميني اتفقنا؟
ليندا : حاضر استاده شكرا هلبا
خديجه : العفو انتي بنتي
صكرت و هي مضايقه مش عارفه كيف تعتدر من ليث
ليندا : حقا وين ورقه امس خليتها اهني وين مشت قعدت ادور عليها
ساره : ليندا هههههه خيرك مفركسه !
ليندا : بصوت مخلوع لا ولا شي
ساره : ماله شن اديري تحت المكتب ؟
ليندا : ندور علي حاجه ... نعم تفضلي تبي مني حاجه ؟
ساره : اي هدم مواعيد سجليهم عندك كل يوم تتصلي بي اسماء و تعرفي منها مواعيد دكتور ليث
ليندا : حاضر
ساره : و اطلبي قهوه ساده لي دكتور ليث
ليندا : حاضر
طلعت ساره مشت و ليندا طلبة القهوه و قعدت تسجل في مواعيد و ترتب في الاوراق
العم عثمان متاع البوفي : السلام عليكم
ليندا : وعليكم السلام تفضل
عثمان : هدي قهوه الدكتور
ليندا : تمام خليها عمي عثمان توه اني نرفعها شكرا
عثمان: العفوا
ليندا : هدي لحظه اللي بنعتدر فيها طق طق الباب
ليث : تفضل
ليندا : سلام عليكم
ليث : قلبه بدي يدق بس خلا راسه لوطا علي الاوراق و مكتب بصوت مزال زعلان وعليكم
ليندا : دكتور قهوتك
ليث : شاف الساعه لقاها قريب ال 7 بس اني منشربش توه في قعاوي !
ليندا : شبحات استغراب بس ..ساره قتلي
ليث : اكيد من امبكري قالتلك و نسيتي ( تلقيحه )
ليندا : لا ولله توه قتلي و طلبتهالك طول اني مزال منعرفش روتينك بس نتعلمه
ليث : انتي امتي عندك وقت اصلا باش نقولك شن روتيني ( تلقيحه 2)
ليندا : نزلت راسها وقريب تبكي
ليث: قلبه وجعه واخيرا يقول في خاطره تي شن صارلك بدل ما تصلح تفسد
ليندا: اسفه دكتور كاتك فاضي توه ناخد روتينك و نسجله عندي
ليث : ااخ ياقلبي داب ... لا لا مش ضروري توه
ليندا: به براحتك
ليث : تمام خليها قهوه توه نشربها تعبتي روحك و منشربهاش عيب
ليندا : تفضل
ليث : جت عيونه علي عيونها العسليات و بشرتها البيضه و برائتها زي برائه الضعار و قاللها بصوت حنون شكرا
ليندا : حست بشعور غريب بس طبعا حاسه انه مزال زعلان و مضايق منها
عند اسمهان ....
شفتيه يا امي شفتيه اصلا ميحبنيش واخدني لي اخته خدامه
اصيله : معاش ترجعيله وراس بنتي لما يجيك يجري زي الكلب خليه
اسمهان : امس كيف قتله و شكيتله محسش بيا بكل ديما اخته و بس يعطيها مرض ان شاء الله هي سبب مشاكلي معاه
اصيله : توه بنتي علي اساس تحبيه انتي ماهو علي خاطر هداكه ولد كان هدا راه موافقتيش عليه من اول ما جي و تقدملك
اسمهان : امي بالله عليك متزيدينيش فيا اللي كافيني
اصيله : غير اسمعي كلامي توه ربي يشبح فيك
اسمهان : اني مش ح نرجعله لين هو و اختك يجوني مدلولين
اصيله : اي هدي اول خطوه معاه كان سمعتي كلامي في موضوع صغار راه من اول يوم جوك يلحسو
اسمهان : منبيش مفرخ منه اني و لا من العيله المقطوعه هدي
عند ليندا ...
مقعمزه في مكتب و ترتب في الامور و خلاص قريب الوقت يتم .... صوت حد رجلين
ليث: السلام عليكم
ليندا : من الخلعه وقفت نعم تفضل دكتور ليث ؟
ليث : ولله مش عارف شن صارلي حسيت روحي شديت معاك هلبا اليوم و من بدايتها و للعلم اني طبيعتي و شخصيتي مش هكي بكل لاني عصامي و لا قيادي اني من سلطه شعبيه !!!
ليندا : و علامات التعجب علي وجها مش فاهمه شي !!
ليث : خيره ههههه نبصر راه نحاول نغطي علي اللي درته اليوم اسف ليندا
ليندا : و هي مزال متعجبه و مصدومه من كلامه !!!
ليث : مدامك مصدومه ( فنص عيونه ) غدوه ساعة 4 و صفرين تكوني اهني !
ليندا : حاضر دكتور ونزلت راسها من تكشيخته و تفنيصه
ليت : في خاطره شن منظر الحلو هدا شن بنقعد نزعل فيك باش نشبحك هكي .. قرب منها ووو.......
#يتبع في الحلقه ال 6
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه
MBC LIBYA تابعوا صفحة
أنت تقرأ
بين الحاضر و الماضي ( روايات ليبية )
Roman d'amourمن اجمل الروايات الليبية تحكي علي بنت طموحة و متفائلة تعيش مع اخيها الذي يساعدها و لكن يقف في عاتقها زوجة اخيها و أشخاص ليفسدوا مابنته بسبب الغيرة لتجد أمامها شخصين سيقفوا بجانبها فا من تختار
