بين الحاضر و الماضي ( روايات ليبية )

حلقة 9

رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 9

اسماء : ليندا خيره شكلك هكي ؟؟
ليندا : تعبانه شويه
اسماء : سلامتك به شن قالك دكتور
ليندا : قالي علي العطله اللي بناخدها و هي مش خاطرها تتكلم اسماء شويه توه نجي
ليندا : سلام عليكم
مروان : وعليكم باهي اللي شفناك
ليندا : و هي بسيف تتكلم باعتني دكتور محمد
مروان : اي خيرك ليندا ان شاء الله خير ؟
ليندا : بصوت تعبان لا تمام و معاش تشوف فيه طاحت
مروان : ليندا ليندا ..... يا دكتور تعالا حد يشوفها بنت طاحت
طلع يجري ينادي علي اي حد ضرب في ليث
ليث : هاهااا اشبح قدامك خيرك ياراجل
مروان : يا دكتور جيت و جابك ربي ليندا
ليث : لما سمع اسم ليندا .. خيرها شن فيه تكلم !!!!!
مروان : طاحت في مكتبي
ليث : مشي يجري لقاها طايحه قرب منها و قاملها راسها و يمس فيها من خدودها ليندا فيقي فيقي
مروان : دكتور شن بنديرو نكلم دكتور محمد و لا دكتور احمد يشوفها
ليث : لا متكلم حد توه نرفعها عندي وتوه تفيق ناديلي علي اسماء بس
مروان : حاضر مشي يجري جابها و جي
اسماء : ولله عرفتها تعبانه من لما طلعت من عند دكتور محمد
ليث : مش وقت دوه توه تعالي جيبي جاحه غطيها بيها و اني بنقيمها
وسط ناس كلهم و زحمه يشبحو فيه كيف قايمها و هي وجها في صدره يحس بنفس متاعها حاس بيه
و يقوللها بصوت واطي ليندا فيقي بالله عليك متخلينيش نحبك اني ياقلبي فيقي
ساره : بصدمه ليث !!!! خيرها هدي شن طيحها حي علي حشمه قدام ناااس قايمها
ليث : ساره بالله عليك مش وقتك
حطها علي كرسي متاع الاسنان و تكاها و دارلها اسعافات
بشويه بشويه فاقت
مروان و اسماء : فاقت الحمد لله
مروان : عندك علم قريب جلطيني بس توه تاكدت بنات لما يشوفوني يسيخوا هههه من جمالي طبعا
اسماء : اصكت انت .. لولو حمدلله علي سلامتك خوفتينا عليك
ليندا : تي شن صار و هي تشبح لي مروان .. مش كنت نكلم فيك ؟
ليث : حمدلله علي سلامه خوفتيني عليك
ساره : هي الوحيده اللي متكلمتش في لحظه هدي تشبح بكل سم
ليندا : شكرا الله يسلمكم سامحوني و جايا بتنوض
ليث : لالا مفيش نوضان ارتاحي شويه
ليندا : لا تمام
مروان : هدي امانتك من خلعه حطيته في جيبي
اسماء : باهي اللي منسيتاش نهائيا ههههه
ليندا : شكرا مروان و سامحني
مروان : ولا يهمك المهم حمدلله علي سلامه خلي نولي مكاني
اسماء : حمدلله علي سلامه و وتيلنا الزرده من توه قبل ما تطلع نتيجه
ليث : لما ادكر انها بتبعد عليه قلبه نخصه ...
ساره : شرين فونها الووو و طلعت
اسماء : حي عليا هي نستادنكم خليت مكاني بروحه باست ليندا من خدها و قتلها سلامتك ...
ليث : شن حالك توه احسن ؟؟
ليندا : اي الحمدلله
ليث : به ... حسدت اسماء علي بوسه هدي
ليندا : تجاهلت كلمته الاخيره لان تحشمت .... كيف صار ؟ مش عارفه شن صارلي ؟؟
ليث : اكيد هبوط و انتي متاكليش رد بالك علي صحتك امتحاناتك قريب
ليندا : ان شاء الله
ليث : يشبح في عيونها نسي روحه قرب منها ... خفت عليك هلبا منبيش دقيقه تغيبي عليا لا بال توه معاش بنشوفك و انتي في حاله هدي
ليندا : متخافش كل يوم نكلمك انطمنك حتي اني تعودت عليك
ليث : تعودتي بس ؟؟
ليندا : ابتسامه خجل
ساره : ليث اني طالعه شويه و نجي
ليث : صوت ساره فيقه نعم ساره اي اي تقدري تطلعي
ساره : متبيش تعرف وين ماشيه !!!! ولا مش لاهي معاي علي العموم مش معطله بنروح باختي من جامعه ساعة ونجي
ليث : به به ساره
ليندا ناضت ساوت روحها و قتله اني ماشيه توه
ليث : لا لا مزالتي تعبانه اصبري شويه
ليندا : لا خلاص هو هدا
ليث : جايك كمال !؟
ليندا : لا لا بناخد باص او تاكسي
ليث : بالله ؟؟ لالا ميصيرش منه كلام هدا اني نوصلك
ليندا : نعم ؟؟
ليث : زي ما سمعتي هي خلي نحي البالطو و نلبس جاكيتي
ليندا : بس دكتور لي....
ليث : مفيش نقاش اني بروحك منخليكش و لو صارت حاجه اني مسؤول و كمال اعطيني نكلمه
ليندا : مصر يعني !!
ليث : خلاص لبست اني هي نطلعوا
شدها من ايدها و طلعوا خدت شنطتها وحاجاتها بسرعه
ليث : اسماء اني واصل اهني شويه و جاي
ليندا : هي سلامات
اسماء : بصدمه .. سلام
طلعوا مشو لي بارڨنج وصلو لي سياره
ليندا : حست بدوخه بتجيها طلعت طول ميه و شربت و مسحت علي وجها
ليث: شن فيه خيرك ؟
ليندا : ولا شي هي
ليث : هي هي
عند دكتور محمد .....
دكتور محمد : اسماء شن صار امبكري
اسماء : ليندا طاحت من طولها يناري شكله هبوط صارلها
دكتور محمد : يساااتر و شن صارللها ووينها هي توه ؟
اسماء : دكتور ليث دارللها اسعافات و هي توه كيف طلعت روحت
دكتور محمد : اتصلي بيها و حوليهالي توه
اسماء : حاضر
عند ليندا و ليث
ليندا : من هدا الووو سلام عليكم
دكتور محمد : وعليكم سلام ليندا
ليندا : اي اني من معاي ؟؟
دكتور محمد : اني محمد دكتور
ليندا : اسفه دكتور كيف الحال تفضل تبي حاجه
دكتور محمد : الحمد لله تي انتي كيف حالك توه سمعت من مروان و اسماء
ليندا : اي دكتور مفيش شي خطير مجرد تعب بس شكله من توتر لان الامتحانات قريب
دكتور محمد : به الحمدلله علي سلامه و ديري بالك علي صحتك يصير اي شي او تحتاجي اي شي كلميني
ليندا : لا يوريك باس دكتور شكرا
بارك الله فيك دكتور شكرا هلبا
دكتور محمد : معاش تشكريني المهم توه خديتي امانتك من مروان ولا ؟؟
ليندا : اي دكتور شكرا
دكتور محمد : به مباركات عليك و تحتاجي اي شي كلميني
ليندا : حاضر
ليث : واسطات شكلها شن رايك نمشو ناكلو حاجه ميت من جوع
ليندا : توه ؟؟
ليث : ماله غدوه
ليندا : ماهو مرات اصل....
ليث : خلاص نمشو معناها و حط ايده علي ايدها
و قال متخافيش اني اللي عازمك
ليندا : في الاول تحشمت بعدين ادكرت حركات ساره نحت ايدها
المهم كان يوم حلو لي ليث و ليندا غيرو جو و روتين و طبعا ليث ميبيش يسيبها بس خلاص حطها في الحوش و قاللها .......
#يتبع في الحلقه ال 10 ❤
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة