بين الحاضر و الماضي ( روايات ليبية )

حلقة 19

رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 19

بعد اسبوع .....
ليندا خدت شهادتها رسمي و كانت فرحتها مش عاطيتهم لي حد تشكر في ربي و في كمال و ليث هلبا
......
كنان بدي يفكر هلبا في ليندا اكتر من الاول كل يوم يصبح علي ضحكتها و يمسي علي عيونها اللي احلي شي فيها بعد برئتها طبعا

ساره و ليلي يخطو لي ملعوب جديد بعد فشلهم الدريع اللي صار المره اللي فاتت او بالاحري الخطه الاولي

اسماء : زاد تعلقها بي كمال اكتر و تتمني يشبحلها بس مع انها حلوه قصيرونه و حبوبه بيضه و حرجها علي الاشقر و مفيش حد يشوفها الا يحبها

استاده خديجه تخطط كيف تقرب ليندا من كنان و طبعا اقترحت علي دكتور محمد و رحب بلفكره ان تكون ليندا كنته

ليلي : الووو صباح الخير
مكتب في اداره الجامعه : حضرتك الطالبه ليلي ....
ليلي : اي نعم من معاي ؟؟
مكتب في ادارة الجامعه : احني من جامعه ..... و نبي نبلغك ان تم فصلك و تحويلك لي المجلس التأديبي
ليلي : علاااش شن درت اني ؟؟
المكتب : انك شاركتي في محاولة غش لي زميله ليك و فيه شهود علي دلك علي المهم تم فصلك و تبليغك بلخصوص باش تحضري مجلس التاديبي
صكرت ليلي و هي تخبط و تبكي مش عارفه شن ادير اتصلت بي ساره
ساره : ايوه يا ليلي
ليلي : تبكي و تعيط
ساره : نخلعت خيرك شن فيه ؟؟
ليلي : فصلوووني يا ساره من وراء راسها بنت الكلب
ساره : كييييف علااااش ؟
ليلي ووهي تبكي و تشهق و قعدت تحكيلها شن صار ..

بعد قريب شهرين .....
في وقت الضهر العياده مسكته
ليث : استحششتك اني
ليندا : ليييث توه حد يشوفنا
ليث : و هو حاضنها خلي يشوفو اني نحبك لا عيب و لا حرام
ليندا : مش عيب و لا حرام بس منبيش يتكلمو علينا خصوصا و احني في مكان زي هكي
ليث : حولها من حضنه و مشي
ليندا : خيرك ؟؟
ليث : ولا شي
ليندا : زعلت من كلامي ؟؟
ليث : اني نحبك و نبيك نبيك مرتي و كلامك هدا يحسس فيا مش راجل كل ما نقرب منك تقوليلي هدي
ليندا : حشاااك اني مقصدش هكي حتي اني نحبك
ليث : اني مش عارف علاش لي توه مكلمتش كمال و خطبتك
ليندا : اشششش ....
ليث : خيرك
ليندا : كأنه حد كان يسمع فينا
ليث : لالا مستحيل
ليندا : يمكن نتخايل

بعد شويه جي كمال بيروح بي ليندا
كمال : السلام عليكم اسماء كيف الحال ؟
اسماء : عيونها قلوب و عليكم السلام الحمد لله و انت
كمال : طبعا نسيت مقوللكم كمال شعره اسود كتيف و طول و بعرض و عضلات و جو .. الحمد لله جبتلك حاجه ان شاء اللع تعجبك
اسماء : ليا اني في خاطرها مش مصدقه فتحتها لقتها سنسله فضه بسييييطه بس يهبل شكلها ... حييي تهبل شكرا كمال
كمال : العفو المهم عجباتك
اسماء : طاير عقلها بيها
ليندا : اهلا كيمو كيف حالك
كمال : تمام لولو هي شن نمشو ؟؟
ليندا : شافت لي اسماء لقتها غارقه في فرحتها .. سوسو محلاها سنسله من جبهالك
كمال : شاف لي اسماء و غمزلها
اسماء : شبحت لي كمال و تحشمت حلوه ولا ليندا تهبلللل
ليندا : طبعا عرفت ان كمال جبهالها .. هي شنو كيمو نمشو تعرف جيعانه بنموت
كمال : يراقب في تفاصيل فرحت اسماء .. بصوت متقطع اه ايي حتي اني
ليندا : اسماء نوصلوك معانا شن رايك
اسماء : جاي بابا بيروح بيا مش ضروري نتعبكم
ليندا : تي في طريقنا كلميه و قوليله ان احني بنروحوا بيك و منها نتعشو مع بعض هي بسرعه خلي نخش نقول لي دكتور ليث اني مروحه و ناخد شنطي
اسماء : فرحت
كمال : مستغرب من تصرف ليندا كيف غمتهم ال 2
ليندا : حبيبي اني ماشيه كمال جي
ليث : اممم به خلي نطلع نسلم عليه و ناخد منه موعد
ليندا : حبيبي اجلها شويه قاعده نقرب في كمال و اسماء مع بعض هي حبيبي نشوفك السبت بساته بسرعه علي خده و طلعت
ليث : مههبوله
طلعت ليندا و هي مستعجله خبطت في كنان
كنان : من قوه الخبطه جو ايديه وحدن علي خصر ليندا و تانيا علي ضهرها
ليندا : عيونها شفايفها و وجها قراب من كنان ايديها في صدره
كنان : قعد متنح فيها و يتمني توقف دنيا كلها
ليندا : جامده مكانها و حست كنان بياكلها بعيونه حست جسمها و جسمه خشو في بعض
كنان : امتي بتمشي و تشبحي قدامك قاعده صغيرونه
ليندا : ضرباته علي صدره و مشت و خلاته

بعد شويه ...
طلعو كمال و ليندا و اسماء مع بعض كان يوم خميس مشو تعشو خدو جيلاطي و طلعه كلها كمال و اسماء يشبحو لي بعض شكله حب جديد

ليث روح هدرز مع بوه و حكاله علي ليندا و بوه فرح
ليث يتصل بي ليندا متردش بعد شويه بعتتله مسج
ليندا : حبيبي احني قعدين برا نروح نكلمك نحبك مووووت
ليت : به حبيبي ديري بالك علي روحك و اني نموت في روحك نستني فيك اليوم بنسهرو 😉😉

كنان : روح و تفكيره قلبه عقله احساسيه و حتي مشاعره في لحظة لما كان مع ليندا ... اوووف ياربي هدا شن اللي يصير معاي منبيش نحببب منبيش ساااد اللي صاارلي سااااد

كمال و ليندا : بعد ما وصلو اسماء
كمال : ليندا ؟
ليندا : نعم !!
كمال : اني قررت نخطب اسماء
ليندا : متفاجاتش بلعكس طااارت من الفرحه هدا اليوم اللي نستني الف مبروووك ياقلبي انت
كمال : انتي غدوه كلميها تاخد موعد نمشي اني وياك انتي تشوفي امها و اني نشوف بوها
ليندا : نقولك حاجه كلمها انت فرحها الحق كمال هي ليها هلبا معجبه بيك
كمال : انتي هي تقولي ؟؟ يعني عادي نكلمها ؟
ليندا : اي اكيد
......

و في نفس الليله ...
كنان : قص علي تفكيره في ليندا و علي لحظه تاريخيه اللي صارت بينهم طقان علي باب داره
استاده خديجه : كنان حبيبي ولدي الغالي
كنان : بصوت مهموم و جسم معبي تعب .. امي ناض و باس علي راسها
استاده خديجه : كنان سلم ولدي تعرف فرحت هلبا لما رجعت لي حوشنا ... و فرحانه اكتر ان شكلك بديت تحب
كنان : نزل عيونه لوطا خاف عيونه يفضحوه ميبيش حد يعرف انه بدي يحب ليندا و اصلا حتي هي يبي يكدب روحه .... هههه بصوت يكابر تي اما حب يا امي لالا غير تعبان من خدمه
استاده خديجه : اهااا به و شن صار في الموضوع اللي قتلك عليك ؟؟
كنان : امي بالله عليك موضوع هدا فوتيه لان منفكرش فيه اني منبيش نزعلك و باسها من ايدها
استاده خديجه : وعلاش يا كنان ؟؟
كنان : منبيش ندوي فيه الموضوع هدا
استاده خديجه : به بمان انت معندكش اني عندي ليك وحده اني متاكده مش ح تقول عليها شي
كنان : هههههه به يا امي غير ان شاء الله مش فرخات ال 2000 تعرفيني اني انسان ابرد مني مفيش و نحب نلقح مرات متتحملش
استاده خديجه : تشبحله من غير اي مقدمات و لوحتله اول سهم جي في قلبه ( ليندا ) شن رايك !!
كنان : سمع اسم ليندا حس قلبه بيوقف حاول يصيطر علي روحه امي وراسك اجليه في خاطره معنداااش جهد يفتح موضوع اصلا ...

بعد شويه و في نفس الليله السعيده 💜💜

كمال اتصل بي اسماء و كانت فرحتها كبييييره و طبعا من اول ما فتحها في الموضوع
كمال : اسماء بدل ما نطولوها اني نبي نجي نشوف بوك و نخطبك منه
اسماء : مش مصدقه بلحق كمال كان تشوف اني قداش معجبه بيك و تمنيتها لحظه هدي 🔥😍😍
كمال : عارف و حتي اني من اول ما شفتك عجبتيني غير كان شاغلني موضوع تميته و جيت كلمتك اني اليوم كيف طالقت اسمهان و معاش فيه شي يربطني بيها توه نقدر نقولك اللي في قلبي من غير مانحس ان نعشم فيك ... المهم فاهمتيني
اسماء : في لحظه هدي قلبها قريب يوقف و تهز في راسها علي اساس يشووف فيها 🤣🤣
المهم اتفقو علي يوم باش يجو فيها لي حوشهم و هدرزو لي صبح
ليث و ليندا قعدو يحبحبو في بعض لي صبح 🤣❤🤤
كنان غارق في تفكيره اللي بيموته مش عارف يقدم او يوخر
ليله كانت ولا اروع ..... و في نفس الوقت اليوم هدا دااس هلبا مفاجات 🔥🔥🔥

#يتبع في حلقه 20

إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة