بين الحاضر و الماضي ( روايات ليبية )

حلقة 10

رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 10

ليت: نبي نوصيك علي امتحاناتك ركزي و متفكري في شي و اني جنبك و معاك و تحتاجي اي شي كلميني اني و حط ايده علي ايدها
ليندا: شكرا دكتور ليث الحق مش عارفه شن نقولك نزلت راسها و قلبها يدق
ليث: اني نقولك معجب بيك و نحاول نتقرب منك و انتي تقوليلي دكتور مش عيب هكي ؟؟
ليندا : طلعت الصحه منها من غير قصد .. و هي قلبها يدق و خدودها حمر قالت خلاص تمام ليث اتفقنا
ليث : وصله شعور و دقات قلب ليندا .. متمني منخليكش تمشي كيف بيفوتوا اسبوعين
ليندا : نكلمك كل يوم وعد و انت كلمني كيف تستاحشني
ليث : كل ما نستاحشك صار ؟ معناها كل تانيه
ليندا : هههههه به خلي نمشي هي مع سلامه
ليث : تمام ردي بالك علي روحك
ليندا : حاضر و حتي انت
بصدفه اسمهان واقفه في روشن و شافت ليندا و ليث
فتحت باب ليندا
اسمهان : وعليكم السلام و الرحمه
ليندا : سلام عليكم كيف حالك
اسمهان : الحمدلله نبي نفهم بس اللي زيك يتمسكن يلقي حاجه مليحه ؟
ليندا : اسمهان لو سمحتي خليك في حالك و خليني في حالي منبيش نتعارك معاك ولا يصير بينا مشاكل
اسمهان : اني بنحط راسي من راسك علاش من تكوني؟
ولا شفتي روحك علي خاطر سياره اللي نازلة منها توه!!
ليندا : اني مش ح نرد عليك علي خاطر كمال فقط خشت و صكرت دار عليها و تلوحت علي سريرها و قعدت تبكي لين خداها نوم و محستش الا بكمال يطق في باب عليها
كمال: ليندا ا فتحي باب نوضي
ليندا : فاقت حكت عيونها و مشت فتحت نعم كمال
كمال: خيرك حالك باهي ؟؟
ليندا : تلوحت في حضنه و قعدت تبكي
كمال : خيرك شن فيه متخوفينيش ؟؟
ليندا : تبكي بشهقه
كمال: ليندا ....هيااااااا
اسمهان : انت و اختك افلام هنديه
كمال : اسمهان مش وقتك توه
كمال: خششها لدارها و قعمزها علي سرير شن فيه قوليلي من صايقك ؟؟
ليندا : حد
كمال : اماله خيرك ؟
ليندا : اليوم تعبت شويه و طحت
كمال : كيف و علاش و امتي ؟؟ و علاش متصلتيش بيا ؟
ليندا : بصوت تعبان مش عارفه ياكمال فجاه طحت و دكتور ليث هو اللي ساعدني و اسماء و مروان متاع الحسابات الحق بارك الله فيهم
كمال: به انتي شن حالك توه ؟؟؟
ليندا : احسن الحمدلله
كمال: متاكده !
ليندا : اي
كمال : ربي يهديك هدا كله من تعب خدمه و قرايا هلبا عليك
توه الامتحانات بطلي خدمه يا وقفي او سيبي قرايتك اهم
ليندا : لا لا اتفقت معاهم مش ح نخدم ايام الامتحانات
كمال : به كويس توه نبيك ترتاحي و ترقدي كويس و اهم شي تاكلي
ليندا : اي ان شاء الله متخافش عليا توه احسن حالي
كمال : به باسها علي راسها و طمنها
طلع كمال من دار ليندا جاته تجري اسمهان
اسمهان : مسمعتكش جبتلها سيره سيارة اللي نزلت منها اليوم
كمال: اخطيني بالله عليك
اسمهان : اها يعني انت عاجبك جو ؟
كمال : خليها في حالها بنت تعبانه ارحميها و ارحميني
اسمهان : ناس تتكلم عليك و علي اختك كلام مش كويس
كمال : انتي شن متحسيش متعييش من العراك و مشاكل حرام عليك يامراء
اسمهان : بدل ما تتكلم هكي برا شوف اختك علي العار اللي مدايراته نازله من سيارة وهي تحب في وسط سيارة و يعالم وين كانت و قداش قعدت و علي عينك يا تاجر في وسط نهار لا تحشمت علي وجها و لا دارتلك حساب
كمال : ناض من مكانه و عيونه حمرررر و وجهه بيطربق ضربها كف قوي احترمي نفسك كل شي الا اختي اسمهان انتي طااالق و تحرمي عليا لي اخر العمر و طلع وخلاها
اسمهان: شاده خدها بيدها و واقفه مصدومه ولا كلمه
ليندا : سمعت كل شي و مطلعتش من دارها
عند ليث....
ليث : واقف قدام مكتب ليندا و يشبح فيه كيف فاضي ..اوووف استحشتها
ساره: اكيد عليا اني
ليث : غير موضوع .. بصوت مرتبك هدا غير ساعة و جايا
ساره :روحت باختي من جامعه و قداش ليا واعدتها بنغديها برا اليوم حصلت فيا تغدينا و شرينا حاجات ناقصين
ليث : به صحه .. ساره اني كملت و بنروح تعبان بنرتاح شويه في الحوش
ساره : حطت ايدها علي كتفه .. خيرك سلامتك تبي نعاونك في حاجه؟؟
ليث : لا لا شكرا
ساره : قربت منه و بصوت حنون ليث اني ....
شرين فون ليث
ليث : معليش نستادنك...الووو تي وينك؟
ليندا: اهلين كان مشغول نكلمك لما تفضي
ليث : لا لا فاضي و اصلا كنت مروح
ليندا : مزال بكري خيرك؟
ليث : اخي العياده من غيرك نتخايل فيك في كل مكان
ليندا : ليث
ليث : عيونه نعم !
ليندا : كان تشوف شن صار هلبا مشاكل و اني تعبانه هلبا
ليث : شن فيه شن صار ؟؟ نجيك توه ؟؟
ليندا : تبكي بشويه لالا متجيش
ليث : علاش تبكي به احكيلي شن فيه
ليندا : توه بعدين نكلمك و صكرت ... و دراته مقفل
ليث : الوو الووووو عاود اتصل بيها لقه مقفل ...
اوووف تي خيرها شن فيه ؟؟؟
اسمهان : تعيط و تبكي و كل شي طيحاته كسراته
ليندا: اسمهان هدي روحك توه نكلمه و ترجعوا لي بعض
اسمهان : حولي من عليا نكرهك انتي و خوك اصلا اني شن جابني اهني عندكم
ليندا : ولله انتي وحده مينفع معاها الطيبه طول عمرك مسمومه هدا علاش مفيش حد يحبك حتي كمال محبكش و حتي صغار مجوكش و اني فرحانه ان موليتش عمه من وراك تعاملي مع ناس كويس حبي ناس
بالك حياتك تتغير بالك تلقي حد يحبك بالك تعيشي سعيده بدل ما ادوري في مشاكل تعلمي من اللي صارلك هدا
اسمهان : ولله طلعلك صوت يا مقصوفه اني نكرهك انتي و خووك ربي يرفعكم اصلا اني نحب واحد تاني و دار فيا شن يبي و هرب و خوك وفقت عليه لان معنديش حل
ليندا : مصدومه من الكلام اللي سمعاته محستش بروحها الا و ضربت اسمهان كف يا اللي متتحشميش
اسمهان : تضربيني اني يا كلبه ..
دفت ليندا طاحت جي راسها علي حاشيه طاوله و نزل دم غابت ليندا علي الوعي
اسمهان : فتحت باب و هربت.......
يتبع في الحلقه 11 ❤

نبي تفاعلكم يزيد 💗
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة