بين الحاضر و الماضي ( روايات ليبية )

حلقة 3

رواية #بين_الحاضر_والماضي
( واقع ممزوج بلخيال )
للكاتبة #راوية
الرواية بلهجة الليبية
الحلقة 3

ليت: اهلا شرفتينا
ليندا: وهي متحشمه و عيونها منزلتهم بعد ما حست بشعور غريب جاي من ليث اهلا شكرا
ليث : شن عندك مشكله نقدر اني نساعدك ؟؟
ليندا: مشكله!!
استاده خديجه: و هي مستغربه غي ليث كيف دايب هههه لالا مشكله شن اللطف ربي ميجيب المشاكل هدي يا ليت ليندا بتبدا تشتغل معاكم
ليث: بعد فرحه و هو مخبيها و مزال اتار الصدمه و الدهش و الاعجاب و الدوبان علي وجهه اه حقا تي تشرفينا و تأنسينا
اني نحساب عندك مشكله في سنونك بس الباين مشاء الله كل شي مساوي
ليندا: امممم شكرا بارك الله فيك هدا من دوقك
قطعهم صوت اسماء
اسماء : استاده خديجه دكتور محمد فاضي توه
استاده خديجه : هي ليندا خلي يشوفك و تبدي الخدمه ليت خلينا نشوفوك
ليث: جاي معاكم اني
استاده خديجه: هههههههه براحتك
في جهه تانيه
كمال : ولله يا محمود مش عارف كيف ندير
محمود: في شن ؟؟
كمال: اسمهان و مشاكلها و حاطه راسها من راس ليندا و اني معاش عرفت كيف نتصرف معاها منبيش نضلمها و في نفس الوقت منبيش نقصر في حق اختي امي و ماما وصوني عليها
محمود: صح عندك حق اسمع انسب حل انك تتفق مع اسمهان و تفهمها ان اختك بروحها و هي بروحها
كمال: تصدق يا محمود ان ليندا حست من كلام اسمهان ان هي متقله عليا في مصروف و هكي و اليوم حصلت خدمه
محمود: اياااه لهدي درجه ؟
كمال : واكتر
محمود: شوف يا كمال خدمه مش عيب و لو حصلت مكان مليح عادي خليها تشتغل تعتمد علي نفسها صح انت متبيهاش ناقصه شي بس الله غالب هدا حد جهدك معاها راك تشتغل في خدمتين و مش ملحق و بنات متطلباتهم هلبا
كمال: صح ليندا معندهاش متطلبات بلعكس قنوعه و صبوره تي متطلبش في حاجات زي اسمها بس منبيهاش تتعب و منبيهاش تقصر في قرايتها تكمل و بعدين تشتغل بشهادتها
محمود:معليش شوفها وين تشتغل توه و خليك معاها و ان شاء الله ميصير الا كل خير
كمال: ان شاء الله
في جهه تانيه
محمد: يا اهلا و شبحلها شبحت متاع زابطك
استاده خديجه: اهليين و هي تضحك
ليندا: السلام عليكم
محمد: وعليكم السلام ليت مش عندك خدمه!؟
ليث: لا اصلا ماهو كملت و مزال حاله الدوبان و الاعجاب بي ليندا باينين عليه
محمد: تي توه كنت مستعجل و تبي تطلع طبعا هو زابطه
استاده خديجه : هدي ليندا اللي حكيتلك عليها بتشتغل معاك
و كان تقدر حتي من اليوم فهمها اصول الخدمه و شن مطلوب منها و طبعا مننسوش انها طالبه رتب علي اوقات محاضراتها
محمد: ياساتر غير بشويه عليا خلينا نتعرفوا علي ليندا و نشوفوها تعرف تتكلم او لا ؟
ليث : ضحك لا تعرف تتكلم سمعتها قالت اهلين و مشكله و السلام عليكم معناها امورها تمام دكتور
ليندا: تسمع و مش عاجبها تقول في قلبها شن يتسهوك عليا و لا شن قصته هدا و هو من بكري دايخ غير برا شوف حالتك انت قبل
استاده خديجه: هي بطلو تسهويك خلو بنت في حالها
طقطق الباب
اسماء: دكتور ليث عندك حاله تستني فيك
ليث: هي هي و في قلبه يقول كيف بنمشي و نخليها نحس في قلبي خداته
محمد: هيا برا شوف خدمتك
ليث : هي نستادن خالتي خديجه نشوفك قبل ما تروحي
استاده خديجه: اي ان شاء الله تعالا اتغده عندنا من غير ما تتصل او شي تعالا في اي وقت انت زي كنان و اعز
ليندا: في قلبها احسن مع سلامه دكتور ليت
ليث : وهو طالع سمعها حس بحاجة غريبه اتلفت و قاللها خلينا نشوفوك
دكتور محمد و استاده خديجه حسو فيه شي
محمد: هي ليندا احكيلي علي روحك و نفوتوا جو واسطات هو اكيده بنخدموك لان جايا الاوامر من سلطات العليا قصده استاده خديجه
لينده: مع ابتسامه خفيفه الحق دكتور محمد اني نحترم و نحب استاده خديجه و نعتمد عليها وهي بارك الله فيها مساعدتني هلبا
محمد: وحتي هي تحبك و ديما تحكيلي عليك المهم انتي شن رايك تبدي توه او من غدوه
ليندا: ياريت من توه نشوف كيف الخدمه و اني عندي محاضرات الصبح معناها نكمل نجي طول اهني
محمد: اي شوفي اللي يريحك و امتي ماتبي اخدمي عندك اي ظرف كلمي اسماء و هي تتصرف خلاص متفقين
توه في وراقي عبيهم عند اسماء و هي تزيد تفهمك توه اني نكلمها و نوصيها عليك
ليندا: نبره فرح في صوتها شكرا مش عارفه شن نقول استاده خديجه نشكرك
استاده خديجه: لا مفيش شكر بينا توكلي علي ربي و ابدي اخدمي و اتبتي للكل انك قد كل شي اتفقنا؟
ليندا: اكيد هي خلي نمشي سلمت علي دكتور محمد و استاده ليلي و طلعت من مكتب
محمد: الو اسماء توه جياتك ليندا عرفيها علي خدمه و اعطيها تعبي نمودج و حطيها مع فريق دكتور ليث مبدائيه
اسماء: حاضر دكتور اهي وصلت
ليندا: اني ليندا قالي دكتور محمد نجيك
اسماء : اي اهلين تفضلي عبي النمادج هدم و اعطيهملي و معرفتيش اي شي كلميني به ؟
ليندا: شكرا
بدت تعبي نمودج و كملت
ليندا: اسماء كملت
اسماء : اها كويس توه خلي نتفق معاك علي اوقات الخدمه و مرتبك
ليندا: وقت اني صبح عندي محاضرات نكمل ساعة 3
اسماء: تمام تبدي ال 4 لي 8 كويس هكي و مرتبك ح يكون 400 كويس هكي ؟؟
ليندا : كويسه طبعا تي كويس هلبا الحمد لله شكرا ..
بس اني شن بنشتغل و وين بنشتغل ؟؟
اسماء : العفو حبيبتي هدي توصيات دكتور محمد
انتي توع مؤقت ح تكوني مع مجموعة دكتور ليث
ليندا : فتحت فمها من الصدمه .....
#يتبع في الحلقه 4 ❤❤

إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة