بين الحاضر و الماضي ( روايات ليبية )

حلقة 17

رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 17
🔥

كمال خش للحوش و مشي لي دار ليندا و قعد يسمع....
قبل ثواني ...
ليندا : حبيبي فيه صوت !!!
ليث : مني ؟؟
ليندا : يمكن كمال روح توه بعدين نكلمك هي سلام توه
قبل ما يرد عليها صكرت الخط و دارت روحها راقده
ليث : شوف مهبوله ...
كمال : فتح دار ليندا لقاها راقده .. و هو بيطلع
ليندا : كمال روحت؟؟
كمال : اي جيت نشوف فيك
ليندا : كمال ضروري نحكيلك كيف صار معاي
كمال : بعدين ليندا تعبان اني توه خلي نخش ندوش و بعدين نهدرزو .....
في جهه تانيه .....
ساره : صباح الخير اهو وتيتلك الفطور باش تفطري
ليلي : صباح نور تي اما فطور مش بنمشي معاك ؟؟
ساره : وين ؟؟
ليلي : شن وييين بالله؟؟؟؟ مش علي اساس نمشي معاك للعياده نبدا نخدم و نتقرب من كنان
ساره : اصبري خلي لين نكمل دكتور محمد شن بنرفعك معاي هكي من غير شي زي بنت اختي صغيره رفعتها الملاهي ؟؟؟
ليلي : مكانش اتفتقنا هكي نمشي معاك و قدميني لي دكتور محمد عاد بنولي كنته
ساره : به اني بنعطل توه نشوفه اليوم و غدوه نرفعك هي سلام و طلعت مستعجله
في جهه تانيه......
بعد ما حكتله ليندا كل شي
كمال : توه كيف الحل ؟؟
ليندا : و عيونها معبيات دموع بنعاود و خلاص
كمال : هي كلمه وحده ...
ليندا : مسحت دموعها نعم !!
كمال : عياده معاش فيه خدمه انسيها لين يصير خير في قريتك
ليندا : نصدمت و بصوت متقطع و مخنوق بببسس يااا كمماال
كمال : كلامي و قلته اني قبل منبيكش تخدمي و ندير في كل شي باش انتي تكملي قرايتك لان وعدت امي و بوي يعني كلامي و قلته تم الكلام ... و طلع و خلاها
ليندا : تفجرت من البكي و قعدت تبكي لين طاحت
ياربي ياربي بينلي حقي يارب انت تعرف اني مدرت شي و ان تعبت هلبا باش توصل لي اهني يارب اني وعدت ماما و بابا ياريتكم معاي ياريتكم تشوفوا شن يصير فيا ياربي حرام ولله حرام الظلم اللي صايرلي يووجع هلبا يارب ..
في جهه تانيه .....
ساره : جايا فرحانه طبعا من انتصارها ( اني منعرف علاش يحسو هكي ) سوما صباحك فلل
اسماء : مستغربه صباح الخير
ساره : ليث جي
اسماء : دكتور ليث مزال مجاش
ساره : امممم به و هديكه ؟
اسماء : من هديكه ( توه هي اسماء زابطه )
ساره : تيي ليندا
اسماء : االا مزال مجتش حتي هي
ساره : امممم به .. دكتور محمد في مكتبه ؟
اسماء : حتي هو مزال مجاش
ساره : خيرهم كلهم اليوم ؟؟
اسماء : الله و اعلم ... تاليفونها شرين .. بعد اذنك ساره
ساره : اصلا بنمشي خودي راحتك
اسماء : من غير ما تعطيها هلبا اهتمام ايوه اي اني اسماء ..؟
كمال : اني كمال خو ليندا
اسماء : عيونها قلوب قلوب و قلبها يدق في 200 اها اهلين كيف حالك ؟
كمال : الحمد لله و انتي !
اسماء : ( يحليلي كان تعرف حالي بعد ما سمعت صوتك ) الحمد لله كويسه وين ليندا مجتش ؟
كمال : هدا سبب اللي خلاني نكلمك
اسماء ان شاء الله خير تعبت مره تانيه ؟؟
كمال : لا بس توه منبيهاش نكمل في العياده لين تكمل قرايتها
اسماء : علااااش ؟؟؟ تي مش امس كملت قرايتها و كان اخر امتحان تي شن فيه ؟؟
كمال : هدا اللي صار المهم اعطيهم علم
اسماء : ان شاء الله حاضر توه نقوللهم اجازه مفتوحه
كمال : ديري رايك هي مع سلامه
اسماء : في استغراب كامل مع سلامه
كنان : خيرك متنحه .. صكري فمك
اسماء : ولله معاد تفهم حاجه
كنان : خير بلاك ؟؟؟
اسماء : ليندا كلمني خوها و قال انها بتوقف خدمه الفتره هدي
كنان : وعلاش البنت فيها حاجه ؟؟
اسماء : مش عارفه و مش فاهمه شي
ليث : صباح الخير
كنان : صباحك حلو ياعريس تي وين نوم هدا كله
اسماء : صباح الخير
ليث : تعبان مش راقد كويس
كنان : مش منك من اللي مصهراتك
ليث : تحشمممم
كنان : شن جبت حاجه من عندي تي اشبح وجهك تقول عليك راقد في سياره
ليث : كنان مش وقتك بكل .. اسماء وراسك ابعتيلي قهوتي لي المكتب
اسماء : حاضر اصلا مفيش من بيجيبهالك غيري
ليث : وين ليندا ؟؟؟
اسماء : مجتش
ليث : مستغرب ... خدي فونه و يتصل بي ليندا بس مقفل تاليفونها ... اوووووف اوووووف تي وينك
كنان : متقوليش خيرك حالك ابدي هكي ؟؟
ليث : كنان مش ناقص براتك علي صبح
كنان : تي به به علي اساس انت سخون ... و هو طالع من مكتب ليث تلفت و حط عينه علي مكتب ليندا و قال شوفلك حد يجي يعبي المكتب هدا
ليث : علاش عنده صاحبته مكتب هدا غير اكيده صايرللها ظرف
كنان : هو من ناحية صايرللها ظرف فاهو صايررلها
ليث : شن قصدك ؟؟
كنان : خوها اتصل و قال معاش ح تجي الفتره هدي
ساره : بفرححح الانتصااار قصدك علي ليندااااا
كنان : اي
ليث : بيطربق من الغلللل
ساره : بتموت من الفرح
كنان : مش فاهم ولا حاجه
في جهه تانية ......
استاده خديجه : تفضل باب مفتوح
مجهول : استادع خديجه ؟؟
استاده خديجه : اي نعم تفضل انت طالب معنا ؟
مجهول : اي ،، اني سمعت بي اللي صار امس
استاده خديجه : سمعت شنو مفهمتكش !!!
مجهول : اللي صار لي ليندا امس
استاده خديجه : بدون اهتمام لي هدا المجهول .. اي ولله بس اني متأكده هي مدارتش هكي
مجهول : اني نعرف شن صار و شفت شن صار
استاده خديجه: كل حواسها مع هدا المجهول نعمممم ياطالب انت متاكد ؟؟؟
مجهول : استاده انتي متاكده من براءة ليندا ولا ؟؟
استاده خديجه : اكيد
مجهول : وواني متاكد من اللي شفته
قعمز المجهول حكي لي استاده خديجه كل شي و هي في انتباه كامل ليه لحد ما كمل و اتفقو انهم يمشو لي ادارة الكليه و يحكو شن صار و فعلا صار هدا و اخدت قرار بوقف المواقب علي العمل و طبعا ليلي بيحولوها لي مجلس التاديبي
بعد شويه .....
ليندا : كانت اضم في الحوش اهو حاجه و تلهيها شويه علي المصايب اللي صايرتلها .... شرين فونهااا .... الووو استاده خديجه بصوت باهت مفيشي روح
استاده خديجه : حبيبتي بنتي الغاليه صباح الورد
ليندا : صباح النور
استاده خديجه : هاتي البشاره
ليندا : بشارة شن استاده
استاده خديجه حكت كل شي لي ليندا من اول ما طق عليها المجهول الباب لي حد ما طلعو من باب مكتب الادارة ... و طبعا منوصفلكمش فرحت ليندا بي الخبر قريب قلبها يوقف هدا مستقبلها هدا حلمها و حلم بوها امها
و حتي خوها و حلم حبيبيها الجديد ..
ليندا كيف بتصكر من استاده خديجه طق الباب
ليندا : شكرا استاده ولله مش عارفه شن نقولك جمايلك كترو عليا
استاده خديجه : انتي بنتي و مفيش جمايل بينا
ليندا : شكرا هلبا ربي يحفظك و يخليك يارب
استاده خديجه : و يحفظك و ربي يعطيك الايام زينه
صكرت منها و فتحت الباب لانه كان مصكر في طقان علي باب و تشرين
ليندا : لييييث ؟؟؟؟؟؟؟
ليث : بوجه بيطربق خيرككككك مترديش خيرك متقوليش كمال وقفك من العياده ؟؟؟؟ اخر من يعلم اني و يصيح و صوته عالي
ليندا : تسكت فيه مقدرتش جبداته من ايده و سكرة باب لييييث اصصصص يسمعوناااا
ليث : انتي بتهبليني عليك ولا كيف مترديش عليا نسمع من كنان ان خوك قالك معاش فيه خدمه في العياده ؟؟
ليندا : تشبحله و مش مهتمه بكلامه قربت منه و حضناااته حبيبي كان تشوف شن صار
ليث : من كتر الحضن عيونه قريب يطلعو 🤣🤣
و حكتله ليندا شن صار بتفصيل و طبعا بعد ما هدرزو طلع جري قبل لا حد يشوفه
ليندا مشت كلمت كمال و حتي هو حكتله كل شي فرح قريب يغمي عليه من الفرحه و قتله غدوه ضروري تمشي معاي لي جامعه و كمال وافق و طبعا كان جنبه محمود و فرح معاه
بعد شويه .....
ليث : اسماء ليندا موليا اه متقولي لي حد انه خوها كمال كلمك ( يكلم فيها و هي ماشي لي مكتبه )
اسماء : و هي مش فاهمه شي حاضر دكتور ( ياربي شن المهبله اللي نخدم معاهم )
ساره : طق طق
دكتور محمد : تفضل
ساره : السلام عليكم دكتور كيف حالك قداش لينا مهدرزناش ( بو ساره مطق امها من قبل ما تتوفي و متزوج و عايش برا مره مره يتصل بيهم و يسئل يعني بعيد عليهم بخيره و بشره و ام ساره تقرب لي دكتور محمد هدا علاش اشتغلت معاه )
دكتور محمد : اي ولله احكيلي شن اخبارك انتي و ليلي ؟؟ شن مدايره في القرايا ؟
ساره : الحمد لله بخير مستورين و الحمد لله ليلي كويسه كيف كملت قرايا امس تخرجت خلاص
دكتور محمد : اووو مبارك مبارك لا تبي هديه علي الكلام هدا
ساره : الله يبارك فيك دكتور خيرك سابق
دكتور محمد : ولله معزتكم زيكم زي حنان و كنان
ساره : الله يعزك دكتور ولله حتي انت نحسب فيك بابا تاني ربي يشهد
دكتور محمد : الله يخليك بنتي فيه في عيونك كلام بالك تبي تحطي حاجه ؟؟
ساره : ( طبعا تتمسكن و تتسخف مدايره جو الحشم و هي مش خاطم عليها ) ولله يا دكتور قصداته في خدمه
دكتور محمد : تفضلي بنتي .. كيف نقدر نساعدك ؟؟
ساره : ولله دكتور انت تعرف ان اني و اختي بس نعيشو مع بعض لا عم يسئل و لا خال يدور و زي ماقتلك امبكري ليلي كملت جامعه و تعرف ضروف البلاد و هي قاعده صغيره منبيهاش تبعد عليا و تعرف ولاد الحرام فا كان فيها كيف دكتور نبيها تخدم اهني معاي منها تقعد تحت عيني و منها اطلع مصروفها
دكتور محمد : اي صح بنتي عندك حق و من حقكك تخافي علي اختك و تفكري في مصلحتها ولله فخور بيك اني كيف شايله مسؤوليه بكري بكري و بخصوص الخدمه حاضر نشوفلها مكان
ساره : عادي دكتور حتي في مكان ليندا
دكتور محمد : علاش ليندا وين مش كملت اجازتها متاع الامتحان ؟؟
ساره : شكلك ماتعرفش يا دكتور و حكتله علي الفضيحه علي اساس متاع لينداو طبعا حطت هليها زياده من بهاراتها و طبعا و ختمتها بي مكاامه كمال لي اسماء
دكتور محمد : لالا مش معقول الكلام هدا لا حول ولا قوه الا بالله ليندا ؟؟؟ مستحيل ادير هكي اي البنت تحطها علي جرح يطيب ميطلعش منها دوه هدي
ترا خلي نتاكد من اسماء
دكتور محمد : اسماء تعالي لو سمحتي ....
#يتبع في حلقه 18

إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة